Башкирия Республикась

Башкирия Республикась ды Башкортостан лемтне вейкеть. Совавтови Равчирева федерациянь кужос, кода Уралонь экономикань буень пелькс. Прявтошост — Уфа ош.

Россия Масторонь масторпелькс
Башкирия Республикась
баш. Башҡортостан Республикаhы
Коцт Герб[d]
Гимн Башкортостана[d]
HGЯOL
Мастор	Россия Россия
Куншка таркась	Уфа ош
Губернатор	Андрей Геннадьевич Назаров[d]
История ды география
Покшолмазо	143 600 квадратной вайгельпе
Сэрь	214 метр
Шкань каркст	YEKT[d], UTC+5:00[d] ды Азия/Екатеринбург[d]
Эрицятне
Эрицятне	▼4 016 481 лом. (2021)
Цифровые идентификаторы
Код ISO 3166-2	RU-BA
Код ОКАТО	80
Кортавксонь код	347
Код автом. номеров	02 ды 102
Официальной сайт​(руз.)
Аудио, фото и видео

Ульнесь теезь 1917 иень сундерьковонь 15 чистэ (сундерьковонь 29 чи) кода Башкурдистан раськень-мастор, 1919 иень эйзюрковонь 20 чистэ лемезэ Башкирэнь АССР. 1990 иень ожоковонь 11 чистэ лемдяви Башкирэнь Советэнь Социалистической Республика — Башкортостан, 1992 иень даволковонь 25 чистэ мерить Республика Башкортостан. Эрицятнеде 4 071 064 лом. (2016), васенце тарка Россиясо республикатнень ютксо.

Башкортостан ашти шабрацек Пермень краенть, Свердловонь, Челябань, Оренбургонь ёнкстнэнь, Печкасонь ды Удмуртонь Республикатнень марто.

Башкортостансь ашти Лембеёнкс Уралонь ды Икелеуралонь пандтнень чивалгомань ёнкссованть. Сех верьга таркась республикасо — Ямантау пандось (1640 метрат). Покшолмазо 142 947 тёж. вп², мезе саявты ансяк 0,84 % Россиянь Масторсто. Республикась сравтовсь пелевеёнксто лембе ёнксов 550 вп кувалмос, чивалгомасто чилисемас — 430 вп-ть.

Башкириясо неень шкасто эрить 4 071 064 лом. (2016 ие), ошонь эрицят — 61,8 % (2515900). 29.64 % эрицятнестэ Уфасо ды малавикс муниципальной буесэнь. Сехте ламо эрицятеде Зилаиронь (3 лом./км²), Белореень (3,7 лом./вп²) ды Бурзянонь буетнесэ (4 лом./вп²). Сехте ламо велень эрицятеде Уфань (37 лом./вп²), Кармаскалинэнь (30 лом./км²), Чишминэнь (29 лом./км²) ды Туймазинэнь (27 лом./вп²) буетнесэ.

Раськень коряс Башкортостансо, саезь 2010 иень Ловнома-сёрмадстоманть коряс, рузт — 36,1 %, башкирт — 29,5 %, печкаст — 25,4 %, ветькеть — 2,7 %, марить — 2,6 %, украинецт — 1 %, эрзят — 0,5 % ды лият — 2,7 %. Весемекс эрить 160 седе ламо раськеть.

Эрзятне Башкириясо

2002 иестэ эрзятнеде ульнесть 20300 ломать. Эрить 70-де ламо таркава. Ансяк вейке мокшонь веле — Кузьминовка, 439 лом. марто эрицят.

Кожай-Андреева ды Кожай-Максимово велетнень эрицятне эсист пряст лемдить «мурза». Те кортамонть сёрмадызь 2003 иестэ ИЭИ УНЦ РАН-нь ваномасонть не таркатнева.

Ней Башкириясо 54 административной буеть, 21 ошт, 2 ошкондямо эрямо таркат (Чишмы ды Приютово), 828 велень администрацият, 4434 велень эрямо таркат.

	Буеть Абзелиловонь Альшеевень Архангелэнь Аскинэнь Аургазинэнь Баймаконь Бакалынь Балтачевэнь Белебеень Белокатаень Белорецэнь Бижбуляконь Бирскоень Благоваронь Благовещэнань Буздякяконь Бураевэнь Бурзянонь	Гафурийень Давлекановонь Дуванонь Дюртюлинэнь Ермекеевень Зианчуринэнь Зилаирэнь Иглинэнь Илишевень Ишимбаень Калтасинэнь Караиделэнь Кармаскалинэнь Кигинэнь Краснокамонь Кугарчинэнь Кушнаренконь Куюргазинэнь	Мелеузовонь Мечетлинэнь Мишкинэнь Миякинэнь Нуриманонь Салаватонь Стерлибашэнь Стерлитамаконь Татышлинэнь Туймазань Уфань Учалинэнь Фёдоронь буе Хайбуллань Чекмагушэнь Чишминэнь Шаранонь Янаулонь

• Почтань маркат
•  
  Нугуш леенть чудемазо.
•  
  Шихан Тратау.
•  
  Атыш веденьпрый.
•  
  Башкирэнь алашатне Яктыкуль эрькенть вакссо.