Modelo:Anfo/Monarca
Custantino II de la Grécia, an griego, Κωνσταντίνος B', Βασιλεύς των Ελλήνων, Konstantinos II, Basileus ton Eillinon (Psychiko, Atenas, 2 de Júnio de 1940), fui rei de la Grécia de 1964 até a l'aboliçon de la monarquia por ua junta melitar, an 1973. Sesto i radadeiro monarca de la Casa de Schleswig-Holstein-Sonderburg-Glucksburg, ye giralmente referido na Grécia cumo τέως βασιλιάς ("ex-rei") ó, an tenermos depreciatibos, ο Τέως ("l'ex-") ó Γκλύξμπουργκ ("Glucksburg").
Nacido durante l reinado de l sou tio, Jorge II de la Grécia, era filho de l feturo Paulo I de la Grécia i de la princesa almana Frederica de Hanóber. Ten dues armanas, Sofia (atual Reina de Spanha) i Irene. Quando tenie un anho d'eidade, la Grécia fui ambadida puls almanes i bibeu durante quatro anhos ne l'eisílio na Cidade de l Cabo cula sue família. An 1947, Jorge II morriu tragicamente. An cunsequéncia, l pai de Custantino subiu al trono cumo Paulo I, i Custantino tornou-se l príncepe heirdeiro.
An 1964, Custantino casou-se cula Princesa Ana Marie de la Dinamarca, sue prima an terceiro grau, filha de Frederico IX de la Dinamarca i armana de l'atual Reina de la Dinamarca Margarida II. L casal tubo cinco filhos:
Passado l golpe melitar de 1967, qu'anstaurou la ditadura de ls coronéis na Grécia, Custantino, cumo xefe de Stado, aceitou l juramiento de l gobierno golpista, legitimando l nuobo regime - ato que fui oubjeto de muitas críticas. An 13 de dezembre de 1967, fui fuorçado a fugir de l paíç, passado un contra-golpe fracassado contra la junta. Permaneciu de jure cumo xefe de l stado, até 1° de júnio de 1973, quando la junta aboliu la monarquia i proclamou la república. La stinçon de la monarquia fui cunfirmada passado la queda de la junta, atrabeç un plebiscito, an 8 de dezembre de 1974, quando fui anstituída la Terceira República Heilénica.
Atualmente Custantino i Ana Marie biben an Hampstead, Londres, adonde Custantino ten cumo amigo l Príncepe Carlos (Charles), sou primo an segundo grau. Custantino ye padrino de l príncepe Guilherme (William), filho mais bielho de Charles i de la falecida Lady Diana. Custantino i Charles ténen un bisabó an quemun, l rei Jorge I de la Grécia, que, por sue beç, ye abó de l príncepe Filipe, Duque de Eidimburgo.
Cumo çcendente baran de Cristiano IX de la Dinamarca, Custantino mantén sou títalo de Príncepe de la Dinamarca por dreito própio, anque de las mudanças custitucionales que remobírun l cadete griego de la linha de sucesson al trono dinamarqués. El ye coincido por alguns de ls sous apoiadores cumo Custantino XIII, ouriginairos de la percepçon de que la corona griega ye la sucessora al de l Ampério Bizantino i, cumo tal, ls reis griegos dében ser enumerados cumo sucessores de ls amperadores romanos.
Modelo:Família Rial Griega
Modelo:Rabisco-rei
Modelo:Comeca caixa
|- style="text-align:center;" | width="30%" | Precedido por
Paulo I | width="30%" | {{{título}}}
| width="30%" | Sucedido por
{{{depois}}} |}
Modelo:Xefes de Stado de la Grécia
This article uses material from the Wikipedia Mirandés article Custantino II de la Grécia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.