Águeda

 Nota: Pa outros segneficados, cunsulta Águeda (zambiguaçon).

Águeda

Brason	Bandeira
[[Fexeiro:|250px]]
Gentílico	Aguedense
Ária	335,28 km²
Populaçon	47 729 hab. (2011)
Densidade populacional	142,36 hab./km²
N.º de freguesies	20
Fundaçon de l munecípio (ó foral)	1834
Region	Centro
Subregion	Baixo Bouga
Çtrito	Abeiro
Antiga porbíncia	Beira Litoral
Ourago	Santa Eulália
Feriado municipal	Oitaba segunda-feira passado l Demingo de Páscoa
Código postal	3750 Águeda
Andereço de ls Paços de l Cunceilho	Praça do Município, 3754-500 Águeda
Sítio oufecial	www.cm-agueda.pt
Andereço de correio eiletrónico	[email protected]
Munecípios de Pertual

Águeda ye ua cidade pertuesa pertencente al Çtrito de Abeiro, Region Centro i sub-region de l Baixo Bouga, cun cerca de 14 504 habitantes. Argue-se a 15 m d'altitude.

Ye sede dun munecípio cun 335,28 Km² de ária i 47 729 habitantes (2011) (Densidade: 142,4 hab./Km²), subdebidido an 11 freguesies zde 2013. L munecípio ye lemitado a norte pul munecípio de Seber de l Bouga, a nordeste por Oulibeira de Frades i por Bouzela, a leste por Tondela, a sul por Mortágua i por Anadie, a sudoeste por Oulibeira de l Bairro, a oeste por Abeiro i a noroiste por Albergarie-la-Bielha.

Águeda fui eilebada a la catadorie de cidade an 1985, pula lei nº30/85, de 14 de Agosto. Para alhá desta cidade, l cunceilho anclui quatro bilas: Aguada de Cima, Fermentelos, Mourisca de l Bouga i Balongo de l Bouga tenendo esta radadeira sido eilebada a bila ne l'anho de 2009.

Las freguesies de Águeda son las seguintes:

• Agadon
• Aguada de Baixo
• Aguada de Cima
• Águeda
• Barró
• Belazaima de l Chano
• Borralha
• Castanheira de l Bouga
• Spinhel
• Fermentelos
• Lamas de l Bouga
• Maçaneira de Alcoba
• Macinhata de l Bouga
• Óis de la Rieira
• Préstimo
• Recardanes
• Segadanes
• Trabassó
• Trofa
• Balongo de l Bouga

(Ber tamien freguesies de Águeda ourdenadas por ária i freguesies de Águeda ourdenadas por populaçon)

La cidade ye atrabessada pul riu de l mesmo nome, spraiando l sou casario por ua lebe costielha nun amplo bal a 31 metros d'altitude. Ye un amportante centro comercial i andustrial dua ária agrícola stremamente fértil na porduçon de milho, fruita, bino i madeira.

Ten mui zambolbida la metalomecánica, l fabrico de motores para belocípedes i de materiales de custruçon, i l fabrico de bicicletas. L'atebidade eiquenómica merece-le l'eipíteto de «tierra de las ferraiges» por ser este, a par de l fabrico de motociclos l setor andustrial prebilegiado.

Un númaro cunsidrable de las freguesies de l cunceilho stan anseridas na region de la Bairrada, famosa puls sous binos i l sou leiton assado.

Águeda desta de Lisboua 240 Km, de l Porto 72 Km i de Abeiro cerca de 20 Km.

• Lista de patrimonho eidificado ne l cunceilho de Águeda

Antre las eigreijas, capielhas i cruzeiros de l cunceilho, merece çtaque l Panteon de ls Lemos an Trofa de l Bouga.

Outros locales d'antresse turístico son: la Pateira de Fermentelos (maior lago natural de la Península Eibérica), la Staçon Arqueológica de Cabeço de l Bouga, etc.

Antre las tradiçones artesanales, son dinas de refréncia l'olarie, la cestarie, la tecelaige, la tanoarie, la latoarie, ls rendados i ls bordados. Las aldés típicas de la Urgueira, Maçaneira de Alcoba ó Lourizela, mantén ua rusticidade genuína. L cunceilho ten tamien bários grupos folclóricos.

Música

Houbo, na stória de Águeda, dibersos grupos musicales, cumo ls "jazzes" que se chamában assi solo porque tocában música strangeira, tunas, bandas filarmónicas, orquestras, grupos ligeiros i grupos de beile, bandas de garaige, grupos i bandas de roque, grupos de fado, grupos de música tradecional, música dita clássica. Coletebidades recreatibas i culturales, grupos d'ocarinas i afines.

Ber tamien:

• Grupos musicales de Águeda
• Grupos corales de Águeda
• Musiqueiros de Águeda

Triato

Acuntecendo an eibentos pontuales ó an grupos mais ó menos duradouros, mais amador que profissional, de l'anfantil al sénior, siempre houbo triato an Águeda.

Artes plásticas

• Pintores de Águeda

L Leiton assado a la Bairrada ye cun certeza l mais famoso pitéu de las redondezas, mas nun queda mui delantre de la doçarie: pastéis de Águeda, barriga de freira, fuzis i sequilhos, regueifa. Para alhá de las padas de la Beiga. Outros pratos, cumo la chanfana, cherrelhones, chicha de carneiro ó cabra a la lampantana ó caldeirada de peixe cumpletan la gastronomie local, acumpanhados puls binos i spumantes de las cabes de la Bairrada.

L feriado municipal ye celebrado na segunda-feira a seguir al Demingo de l Sprito Santo (Demingo de Pentecostes) (Fiesta de San Giraldo an Bolfiar). (Bolfiar, adonde l riu Alfusqueiro zagua ne l riu Águeda)

La cidade de Águeda ten geminaçones cun:

•   Riu Grande, Riu Grande de l Sul, Brasil (zde 16 de Nobembre de 1993)
•   Bissau, Bissau, Guiné-Bissau (zde 10 de Márcio de 1995)
•   Ferrol, Galiza, Spanha (zde 26 de Agosto de 1999)
•   Sint-Gillis-Waas, Flandres Ouriental, Bélgica (zde 25 de Agosto de 2000)