Эрзят: суоми-угрань раське, кона эри Россиясо

эрзя, эрзяне) — те Эриця, Эрий, Эри «эрямс» ды «эрямо» валтнэстэ; суоми-угрань раське, Уралонь покш семияньте совиця. Эрзятне эрить Мокша ды Сура лейтнень чирева, истяжо Рав ды Ашонь леень ютксо.

Эрзят
Нейшкань эсьлем	Эрзя
Численность и ареал
Весе: 517 575 (Россиясо 440 000)
Россия Россия: весемикс мокшотнень марто 744 237 (2010) Эрзят: ошонь ды велень эрицят 57 008 (2010) ошонь 14 353 (2010) велень 42 655 (2010) Мордовиясь 333 112 (2010), эйстэст: эрзят 49 579 (2010) мокшот 4 178 (2010) весемикс эрзятне мокшотнень марто: Самара ёнкс 65 447 (2010) Пенза ёнкс 54 703 (2010) Ульянонь ёнкс 38 977 (2010) Оренбургонь ёнкс 38 682 (2010) Башкириясь 20 300 (2010) Татариясь 19 156 (2010) Алоошонь ёнкс 19 138 (2010) Московонь ёнкс 18 678 (2010) Москов ош 17 095 (2010) Чувашиясь 13 014 (2010) Челябань ёнкс 12 147 (2010) Саратов ёнкс10 917 (2010) Свердловонь ёнкс 6 303 (2010) Эрязянь ёнкс 5 564 (2010) Кемеровонь ёнкс 3 932 (2010) Иневедьвакссо ёнкс 2 223 (2010) Мурманонь ёнкс 1 625 (2010)
Описание
Кель	эрзянь кель, рузонь кель
Кемема	православие[d], язычество[d], эрзянская традиционная религия[d], Молокане[d] ды лютеранство[d]
Совавты	Мордва[d]
Малавикс раськеть	мокшот, марить, удмуртт, суомить, эстэть
Этникань группат	Шокшот Терюхаттне[d]
Эрзят

Эрзятнень раськень коцто (седе кувакасто ловнок)

Эрзя валонть лемезэ-смустэзе лиси-саеви эриця — руз. живущий валонть эйстэ. V пингстэ саезь эрзятне эрить пелеве-чивалгома ёнкссо мокшотнень эйстэ, неень Эрязянень ды Обран ошонь Мастортнева.

961 иестэ эрзя (арта, ариса) лецтяви хагаронь каганатсонть Иосифсэнть кода раське, кона панды каявкс сонензэ. Истя жо Эрзятнеде сёрмалесть пингэньгрэкень географтнэ Страбонось (аорсы) ды Птолемей (арсииты).

Арза — эрзянь мастор, конадонть сёрмали арабонь киньякиця Ибн-Хаукалэсь (X пинге). Эрзятнеде (арджаны) сёрмалесь Рашид-ад-дин (XIV пинг.); ногаень инязор Юсуфось сёрмалесь о "рзянах" грамотассо (сёрмас содамосо), конань кучизеть Московов 1549 иестэ.

Куншка пигэтнестэ Эрзя — раське, кона каршо моли хазартнэнm ланкс, печенегетнень ды половецтнэнь. Пингэнь чинязось Эрзятнень аштиль мастортнева Сыре Эрзянь (Эрзяни). Лепштевятомасонь, конань кандыльть славянонь раськесь, эрзятне туильть чилисема ёнов — Эрзямас ёнов.

Ялатеке весе неть ёвтнематнесэ свал лецтявиль секе ошонть лемезэ — Эрза (Эрта, Эрба, Арза, Арта, Арба — кие кода марилизе, истя сёрмадылизеяк), ды сонзэ свал яла секе улема таркадонть лецтямось кармавты арсемс: те алкуксонь тев. Кортамось моли, бульчом, се оштонть, кона ульнесь неень Рязаненть таркасо. Тень каршо а молить археологтнень Рязаньстэ муевкстнэяк. Сынь седее а ков видестэ кортыть: те ошось путозель кезэрень эрзятьнень эрямо таркантень. Ды сонсь Рязань валоськак теевсь рузывтозь эрзянь валстонть.

Мокшотнень содавксонть эйстэ, конать 1237 иестэ ве мельс састь кедь алдо Ордатнть эйстэ, Эрзятне туить пелевеёнксов вирьтнэне, ды максыть каршо вий татартненэ.

Сэсте коли суздалень прявтошось куншка XIV пингтнэсте тееви Обран ош (Ало ош) Эрзятне понгсь суздалень инязоронь кеденть алов, ды кой-контне эрзятнедэ рузыясть, кой-конатне тусть седе тов Чилисема ёнов, ды понгсть XVII пингэсте Равоньтомбалев (Заволжье) ды Лембе Уральёнксов (Юж. Приуралье), косо турсь ногайтнень ды калмыкнэнь марто.

