Il-Liebru l-ġebel aħmar ta' Natal jew Liebru l-ġebel aħmar il-kbir jew Fenek aħmar ta' Natal li huwa magħruf xjentifikament bħala Pronolagus crassicaudatus, huwa mammiferu plaċentat notturn u solitarju tal-familja Leporidae fl-ordni Lagomorpha mifrux fil-kontinent Afrikan.
Dan il-leporidu bħaż-żewġ speċi l-oħra tal-ġeneru Pronolagus, għalkemm jissejjaħ "Liebru l-ġebel" huwa speċi ta' fenek.
Liebru l-ġebel aħmar ta' Natal | |
---|---|
Liebru l-ġebel aħmar ta' Natal, Pronolagus crassicaudatus | |
Klassifikazzjoni xjentifika | |
Renju: | Animalia |
Phylum: | Chordata |
Klassi: | Mammalia |
Sottoklassi: | Theria |
Infraklassi: | Eutheria |
Superordni: | Euarchontoglires |
Ordni: | Lagomorpha |
Familja: | Leporidae |
Ġeneru: | Pronolagus |
Speċi: | P. crassicaudatus |
Isem binominali | |
Pronolagus crassicaudatus I. Geoffroy, 1832 | |
Sottospeċi | |
|
Dan il-liebru huwa l-ikbar fost it-tliet speċi ta' liebri l-ġebel u għandu pil ta' lewn griż imnaqqax bil-kannella man-naħa tad-dahar, filwaqt dak tas-sider, id-denb u l-erba' saqajn huma ta' lewn ħamrani kulur is-sadid. Liebru adult jista' jkun bejn 42 u 50 ċentimetru eskluż id-denb li jista' jkun minn 6 sa 14-il ċentimetru twil.
Il-Liebru l-ġebel aħmar il-kbir għandu firxa f'abitat kollu ġebel u rdum mal-ġnub ta' għoljiet u muntanji u fil-madwar u din hija r-raġuni minn fejn oriġina l-isem komuni ta' din l-ispeċi.
Ftit hemm informazzjoni dwar kif jirriproduċi l-liebru l-ġebel aħmar ta' Natalż. L-unika tagħrif fiċ-ċert huwa li boton minn żarmuġ 1 sa 2 jitwieldu għomja, bi ftit jew xejn pil u totalment dipendenti fuq l-omm bħall-fniek kollha l-oħra wara tqala jew ġestazzjoni ta' madwar 30 jum.
Il-liebru l-ġebel aħmar ta' Natal jinsab jgħix lejn in-Nofsinhar tal-kontinent tal-Afrika u huwa mifrux fil-Lvant tar-Repubblika tal-Afrika t'Isfel minn Natal sal-provinċa ta' Kap, fil-Lvant ta' Lesoto, fin-Nofsinhar ta' Sważiland u fit-tarf estrem tan-Nofsinhar tal-Możambikk.
This article uses material from the Wikipedia Malti article Liebru l-ġebel aħmar ta' Natal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il-kontenut huwa disponibbli taħt il-liċenzja CC BY-SA 4.0 sakemm mhux indikat mod ieħor. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malti (DUHOCTRUNGQUOC.VN) is an independent company and has no affiliation with Wiki Foundation.