Çtrito De Abeiro
L çtrito de Abeiro (an pertués: distrito de Aveiro) ye un çtrito pertués, pertencente a la porbíncia tradecional de la Beira Lhitoral, salbo ls cunceilhos mais a norte que perténcen al Douro Lhitoral.
Lhocalizaçon de l Çtrito de Abeiro
Lhemita a norte cul Çtrito de l Porto, a lheste cul Çtrito de Biseu, a sul cul Çtrito de Coimbra i a oeste cul ouceano Atlántico.
Ária: 2808 Km² (14º maior çtrito pertués). Populaçon residente (2011): 714 200. Sede de çtrito: Abeiro.
Subdebisones
L çtrito de Abeiro subdebide-se ne ls seguintes 19 munecípios:
| Brason | Munecípio | Ária (Km²) | Populaçon (hab.) | Densidade pop. (hab./km²) | N.º freguesies |
|---|---|---|---|---|---|
 | Abeiro | 199,77 | 78 450 | 392,70 | 14 |
 | Águeda | 335,28 | 47 729 | 142,36 | 20 |
 | Albergarie-la-Bielha | 158,83 | 25 252 | 158,99 | 8 |
| Anadie | 216,64 | 29 121 | 134,42 | 15 | |
 | Arouca | 327,99 | 22 359 | 68,17 | 20 |
 | Bagos | 165,29 | 22 851 | 138,25 | 11 |
 | Bal de Cambra | 146,21 | 22 864 | 156,38 | 9 |
 | Castielho de Paiba | 114,67 | 16 733 | 145,92 | 9 |
 | Ílhabo | 75,05 | 38 598 | 514,3 | 4 |
 | Mialhada | 111,14 | 20 428 | 183,80 | 8 |
 | Murtosa | 73,65 | 10 585 | 143,72 | 4 |
 | Oubar | 147,52 | 55 398 | 375,53 | 8 |
 | Oulibeira de Azeméis | 163,41 | 68 611 | 419,87 | 19 |
 | Oulibeira de l Bairro | 87,28 | 23 028 | 263,84 | 6 |
 | Santa Marie de la Feira | 213,45 | 139 312 | 652,67 | 31 |
 | San João de la Madeira | 8,11 | 21 713 | 2677,31 | 1 |
 | Seber de l Bouga | 129,85 | 12 356 | 95,16 | 9 |
 | Spinho | 21,11 | 31 786 | 1505,73 | 5 |
 | Starreija | 108,16 | 26 997 | 249,60 | 7 |
Na atual debison percipal de l paíç, l çtrito ancontra-se debedido antre la Region Norte i la Region Centro. Perténcen a la Region Norte ls cunceilhos de la subregion de Antre Douro i Bouga, Castielho de Paiba, parte de la subregion de l Támega i Spinho, pertencente al Grande Porto. A la Region Centro perténcen ls restantes cunceilhos, ancluídos na subregion de l Baixo Bouga. An resumo:
- Region Norte:
- Antre Douro i Bouga
- Arouca
- Bal de Cambra
- Oulibeira de Azeméis
- Santa Marie de la Feira
- San Juan de la Madeira
- Grande Porto
- Spinho
- Támega
- Castielho de Paiba
- Antre Douro i Bouga
- i na Region Centro:
Populaçon
La populaçon de l çtrito de Abeiro segue la lhógica de la çtribuiçon nacional de la populaçon, cun maior densidade populacional ne ls cunceilhos de l lhitoral i menor cuncentraçon ne ls cunceilhos de l'anterior de l çtrito.
Las trés maiores cidades de l çtrito, i las únicas a ultrapassar la barreira de ls 20 mil habitantes, son Abeiro (55 291 habitantes), San Juan de la Madeira (21 762 habitantes) i Spinho (21 589 habitantes).
L cunceilho mais poboado ye l de Santa Marie de la Feira (147 406 habitantes), seguindo-se l de Abeiro (73 100 habitantes) i l de Oulibeira de Azeméis (71 075 habitantes).
Geografie física
L çtrito de Abeiro queda, na sue maior parte, ambaixo de ls 100 m d'altitude, acupando ua prainada costeira que chega a tener cerca de 40 Km d'anchura, na parte sul de l çtrito. La paisaige desta prainada ye dominada pula Ria de Abeiro, i puls rius de la bacie heidrográfica de l Bouga (Cértima, Alfusqueiro, Águeda, Antuana i l própio Bouga na prainada lhitoral, i Agadon, Caima i Malo yá ne ls cuntrafortes de la serra). L único riu que nun zagua ne l Riu Bouga, zagua diretamente na Ria de Abeiro, l Riu Cértima que zagua acerca de la cidade de Oubar na Ria de Abeiro.
Para ouriente i para norte, l relebo torna-se mais acidentado, chubindo-se inda ne l çtrito de Abeiro até a las alturas de las percipales serras, chegando mesmo a stender-se até a la serra de l Montemuro, a nordeste. Na sue frunteira norte, l çtrito cuntata brebemente cul riu Douro i cun alguns de ls sous afluentes (Arda i Paiba).
L lhitoral ye arenoso, an paisaige típica de zona lhagunar, cun un cordon dunar de spessura bariable a apartar las augas calmas de la ria de Abeiro de l mar.
- Percipales serras de l Çtrito de Abeiro:
- Serra de l Buçaco - 549m d'altitude
- Serra de l Arestal - 830m d'altitude
- Serra de la Arada - 1071m d'altitude
- Serra de l Caramulo - 1071m d'altitude
- Serra de la Freita - 1085m d'altitude
Círclo Eileitoral
L Çtrito de Abeiro eilege 16 deputados a la Assemblé de la República.
Nas eileiçones lhegislatibas de 2009 fúrun eileitos 7 deputados pul Partido Social Democrata, 6 pul Partido Socialista, 2 pul CDS-PP i 1 pul Bloco de Squierda.
Patrimonho
- Aneixo:Lhista de patrimonho eidificado ne l çtrito de Abeiro
- Reserba Natural de las Dunas de S.Jacinto
Lhigaçones sternas
Refréncias
Refréncias
This article uses material from the Wikipedia Mirandés article Çtrito de Abeiro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.