Severo Ferreira

Sebero fui bereador, bice-prefeito i prefeito de l munecípio de Guimarães, ne l Maranhon i fundador i purmeiro prefeito eileito de l munecípio de Mirinzal, ne l mesmo stado.

An 1947 el fui l bereador mais botado an Guimarães, Maranhon, eilegendo-se pul Partido Social Democrático. Cumo persidente de la Cámara de Bereadores, eiserceu an 1948, anterinamente, l cargo de prefeito.

An 1950 fui eileito bice-prefeito de l mesmo munecípio, assumindo la prefeitura antre 10 de nobembre de 1951 i 17 de júlio de 1952. Neste cúrtio período, trouxe muitas mudanças pa la bida de ls moradores, cumo por eisemplo, l'anstalaçon dun sistema de luç eilétrica, l'einouguraçon de l campo de pouso de la cidade i serbícios de limpeza i reparo de stradas.

Antre 1954 i 1958 eiserceu sou segundo mandato cumo bereador de Guimarães, ganhando tamien cula maiorie de ls botos.

Sebero fui outor de l porjeto de lei mº 2195, de 26 de dezembre de 1961, que buscaba l'emancipaçon de Mirinzal. L porjeto fui aprobado por unanimidade na Cámara de Deputados de l Maranhon.

Quando inda era bice-prefeito de Guimarães, el yá se preocupaba cun Mirinzal. Antre las resoluçones i porjetos de lei que cuncebiu ne l período, Sebero fizo l Regimiento Anterno de la Cámara (resoluçon mº 1), l Código de Postura (lei mº 3), la Debison Çtrital (lei mº 6), parte de l Regime Tributário (lei mº 2) i fui tamien outor de l regimiento que bersaba subre l'eilebaçon de Mirinzal a la catadorie de Bila, cun çtinçon de zonas ourbanas, suburbanas i rurales i chamaçones de rues i praças.

Antre 1963 i 1968, Sebero assumiu la prefeitura de Mirinzal. Fui l purmeiro prefeito eileito daquela cidade.

Yá cumo prefeito de Mirinzal, el einougurou l Cartório de Registro Cebil, anstalou la luç eilétrica, custruiu l purmeiro prédio de la prefeitura, bárias scuolas na cidade i ne l'anterior, un ambulatório, la purmeira delegacie, la cadeia, l semitério, stradas, un aeroporto, la purmeira barraige ligando Mirinzal al Tungo i ampeçou la custruçon de l mercado público.

Filho de João Capistrano Ferreira i Palmira Biégas Ferreira, Sebero Capistrano Ferreira naciu an 24 d'agosto de 1908, ne l munecípio de Pinheiro, Maranhon. L casal tubo inda mais quatro filhas: Raimunda Biégas Ferreira, Marie de la Cunceiçon Biégas Ferreira, Rosa Biégas Ferreira i Ángela Biégas Ferreira.

Quando Sebero tenie quatorze anhos sou pai morriu. El assumiu anton la respunsabelidade de trabalhar para aguantar mai i armanas, cuidando de las tierras deixadas pul pai.

Als binte i cinco anhos mudou-se pa l munecípio de Guimarães i fui tentar la bida junto als tios Joaquin Raymundo Biégas de Araújo i Luiza Coneilho de Souza Araújo, propiatairos de la fazenda Soladade.

Fui alhá que Sebero ampeçou a custituir sue família. Casou-se cula filha de sous tios, Neusa Coneilho de Souza Araújo, que depuis de l casamiento passou la se chamar Neusa Araújo Ferreira.

Al longo de sue bida tubo duoze filhos: José Gabriel, Marie de Lourdes, Hildené, José Ribamar, Ruben, Marie de la Glória, Baldenora, Ana Dalba, Algenir, Adelman (falecido), Aldenor i Ana Dulce. Tamien criou cinco sobrinos, por el cunsidrados filhos: Rosita, Terezinha (falecida), José Raimundo, José Marie i Marie José (falecida).

Beija na relaçon ambaixo:

Zde qu'ampeçou a trabalhar, inda mui moço, Sebero eiserceu defrentes funçones: el fui “guarda-libros” de las fazendas Frechal i Haiti i d'alguns comerciantes, fui fiscal de renda de l munecípio de Guimarães i, antes de la política, ancuontrou sucesso quando se abinturou nua terceira funçon que yá dominaba: fazendeiro.

Mas fui mui trabalho até chegar l sucesso. An 1939, el cumprou de sou cunhado, Acrísio Araújo, las tierras de l sítio San Benedito. Depuis, quando a mulhier tomou posse de la parte de la fazenda Soladade que le cabie por hardança, Sebero cumprou las partes çtinadas als outros heirdeiros de la propiadade.

Na ocasion de la cumpra las tierras stában an decadéncia. Ampenhado an recuperá-las, Sebero participaba de todas las atebidades de la fazenda, zde las mais simples i fesicamente cansatibas até las de planeijamiento i admenistraçon de la porduçon.

La fazenda Soladade crecie i quedaba famosa. Para animar l trabalho ne l'angeinho, Martico Viera fizo ua toada subre la prosperidade de l lugar, que dezie: “Fazenda Soladade ye fazenda d'alegrie, cabalho rincha, bui berra, galho canta i pinto pia...”

Na fazenda, Sebero cultibaba canha-de-açúcar i porduzia augardiente i açúcar. An outra fazenda, an Monte Carmo, el criaba ganado. Todas estas atebidades trouxírun trabalho pa ls moradores de Soladade i alredores.

L sucesso de l negócio i l cunsequente ambolbimiento de Sebero cula quemunidade l tornórun popular an Guimarães. Ampeçaba eilhi sue carreira na política.