Ри́ца (Покш Рица; абх. Риҵа) — пандонь эрьке эйень-тектоникань чачома марто Чивалгома Кавказсо, Абхазиянь Гудаутонь буесэ.
Рица абх. Риҵа, груз. | |
HGЯO | |
Мастор | ЛопаПарцун:Масторкоцт/Абхазия-Грузия |
Буе | Гудаутонь буе |
Абхазия-Грузия ещё не имеет позиционной карты. | |
Рица Википурнавкссо |
Ашти 950 м сэрьсэ иневедень чаво тешксэнь видс Бзыбь леень чудемасо, Лашипсе ды Юпшары лейтнень домкань вирень кевлаткова, чилисёмав Гагронь кевкарязсто. Пандтне, эрькенть перькава 2200—3200 метрань сэрьсэ. Покшолмаст — 1,27 вп², кувалмось — 2,5 вп, келэсь — 270 метрсто саезь 870 метрас. Куншка домкась малав 63 м, сэх ламось — 131 м (кой-косо сёрмадыть 114 м видс). Ярсамозо пиземень ды ловонь. Ведень куншкань температурась эрькенть лангсо 10°C (аштемковонь прядомсто ожоковонть видс), сэх покшось — 17,6 °C (умарьков), телень шкасто (даволковсто) куншкань температурась +3,8 °C.
Рица эрькесь кельми ансяк кежей телестэ. Сэстэ сонзэ веси вельтявксось пештяви 1-5 см сэрьсэ эйсэ. Зярдо ловов телесь, Рица буенть перькава ловось пурнави 7-11 м, свал 2-3 м.
Веденть тюсось лиякстоми иенть перть. Тунда ды кизна ведесь пиже—ожов, сёксня ды тельня — кельме сэнь-ашназа-сэнь.
Рица эрькестенть лиси Лашипсе (Лашпсы) лейстэнть — Юпшара лейесь, кона Бзыбь леенть сянглей. Эрькесь теевсь малав 250 иеде икеле, зярдо Пшегишхва пандонь пельксэсь каладовсь Лашипсе леенть лангс ды теевсь сёлт.
Эрькесэнть вастневить форель, истя жо кастыть сиг, ды ёзь.
Авасоло ульи Вишка Рица эрьке, 0,2 вп² покшолмасо.
Пек мазы эрькенть теизэть сонзэ Абхазиянь прявт туристэнь оймсэма таркакс. Эрькесэнть ашти Сталинэнь дача ды сонзэ вакссо Брежневэнь дачась. Эрькесь шабрацек ашти Рицинэнь кородома таркась.
Раужо Иневедьстэнть чирестэ эрькентень вети автоки, кона юты Бзыбь, Юпшара ды Гега лейтнень лашмотнева, жы кона туи седэ верев Ауадхара оймсэма таркав.
ЛопаПарцун:Достопримечательности Абхазии
This article uses material from the Wikipedia Эрзянь (Erzjanj Kelj) article Рица, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0-сто муят мезе тесэ, бути лиякс апак ёвта. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Эрзянь (Erzjanj Kelj) (DUHOCTRUNGQUOC.VN) is an independent company and has no affiliation with Wiki Foundation.