San Marino Fil-Festival Tal-Eurovision
San Marino ipparteċipa darba biss fil-Festival tal-Eurovision, fejn idebutta fl-edizzjoni tal-2008, u mistenni li jagħmel it-tieni preżenza fl-edizzjoni tal-2011 ġewwa Düsseldorf.
| San Marino | |
|---|---|
 | |
| Stazzjon membru | SMRTV |
| Parteċipazzjoni | |
| Dehriet | 2 |
| L-ewwel dehra | 2008 |
| L-aqwa riżultat | 16 SF (2011) |
| L-agħar riżultat | 19 SF (2008) |
| Ħoloq esterni | |
| Paġna fuq Eurovision.tv | |
F'Ġunju tal-2007, Radiotelevisione della Repubblica di San Marino (SMRTV), l-istazzjon ta' San Marino, indika interess li jingħaqad f'dan il-festival fil-futur. Ħames xhur wara, dan l-istazzjon ikkonferma l-parteċipazzjoni fil-Festival tal-Eurovision 2008 ta' Belgrad. L-ewwel daħla kienet mill-grupp Miodio, bil-kanzunetta Taljana "Complice". San Marino għandu l-unur li sar il-ħamsin pajjiż li qatt ħa sehem fil-Eurovision, wara d-dehra li għamel fis-semifinali tal-konkors. Madanakollu, Miodio naqsu li jikkwalifikaw għall-finali fejn kisbu biss 5 punti u spiċċa fl-aħħar post.
Oriġinarjament, SMRTV ippjanaw li jkomplu l-avventura fl-edizzjoni tal-2009. Il-Ministru tal-Kultura ta' San Marino ħabbar ftit wara d-debutt li kellhom fl-2008 li huma "għandhom xewqat tajbin li jirritornaw". Madanakollu, SMRTV ħabbru li kienu se jirrevedu l-konkors tal-2008, u fl-aħħar tas-sena jieħdu deċiżjoni fuq il-parteċipazzjoni fl-2009. Wara ħafna għajdut, SMRTV irtiraw mill-edizzjoni tal-2009, minħabba diffikultajiet finanzjarji.
SMRTV applikaw biex jieħdu sehem fil-konkors tal-2011, li aktar tard ġiet ikkonfermata. Ġiet magħżula l-kantanta Senit fejn se tkanta l-kanzunetta "Stand by" fl-ewwel semifinali.
Rappreżentanti
| Sena | Artist | Kanzunetta | Finali | Punti | Semi | Punti |
|---|---|---|---|---|---|---|
| 2008 | Miodio | "Complice" | X | X | 19 | 5 |
| 2011 | Senit | "Stand by" | X | X | 16 | 34 |
| 2012 | Valentina Monetta | The Social Network Song (Oh Oh - Uh Oh Oh) | X | X | 14 | 31 |
| 2013 | Valentina Monetta | Crisalide (Vola) |
Votazzjoni
San Marino ta l-aktar punti lil:
| Nru. | Pajjiż | Punti |
|---|---|---|
| 1 |  Greċja | 12 |
| 2 |  Iżrael | 10 |
| 3 |  Armenja | 8 |
| 4 |  Norveġja | 7 |
| 5 | .svg) Renju Unit | 6 |
Referenzi
This article uses material from the Wikipedia Malti article San Marino fil-Festival tal-Eurovision, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il-kontenut huwa disponibbli taħt il-liċenzja CC BY-SA 4.0 sakemm mhux indikat mod ieħor. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malti (DUHOCTRUNGQUOC.VN) is an independent company and has no affiliation with Wiki Foundation.