ꯔꯁꯤꯌꯥꯒꯤ ꯍꯔꯃꯤꯇꯦꯖ ꯃ꯭ꯌꯨꯖꯤꯌꯝ ꯅꯠꯇ꯭ꯔꯒ ꯍꯔꯃꯤꯇꯦꯖ ꯃ꯭ꯌꯨꯖꯤꯌꯝ ꯑꯁꯤ ꯃꯥꯂꯦꯝꯒꯤ ꯑꯣꯏꯅ ꯈ꯭ꯋꯥꯏꯗꯒꯤ ꯆꯥꯎꯕ ꯃ꯭ꯌꯨꯖꯤꯌꯝ ꯃꯔꯤꯒꯤ ꯃꯅꯨꯡꯗ ꯑꯃꯅꯤ ꯫ ꯃꯁꯤ ꯔꯁꯤꯌꯥꯒꯤ ꯁꯦꯟꯠ ꯄꯤꯇꯔꯁꯕꯥꯔꯒꯇ ꯂꯩꯕ ꯃ꯭ꯌꯨꯖꯤꯌꯝꯅꯤ ꯫ ꯃꯁꯤ ꯏꯪ.
ꯀꯨꯝꯖꯥ ꯱꯷꯶꯴ ꯗ ꯀꯦꯊꯔꯤꯟꯗ ꯒ꯭ꯔꯦꯠꯅ ꯂꯤꯡꯈꯠꯈꯤ ꯫
ꯂꯤꯡꯈꯠꯈꯤꯕ | ꯱꯷꯶꯴ |
---|---|
ꯂꯩꯐꯝ | ꯔꯁꯤꯌꯥ |
ꯀꯣꯑꯣꯔꯗꯤꯅꯦꯠꯁ | 59°56′28″N 30°18′46″E / 59.941°N 30.3129°E |
ꯌꯦꯡꯕ ꯂꯥꯛꯈꯤꯕ | ꯴꯲꯰꯰꯰꯰꯰ (꯲꯰꯱꯷) |
ꯋꯦꯕꯁꯥꯏꯠ | hermitagemuseum |
ꯀꯨꯝꯖꯥ ꯱꯷꯶꯴ ꯗ ꯀꯦꯊꯔꯤꯟ ꯗ ꯒ꯭ꯔꯦꯠꯅ ꯂꯤꯡꯈꯠꯈꯤꯕ ꯑꯃꯁꯨꯡ ꯀꯨꯝꯖꯥ ꯱꯸꯵꯲ ꯗꯒꯤ ꯃꯤꯌꯥꯝ ꯌꯦꯡꯕ ꯌꯥꯍꯟꯈꯤꯕ ꯃ꯭ꯌꯨꯖꯤꯌꯝ ꯑꯁꯤꯗ ꯇꯣꯉꯥꯟ ꯇꯣꯉꯥꯟꯕ ꯄꯣꯠꯂꯝ ꯃꯤꯂꯤꯌꯟ ꯑꯍꯨꯝꯂꯣꯝ ꯂꯩ ꯫ ꯃꯥꯂꯦꯝꯒꯤ ꯈ꯭ꯋꯥꯏꯗꯒꯤ ꯂꯤꯔꯕ ꯃ꯭ꯌꯨꯖꯤꯌꯝ ꯑꯁꯤꯗ ꯑꯌꯦꯛꯄ ꯂꯥꯏ ꯀꯌꯥꯃꯔꯨꯝꯁꯨ ꯂꯩ ꯫ ꯀꯨꯝꯖꯥ ꯱꯷꯶꯴ ꯗ ꯀꯦꯊꯔꯤꯟ ꯗ ꯒ꯭ꯔꯦꯠꯅ ꯅꯣꯡꯆꯨꯞ ꯌꯨꯔꯣꯞꯇ ꯇꯣꯞ ꯇꯣꯞꯄ ꯃꯈꯜꯒꯤ ꯑꯌꯦꯛꯄ ꯂꯥꯏ ꯲꯰꯰ ꯔꯣꯝ ꯂꯩꯔꯒ ꯃ꯭ꯌꯨꯖꯤꯌꯝ ꯊꯝꯕ ꯍꯧꯈꯤꯕꯅꯤ ꯫ ꯍꯧꯖꯤꯛꯇꯤ ꯂꯤꯑꯣꯅꯥꯔꯗꯣ ꯗ ꯚꯤꯟꯁꯤ, ꯒꯣꯒ꯭ꯔꯤꯟ꫰ ꯃꯥꯏꯀꯦꯜ ꯑꯦꯟꯖꯦꯂꯣ꫰ ꯃꯥꯅꯦꯠ꫰ ꯃꯣꯅꯦꯠ꫰ ꯄꯤꯀꯥꯁꯣ꫰ ꯔꯐꯦꯜ꫰ ꯔꯦꯝꯕ꯭ꯔꯥꯟꯗ꫰ ꯔꯦꯅꯣꯏꯔ꫰ ꯔꯣꯗꯤꯟ꫰ ꯔꯨꯕꯦꯟꯁ꫰ ꯇꯤꯇꯤꯌꯟ꫰ ꯚꯦꯟ ꯒꯣX꫰ ꯑ ꯃꯗꯤ ꯑꯇꯩ ꯃꯃꯤꯡ ꯆꯠꯂꯕ ꯂꯥꯏ ꯌꯦꯛꯄꯁꯤꯡꯅ ꯌꯦꯛꯂꯝꯕ ꯂꯥꯏ ꯀꯌꯥꯃꯔꯨꯝ ꯂꯩꯔꯦ꯫ ꯇꯣꯉꯥꯟ ꯇꯣꯉꯥꯟꯕ ꯃꯈꯜꯒꯤ ꯑꯌꯦꯛꯄ ꯂꯥꯏ ꯈ꯭ꯋꯥꯏꯗꯒꯤ ꯌꯥꯝꯅ ꯂꯩꯕ ꯃꯐꯝꯁꯨ ꯑꯣꯏꯔꯤꯕ ꯃ꯭ꯌꯨꯖꯤꯌꯝ ꯑꯁꯤ ꯃꯇꯝ ꯑꯃꯗ ꯅꯤꯡꯊꯧꯅ ꯂꯩꯔꯝꯕ ꯀꯣꯅꯨꯡ ꯃꯅꯨꯡꯒꯤ ꯕꯤꯜꯗꯤꯡ ꯇꯔꯨꯛꯇ ꯁꯦꯝꯒꯠꯄꯅꯤ ꯫ ꯃꯄꯥꯟ ꯂꯩꯕꯥꯛꯁꯤꯡꯗ ꯃ꯭ꯌꯨꯖꯤꯌꯝ ꯑꯁꯤꯒꯤ ꯑꯦꯛꯁꯤꯕꯤꯁꯟ ꯁꯦꯟꯇꯔ ꯀꯌꯥꯃꯔꯨꯝꯁꯨ ꯍꯥꯡꯗꯣꯛꯇꯨꯅ ꯊꯝꯂꯤ ꯫
ꯃ꯭ꯌꯨꯖꯤꯌꯝ ꯀꯝꯄ꯭ꯂꯦꯛꯁꯇ ꯂꯩꯕ ꯕꯤꯜꯗꯤꯡ ꯇꯔꯨꯛꯀꯛꯤ ꯃꯅꯨꯡꯗ ꯃꯉꯥ ꯋꯤꯟꯇꯔ ꯄꯦꯂꯦꯁ, ꯍꯔꯃꯤꯇꯦꯖ ꯃꯆꯥ, ꯑꯔꯤꯕ ꯍꯔꯃꯤꯇꯦꯖ, ꯑꯅꯧꯕ ꯍꯥꯔꯃꯤꯇꯦꯖ ꯑꯃꯁꯨꯡ ꯍꯔꯃꯤꯇꯦꯖ ꯊꯤꯑꯦꯇꯔꯗ ꯃꯤꯆꯝ ꯃꯤꯌꯥꯝ ꯆꯪꯕ ꯌꯥꯍꯜꯂꯤ ꯫ ꯑꯍꯥꯟꯕꯗ ꯕꯤꯜꯗꯤꯡ ꯑꯃꯈꯛ ꯑꯣꯏꯔꯝꯕꯗꯒꯤ ꯀꯥꯏꯅꯊꯪꯗ ꯀꯣꯅꯨꯡ ꯃꯅꯨꯡ ꯑꯃꯗꯤ ꯃꯅꯥꯛ ꯅꯛꯄꯗ ꯂꯩꯕ ꯕꯤꯜꯗꯤꯡ ꯀꯌꯥ ꯃ꯭ꯌꯨꯖꯤꯌꯝꯒꯤ ꯁꯔꯨꯛ ꯑꯣꯏꯅ ꯂꯧꯁꯤꯜꯂꯦ ꯫ ꯃ꯭ꯌꯨꯖꯤꯌꯝꯗ ꯎꯠꯂꯕ ꯄꯣꯠꯂꯝꯁꯤꯡꯒꯤ ꯃꯅꯨꯡꯗ ꯱꯳ ꯁꯨꯕ ꯆꯍꯤꯆꯥꯗꯒꯤꯅ ꯲꯰ ꯁꯨꯕ ꯆꯍꯤꯆꯥ ꯐꯥꯎꯕꯒꯤ ꯑꯣꯏꯅ ꯌꯨꯔꯣꯄꯤꯌꯥꯟ ꯄꯦꯟꯇꯤꯡ꫰ ꯁ꯭ꯀ꯭ꯂꯞꯆꯔ ꯑꯃꯗꯤ ꯑꯦꯄ꯭ꯂꯥꯏꯗ ꯄꯥꯔꯠ ꯀꯌꯥ ꯌꯥꯎꯔꯤ ꯫ ꯍꯥꯏꯔꯤꯕ ꯄꯣꯠꯂꯝꯁꯤꯡ ꯑꯗꯨ ꯃꯔꯨꯑꯣꯏꯕ ꯕꯤꯜꯗꯤꯡ ꯃꯔꯤꯒꯤ ꯑꯍꯥꯟꯕ ꯑꯃꯁꯨꯡ ꯑꯅꯤꯁꯨꯕ ꯃꯊꯣꯜꯗ ꯎꯠꯄꯅꯤ ꯫ ꯀꯨꯝꯖꯥ ꯱꯸꯵꯲ ꯗꯒꯤꯅ ꯃꯇꯨꯡ ꯇꯥꯔꯛꯄ ꯐꯥꯎꯕꯒꯤ ꯑꯣꯏꯕ ꯏꯖꯤꯞꯀꯤ ꯄꯣꯠꯂꯝ ꯀꯌꯥꯁꯨ ꯋꯤꯟꯇꯔ ꯄꯦꯂꯦꯁꯀꯤ ꯒ꯭ꯔꯥꯎꯟ ꯐ꯭ꯂꯣꯔꯗ ꯎꯠꯂꯤ ꯫ ꯃꯗꯨꯒꯤ ꯃꯅꯨꯡꯗ ꯑꯤꯔꯕ ꯃꯇꯝꯒꯤ ꯃꯦꯁꯣꯄꯣꯇꯥꯃꯤꯌꯥꯒꯤ ꯏꯅꯥꯠꯀ ꯃꯔꯤ ꯂꯩꯅꯕ ꯄꯣꯠꯂꯝꯁꯤꯡꯁꯨ ꯌꯥꯎꯏ ꯫ ꯖꯔꯃꯟ ꯑꯥꯔꯀꯤꯇꯦꯛ ꯂꯤꯑꯣ ꯚꯣꯟ ꯀ꯭ꯂꯦꯟꯖꯅ ꯗꯤꯖꯥꯏꯟ ꯇꯧꯕ ꯑꯣꯜ ꯑꯃꯗꯤ ꯅ꯭ꯌꯨ ꯍꯃꯤꯇꯦꯖ ꯕꯤꯜꯗꯤꯡꯁꯤꯡꯒꯤ ꯒ꯭ꯔꯥꯎꯟ ꯐ꯭ꯂꯣꯔꯒꯤ ꯁꯔꯨꯛ ꯑꯌꯥꯝꯕ ꯀ꯭ꯂꯥꯁꯤꯀꯦꯜ ꯑꯦꯟꯇꯤꯀ꯭ꯋꯦꯇꯤꯁꯤꯡꯒꯤ ꯀꯂꯦꯛꯁꯟꯅ ꯃꯐꯝ ꯀꯜꯂꯤ꯫ ꯑꯍꯥꯟꯕ ꯐ꯭ꯂꯣꯔꯒꯤ ꯈ꯭ꯋꯥꯏꯗꯒꯤ ꯆꯥꯎꯕ ꯑꯃꯁꯨꯡ ꯁꯤꯡꯊꯥꯅꯤꯡꯉꯥꯏ ꯑꯣꯏꯕ ꯁꯔꯨꯛꯇꯤ ‘ꯍꯣꯜ ꯑꯣꯐ ꯇ꯭ꯋꯦꯟꯇꯤ ꯀꯣꯂꯝ’ ꯍꯥꯏꯅ ꯈꯪꯅꯕ ꯒ꯭ꯔꯦꯅꯥꯏꯠ ꯑꯃꯗ ꯃꯥꯔꯕꯜꯅ ꯁꯦꯝꯕ ꯁꯔꯨꯛ ꯑꯗꯨꯅꯤ ꯫ ꯋꯦꯁꯇ꯭ꯔꯟ ꯄꯦꯂꯦꯁꯀꯤ ꯅꯣꯡꯆꯨꯞ ꯊꯪꯕ ꯁꯔꯨꯛꯇ ꯀꯣꯀꯣꯁꯁꯀꯤ ꯄ꯭ꯔꯤꯍꯤꯁ꯭ꯇꯣꯔꯤꯛ ꯑꯥꯔꯇꯤꯐꯦꯛ ꯑꯃꯗꯤ ꯀꯜꯆꯔꯒ ꯃꯔꯤ ꯂꯩꯅꯕ ꯄꯣꯠꯂꯝ ꯀꯌꯥꯃꯔꯨꯝ ꯒ꯭ꯔꯥꯎꯟ ꯐ꯭ꯂꯣꯔꯗ ꯊꯝꯂꯤ ꯫ ꯄ꯭ꯔꯤꯍꯤꯁꯇꯣꯔꯤꯛ ꯑꯥꯔꯇꯤꯐꯦꯛꯁꯤꯡ ꯑꯗꯨ ꯔꯁꯤꯌꯥ ꯑꯃꯗꯤ ꯃꯇꯝ ꯑꯃꯒꯤ ꯁꯣꯚꯤꯑꯦꯠ ꯌꯨꯅꯤꯌꯟꯒꯤ ꯇꯣꯉꯥꯟ ꯇꯣꯉꯥꯟꯕ ꯃꯐꯝꯗꯒꯤ ꯂꯩꯅꯨꯡꯗꯒꯇꯤ ꯐꯪꯈꯤꯕ ꯄꯣꯂꯤꯇꯤꯑꯣꯂꯤꯊꯤꯛ ꯑꯃꯗꯤ ꯑꯥꯏꯔꯟ ꯑꯦꯖ ꯃꯇꯝꯒꯤ ꯄꯣꯠꯂꯝ ꯉꯥꯛꯇꯅꯤ ꯫ ꯀꯨꯝꯖꯥ ꯱꯷꯶꯴ ꯗꯒꯤ ꯀꯦꯊꯔꯤꯟ ꯗ ꯒ꯭ꯔꯦꯠꯅ ꯕꯔꯂꯤꯟꯒꯤ ꯃꯥꯔꯆꯦꯟꯠ ꯖꯣꯍꯥꯟ ꯑꯅꯔꯁꯇ ꯒꯣꯠꯀꯣꯁ꯭ꯀꯤꯗꯒꯤ ꯑꯌꯦꯛꯄ ꯂꯥꯏ ꯀꯌꯥ ꯂꯩꯁꯤꯅꯗꯨꯅ ꯃ꯭ꯌꯨꯖꯤꯌꯃꯒꯤ ꯃꯆꯥꯛ ꯈꯣꯝꯖꯤꯟꯕ ꯍꯧꯈꯤ ꯫ ꯃꯄꯨꯟꯁꯤꯗ ꯃꯍꯥꯛꯅ ꯑꯌꯦꯛꯄ ꯂꯥꯏ ꯴꯰꯰꫰ ꯑꯔꯤꯕ ꯂꯥꯏꯔꯤꯛ ꯳꯸,꯰꯰꯰ ꯑꯇꯥꯡꯕ ꯃꯈꯜꯒꯤ ꯅꯨꯡ ꯱꯰,꯰꯰꯰ ꯁꯦꯟꯌꯦꯛ ꯱꯶,꯰꯰꯰ ꯑꯃꯁꯨꯡ ꯃꯦꯗꯜ ꯀꯌꯥꯃꯔꯨꯝ ꯈꯣꯝꯖꯤꯜꯂꯝꯃꯤ ꯫ ꯀꯨꯝꯖꯥ ꯱꯹꯱꯷ ꯀꯤ ꯑꯣꯛꯇꯣꯕꯔ ꯔꯤꯚꯣꯂꯨꯁꯟ ꯃꯇꯨꯡ ꯇꯥꯔꯛꯄꯗ ꯏꯝꯄꯔꯤꯑꯦꯜ ꯍꯥꯔꯃꯤꯇꯦꯖ ꯑꯃꯗꯤ ꯋꯤꯟꯇꯔ ꯄꯦꯂꯦꯁ ꯄꯨꯅꯁꯤꯟꯈꯤꯕꯒ ꯂꯣꯏꯅꯅ ꯁ꯭ꯇꯦꯠꯀꯤ ꯃꯔꯜ ꯑꯣꯏꯈꯤ꯫ ꯃꯇꯨꯡ ꯇꯥꯔꯛꯄꯗ ꯃꯔꯨꯑꯣꯏꯕ ꯂꯟꯅꯥꯏ ꯃ꯭ꯌꯨꯖꯤꯌꯝ ꯑꯌꯥꯝꯕ ꯁꯣꯚꯤꯑꯦꯠ ꯒꯚꯔꯟꯃꯦꯟꯠꯅ ꯂꯧꯁꯤꯟꯕꯒ ꯂꯣꯏꯅꯅ ꯃꯇꯨꯡꯗ ꯊꯝꯂꯝꯕ ꯄꯣꯠꯂꯝꯁꯤꯡ ꯑꯃꯗꯒꯤ ꯑꯃꯗ ꯊꯥꯡꯗꯣꯛ ꯊꯥꯡꯖꯤꯟ ꯇꯧꯈꯤ ꯫ ꯑꯦꯀꯥꯗꯦꯃꯤ ꯑꯣꯐ ꯑꯥꯔꯠꯁꯇ ꯊꯝꯂꯝꯕ ꯱꯹ ꯁꯨꯕ ꯆꯍꯤꯆꯥ ꯃꯇꯝꯒꯤ ꯃꯔꯨꯑꯣꯏꯕ ꯄꯣꯠꯂꯝ ꯀꯌꯥꯃꯔꯨꯝ ꯀꯨꯝꯖꯥ ꯱꯹꯲꯲ ꯗ ꯍꯔꯃꯤꯇꯦꯖꯗ ꯄꯨꯔꯛꯈꯤ ꯫ ꯀꯨꯝꯖꯥ ꯱꯹꯳꯰ ꯗꯒꯤ ꯀꯨꯝꯖꯥ ꯱꯹꯳꯴ ꯐꯥꯎꯕꯗ ꯍꯔꯃꯤꯇꯦꯖꯒꯤ ꯃꯃꯜ ꯌꯥꯝꯂꯕ ꯄꯣꯠꯂꯝ ꯂꯤꯁꯤꯡ ꯑꯅꯤ ꯍꯦꯟꯅ ꯅꯤꯂꯥꯝ ꯂꯥꯎꯗꯨꯅ ꯌꯣꯟꯊꯣꯛꯈꯤ ꯫ ꯀꯨꯝꯖꯥ ꯱꯹꯴꯱ ꯗ ꯖꯔꯃꯟ ꯂꯥꯟꯃꯤꯁꯤꯡꯅ ꯁꯣꯚꯤꯑꯦꯠ ꯌꯨꯅꯤꯌꯟꯗ ꯂꯥꯟꯗꯥꯔꯛꯄ ꯃꯇꯝꯗ ꯃ꯭ꯌꯨꯖꯤꯌꯝꯒꯤ ꯄꯣꯠꯂꯝ ꯀꯌꯥꯃꯔꯨꯝ ꯄꯨꯈꯤꯔꯝꯃꯤ ꯫ ꯕꯣꯝ ꯊꯥꯗꯗꯨꯅ ꯑꯃꯗꯤ ꯅꯣꯡꯃꯩ ꯀꯥꯞꯁꯤꯟꯗꯨꯅ ꯑꯃꯥꯡ ꯑꯇꯥ ꯊꯣꯛꯍꯟꯈ꯭ꯔꯕ ꯃꯇꯨꯡꯗ ꯅꯧꯅ ꯑꯃꯨꯛ ꯁꯦꯝꯖꯤꯜꯂꯒ ꯀꯨꯝꯖꯥ ꯱꯹꯴꯴ ꯒꯤ ꯅꯕꯦꯝꯕꯔ ꯃ꯭ꯌꯨꯖꯤꯌꯝ ꯑꯗꯨ ꯑꯃꯨꯛ ꯍꯥꯡꯗꯣꯛꯈꯤ ꯫ ꯀꯨꯝꯖꯥ ꯱꯹꯴꯵ ꯒꯤ ꯅꯕꯦꯝꯕꯔꯗ ꯍꯥꯟꯅꯒꯛꯤ ꯄꯣꯠꯂꯝ ꯑꯌꯥꯝꯕ ꯑꯃꯨꯛ ꯍꯟꯅ ꯄꯨꯔꯛꯈꯤ꯫ ꯃ꯭ꯌꯨꯖꯤꯌꯝꯗꯒꯤ ꯗꯣꯜꯂꯔ ꯵꯴꯳꫰꯰꯰꯰ ꯂꯣꯝꯒꯤ ꯄꯣꯠꯂꯝꯁꯤꯡ ꯍꯨꯔꯥꯟꯈꯤꯕ ꯇꯥꯔꯕꯁꯨ ꯀꯨꯝꯖꯥ ꯲꯰꯰꯶ ꯀꯤ ꯑꯔꯣꯏꯕ ꯁꯔꯨꯛꯇ ꯄꯣꯠꯂꯝ ꯑꯌꯥꯝꯕ ꯑꯃꯨꯛ ꯍꯟꯅ ꯐꯪꯕ ꯉꯝꯈꯤ ꯫ ꯍꯧꯖꯤꯛꯇꯤ ꯃꯥꯂꯦꯝꯒꯤ ꯇꯣꯉꯥꯟ ꯇꯣꯉꯥꯟꯕ ꯃꯐꯝꯗ ꯍꯔꯃꯤꯇꯦꯖꯒꯤ ꯃꯁꯥ ꯃꯔꯦꯡ ꯐꯟꯗꯣꯔꯛꯇꯨꯅ ꯑꯦꯝꯁꯇꯔꯗꯥꯝ꫰ ꯀꯖꯥꯟ, ꯏꯇꯥꯂꯤ, ꯂꯦꯅꯤꯟꯒ꯭ꯔꯦꯗ꫰ ꯕꯥꯔꯁꯦꯂꯣꯅꯥ꫰ ꯚꯥꯗꯤꯚꯣꯁꯇꯣꯛ꫰ ꯁꯥꯏꯕꯦꯔꯤꯌꯥ꫰ ꯂꯤꯊꯨꯋꯥꯅꯤꯌꯥ ꯑꯃꯗꯤ ꯂꯟꯗꯟꯒꯤ ꯁꯣꯃꯔꯁꯦꯠꯅꯆꯤꯡꯕꯗ ꯍꯥꯔꯃꯤꯇꯦꯖ ꯃ꯭ꯌꯨꯖꯤꯌꯝꯒꯤ ꯃꯁꯥ ꯂꯩꯔꯦ ