Cumputaçon Científica
Cumputaçon científica (ó ciéncia cumputacional) ye l campo de studo antressado na custruçon de modelos matemáticos i técnicas de soluçones numéricas outelizando cumputadors para analisar i resulber porblemas científicos i de angenharie.
De forma prática, ye l'aplicaçon de simulaçon cumputacional outras formas de cumputaçon para porblemas an dibersas deciplinas científicas.
L campo ye çtinto de la ciéncia de la cumputaçon, l studo matemático de la cumputaçon, de ls cumputadores i de l processamiento d'anformaçon. Tamien ye defrente de la teorie i spurmentaçon, formas tradecionales de ciéncia i angenharie. Cientistas i angenheiros zambolben porgramas de cumputador que modelan sistemas sendo studados i ls eisecutan cun dibersos cunjuntos de parámetros d'antrada. Tipicamente, tales modelos requíren ua grande cantidade de cálclo, i son giralmente eisecutados an supercumputadors ó plataformas de cumputaçon çtribuída.
La cumputaçon científica ye atualmente cunsidrada cumo un terceiro modo de la ciéncia, cumplementado la spurmentaçon (ouserbaçon) i la teorie.
Aplicaçones
Eilemientos de l domínio de porblemas pa la cumputaçon científica ancluen la simulaçon numérica, que puode ser ousada para reconstruir ó antender eibentos coincidos, cumo un zastre natural, i para preber l feturo ó situaçones nun ouserbadas, cumo l tiempo. Outra aplicaçon ye l'adequaçon de modelos i l'análeze de dados, cumo l'uso de la teorie de grafos para modelar redes. Ua outra aplicaçon ye l'uso de dibersos parámetros nun modelo cumputacional para ancontrar cenairos outimizados.
Amplementaçon
Lenguaiges de porgramaçon giralmente ousadas para aspetos mais matemáticos de la cumputaçon científica ancluen Fortran, MATLAB, GNU Otabe i PDL. Para aspetos mais antensos cumputacionalmente son giralmente outelizadas bariaçones de C ó Fortran.
Ber tamien
- Ciéncia de la cumputaçon
- Matemática aplicada
This article uses material from the Wikipedia Mirandés article Cumputaçon científica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.