Теевема Саратовонь-Оренбургонь-Челябань кирькс нарьдечитнень кармась улеме седе тов молеме эрзятнень Уралов. Ламо эрзянь эрямо таркатне Уралонь Масторга появасть рузонь ломатнень икелев.

Эрзянь ломаньтне кортыть Эрзянь кельсэ. Эрзякс, 2002 иенть ловномасонть-цётомасонть пряст сермадызь 410 000 ломаньть.

Эсест раське лемест видьстэ ёвтыть «Эрзя», теде видьстэ ёвтасть «Эрзянь раськенть алкуксонь лемензэ коряс мельяволявтома»-сонть

Минь, весе эрзянь раськенть пельде Эрзянь Инекужос кочказь эрзянь ломантне,

— нежелезь ламо тёжаиень эрзянь раськенть эрямопингезэнзэ, мельсэ кирдезь минек покштянок ды сынст койтнень-кирдатнень,

эрзя раськень, эрзянь келень ды эрзянь культурань вейсэксчинь ёжонь марязь ды кирдезь,

— мельспаросо тешкстнезь кеме эрзянь меленть ды ёжомарямонть уликсчист,

— парсте чарькодезь ды марязь – Эрзя раськенть сы шкань эрямонзо кис мелявксось ней весемезэ ашти неень шкань эрзятнень лавтов лангсо,

— раськеютконь праватнес ды Рузмасторонь Прявткоентень кирдезь, конат идить эрьва ломанень ды эрьва раськень праватнень,

— лия раськень эрямопингест, коест, культураст, келест ды раськень каштанчист мельванозь,

— бажазь улемс Модамасторонь лия раськетнень ютксо улемс-эрямс эсь кезэрень лем ало, норовазь улемс содавиксэкс, эсь питнень содыця ды мариця, эсь мельсэ эриця раськекс,

— лия раськетнень, сынст кирдивийтнень ды ветикуротнень паро мельс ды ялгаксчис кемезь,

— весе эрзянь раськенть мелензэ-бажамонзо ломань сельме икеле невтезь,

яволявттано Эрзя раськенть мельдензэ: панжадо лемдявомс эсь кезэрень лемсэнек — эрзянь раське, эрзя

ды кемекстатано — Эрзянь раськенть улить весе асаевикст эсензэ праванзо лия раськетнень ютксо.

Весе раськетненень Вемельксчинь, Сетьмечинь ды Изнявксчинь арсезь Эрзянь Раськень Инекужось.

• Абрамовонь Кузьма
• протопоп Аввакум
• Алексеевень Кузьма
• Артём Веcёлый
• Батаевень Павел
• Ардеев, Василий Иванович (ВИАРД)
• Видяевень Фёдор Алексеевичесь
• Васильев, Тимофей Васильевич
• Гайни Пётр
• Глуховонь Пётр
• Дарькинень Сергей
• Доронинень Александр
• Евсевьевень Макар
• Кадышень, Надежда Никитична
• Кривошеева Ефимия
• Кривошеев Илья
• Числав Журавлёв
• Йовлань Оло (Ромашкинень Олодимир)
• Куляскинень Дмитрий
• Куторкинэнь Андрей
• Кутяковонь Иван
• Люлякинань Серафима
• Артур Моро
• Дмитрий Надькин
• патриарх Никон (эсь лемесь Никита Минин)
• Нуянь Видяз (Евгений Четвергов)
• Максим Пуркаев
• Инязор Пургаз
• Рябовонь Анатолий
• Рябовонь Владимир
• Лёша Рав
• Радаевень (Радин-Аловский) Василий
• Радаев Василий
• Руслановань Лидия Андреевна
• Никас Сафронов
• Инязор Тюштя
• Чапаевень Василий
• Фёдор Чесноков
• Николай Чиндяйкин
• Эрзямасонь Олёна
• Никул Эркай
• Степан Эрьзя

Сех содавикс суоми-угрань масторга, кие моры эрзякс те Торама морамо пурнавксось. 2005 иестэ ульнесь теезь арт-фолк группа Морденс, сон содавикс од кунсолыцятнень ютксо. 2010 иестэ Саран ошсо ушодызе эсь шкинеманзо Мерема морамо-седямо кужось. 2011 иестэ Московсо васенцеде лись сцена лангс «Ойме» морамо-седямо кужось.

Неень шкань морот эрзянь кельсэ морыть Бакич Видяй, Ежевика Спиркина, Панишень Аня, Самаркинэнь Евгений, Виктор Рауткин, Трифоновонь Максим, Бакайкинань Лияна ды лият.

•  
  «Морденс» фолк-арт кужо
•  
  «Торама» седямо-морамо кужось (2009 иестэ, Ине-Петрань ошсо)
•  
  OYME моры Tallinn Music Week фестивальсэ (2015 иестэ)
•  
  Мерема морамо кужось Seto Kuningriigipäevad Покш Чисэнть, Обиница, 2015 иень умарьковонь 1 чи