Quarto Milénio Antes De Cristo

El marca l'ampeço de la era de l bronze i de la scrita.

Las cidades-stados de la Suméria i de l Antigo Eigito son fundadas i crecen cun notoriadade. La agricultura se spalha por to Eurásia. La populaçon mundial, ne l ámbito de l zambolbimiento de l milénio dobra, aprossimadamente de 7 a 14 milhones de pessonas.

Eigito

• c. 3500-3000 a.C. - Culturas Naqada II i III:
  • Naqada II (c. 3500-3200) - caratelizada pula antroduçon de la metalurgie. Surge cidades-stado fortificadas, oumenta-se l comércio cula Palestina i la Mesopotámia i ancrementa-se la strutura social i las técnicas de porduçon. Senhales pitográficos ancontrados an potes de l período andican l que serien precursores de la scrita.
  • Naqada III (c. 3200-3000) - surge la scrita propiamente dita, na forma de hieróglifos. Pula purmeira beç, ls muortos son anterrados cun sous benes.
• c. 3200-2900 a.C. - Narmer unifica l Alto i l Baixo Eigito, fundando la I dinastie eigípcia.
• c. 3100 a.C. - Custruçon de Ménfis, purmeira capital de l Stado eigípcio.
• c. 3000 a.C. - Ampeça l reinado de Djer, segundo faraó.

Ouropa

• c. 3200 a.C. - Custruçon de l ouserbatório de Newgrange, na Scócia.
• c. 3100 a.C.:
  • L'assentamiento neolítico de Skara Bae, nas Ilhas Orcadas, ampeça a ser acupado.
  • Purmeiro stágio de la custruçon de l Stonehenge, ne l sul de la Anglaterra.
• 3000 a.C. - Na ilha de Creta, ampeça-se la ceblizaçon minóica.

Américas

• c. 4000 a.C. - Fabricaçon de cerámica na Bacia Amazónica, ne ls territórios de las atuales Colómbia, Eiquador i Guiana Francesa.
• c. 3000 a.C. - Ampeça la custruçon de Caral, ne l Peru, la cidade mais antiga de la América.

• Ötzi, múmia ancontrada ne ls Alpes eitalianos (muorto an c. 3300 a.C.).
• Ls faraós de l Baixo Eigito: Tiu, Tesh, Hsekiu i Wazner.
• Ls faraós de l Alto Eigito, coincidos cumo Dinastie 0: Ro, Ka, Serket i Narmer.

• 3952 a.C. - Segundo Beda, l mundo fui criado ne l die 18 de márcio dessa data.
• 3761 a.C. - Na tradiçon judaica, l die 6 de setembre desse anho tenerie sido l die de la Criaçon. La data dá ampeço a la cuntaige de l tiempo ne l calendairo heibraico.
• 3114 a.C. - Marco enicial de la cuntaige de l tiempo ne l calendairo maia (anho de la criaçon de la Tierra, ocorrida ne l die 11 ó 13 d'agosto).
• 3102 a.C. - Pa l hinduísmo, essa data marca la muorte corpórea de Krishna i l'ampeço de l Kali Yuga.

• c. 4000 a.C. - Data tradecionalmente atribuída pa l surgimiento de la scrita, marco enicial de la cuntaige de la stória.
• c. 4000 a.C. - Fundiçon de l bronze na Ásia.
• c. 3800 a.C. - Custruçon de l Swet Track, na Anglaterra, la mais antiga strada coincida.
• Seclo XXXBIII a.C. - Outelizaçon de l crabo na Mesopotámia.
• c. 3600 a.C. - Andícios de la fabricaçon de pipoca ne l'atual stado de l Nuobo México (Stados Ounidos).
• c. 3500 a.C. - Ambençon de la ruoda i de l arado na Mesopotámia.
• c. 3500 a.C. - Ambarcaçones la bela surge ne l riu Nilo. Inda nessa region, aparecen las mastabas, precursoras de las piramides eigípcias.
• Seclo XXXI a.C. - San criados ls eideogramas chineses.
• Seclo XXXI a.C. - Sistemas de canhales, eirrigaçon i barraiges son outelizadas na Suméria, Eigito i Índia.