အနတ္တ

• ယင်းတို့ “အတ္တမဟုတ်သော၊ အတ္တမရှိသော၊ အလိုသို့ မလိုက်တတ်, အလိုသို့ မလိုက်စေနိုင်သော (အဝသဝတ္တနဋ္ဌ)၊
• ခန္ဓာအိမ်ပျက်စီးသော်လည်း မပျက်စီးပဲ အမြဲတည်နေသောအရာ (နိဝါသီ),
• မြင်ခြင်း ကြားခြင်း စသော ကိစ္စတို့ကို ပြီးစေတတ်သောအရာ(ကာရက),
• ချမ်းသာဆင်းရဲကို ခံစားတတ်သောအရာ (ဝေဒက),
• ကိုယ်ကို၎င်း မျက်စိ စသည်ကို၎င်း မိမိအလိုသို့ လိုက်စေတတ်သောအရာ (သယံဝသီ)ဟု တိတ္ထိတို့ကြံဆအပ်သော အတ္တဟူသော အနှစ်သာရမရှိသော (အသာရကဋ္ဌ)၊
• အတ္တ မှ ဆိတ်သုဉ်းသော (သုညဋ္ဌ)၊
• အရှင်သခင်မရှိသော အရှင်သခင် မဟုတ်သော (အဿာမိကဋ္ဌ)၊
• အစိုးမရသော အစိုးရသူမရှိသော (အနိဿရဋ္ဌ)၊
• အတ္တကို ပယ်တတ်သော အတ္တ၏ ဆန့်ကျင်ဖက်ဟူသော (အတ္တပဋိက္ခပဋ္ဌ)၊
• အလိုရှိတိုင်း မပြုစေနိုင်သော, အလိုရှိတိုင်း ပြုနိုင်ခြင်း မရှိသော(အကာမကာရိယဋ္ဌ)” စသည်တို့တည်း။

၎င်းတို့တွင် အဝသဝတ္တန-အနက်နှင့် အသာရက-အနက်တို့ကို အဖွင့်များသည်ကိုတွေ့ ရသည်။ အချို့အရာ၌ အနက် ၄-မျိုးစုပေါင်း၍ ဖွင့်သည်ကိုလည်း တွေ့ရသည်။

အနတ္တ တရားတော်ကို ဘုရားရှင်သည် အနတ္တလက္ခဏာသုတ် ၌ ရှေးဦးစွာ ဟောတော်မူပြီးနောက် ထိုထိုသုတ်တို့၌ အကြောင်းအားလျော်စွာ နည်းအမျိုးမျိုးဖြင့် ဟောတော်မူခဲ့သည်။

အချို့သုတ်တို့၌ ခန္ဓာ၅-ပါးကို အနတ္တ-ဟု ဟောတော်မူ၍ အချို့သုတ်တို့၌ စက္ခုစသည်ကိုလည်းကောင်း, ရူပါရုံ စသည်ကို၎င်း, ဥပါဒါနက္ခန္ဓာ ၅-ပါးတို့ကို၎င်း, ပထဝီဓာတ် စသည်ကိုလည်းကောင်း, နိဗ္ဗာန်အပါအဝင်အလုံးစုံသော တရားတို့ကို၎င်း, အနတ္တ ဟု-ဟောတော်မူသည်။ အနတ္တဖြစ်သော ခန္ဓာ ၅-ပါး ဓာတ်ကြီး ၄-ပါး စသည်၌ အမြင်မှန်နှင့် ရှုပုံကိုလည်း စသည်ဖြင့်လည်းကောင်း, စသည်ဖြင့်လည်းကောင်း, စသည်ဖြင့်လည်းကောင်း, စသည်ဖြင့်၎င်း စသည်ဖြင့်၎င်း ဟောတော်မူသည်။

၎င်းပြင် အတ္တ, အတ္တနိယကို အမှန်အဟုတ်အားဖြင့် မရအပ် မသိအပ်ပါလျက်သော “လောကော သော အတ္တာ”စသည်ဖြင့် ယူသော အယူကို ထက်ဝန်းကျင် ပြည့်စုံသော ဗာလဓမ္မ သက်သက်သာဖြစ်သည်ဟု အလဂဒ္ဒူပမသုတ် ၌ ဟောတော်မူသည်။

အတ္တ-မဟုတ် မရှိသော ဝတ္ထု၌ အတ္တ-ဟုမှတ်ထင် ခြင်းသည် သညာဝိပလ္လာသ, စိတ္တဝိပလ္လာသ ဒိဋ္ဌိဝိပလ္လာသဖြစ်ကြောင်းလည်း ဝိပလ္လာသသုတ် ၌ ဟောတော်မူသည်။

အတ္တ, ဝါ ဇီဝ, ဝါ ပုဂ္ဂလ-မရှိပုံကို ကထာဝတ္ထု ပါဠိ၊ ပုဂ္ဂလကထာတွင်၎င်း မိလိန္ဒပဉှာ၊ ၁-မဟာ-ဝဂ္ဂ၊ ၁-ပညတ္တိပဉ္စ(၂၄-၆)နှင့် ၃-ဝိစာရဝဂ္ဂ၊ ဝေဒဂူပဉ္စ(၅၅-၈)တွင်၎င်းကြည့်။

အတ္တရှိမရှိ ဝစ္ဆ ဂေါတ္တပရိဗိုဇ်က မေးလျှောက်ရာ၌ ဆိတ်ဆိတ် နေတော်မူပုံနှင့် ယင်းသို့နေခြင်း၏အကြောင်းကို အာနန္ဒသုတ်တွင်ကြည့်။

ကိုးကား