Уралтау

Уралтау (баш. Уралтау) — сехте кувака Лембеёнкс Уралонь пандонь корязтнень эйстэ. Сонзэ эйстэ мерить ведень кавтов явовтыця.

Пандо карязонть кувалмозо 290 вп ды сон юты Баймаконь, Бурзянонь, Абзелиловонь, Белорецэнь, Учалинэнь буетнева Башкортостан Республиканть ды Челябань ёнксонть. Карязонть келезэ 10 саезь 20 вп куншка таркасонзо. Сех сэрей прясь Уралтаунь — Арвякрязь пандось (1068 м) Белорецэнь буесэ.

Лемесь ледстяви (руз. Книге Большому чертежу) (1627 и.), кода Аралтова эли Оралова гора. Саеви тюрк. арал (руз. остров, островок леса в степи, возвышенность); тюрк. may руз. гора валтнестэ.

Ракшатне конат вастневить Уралтауссо: сывельдеярсыуятнестэ – вергиз, ривезь, вирь катка, овто, нерьгаз, чинеме, ведьпача, мода максака, раужо пуло; порицятнестэ – нумоло, ур, чеерь; нармунть – яксярго, пакся пово, кочкодык, вирь сараз, cувозей, пово, тумо атякш, карцигян, корг, шекшата ды ламо морыця нармунть; серьканьсэтьнестэ - сярдо, европань идем сея.

Вастневить – равжа пря гуй, гуй. Лейтнесэ – ментюк, нучко, ужкал, ёзь, вирькал.

Уралтау те сех прявт ведьявовтыця Лембеёнксонь Уралонть лейтнень, конат чудить чилисемав (Урал) ды чивалгомав (Ашонь лейс, кона пры Кама лейс).

Пелевеёно касыть валдо алдосалмуксонь тайгасо човор лиственница марто. Куншка таркась пичеть ды килейень вирьтнесэ. Лембеёно кавто чувотнэнень ютксо вастневи пойгак .

• Лембеёнкс Урал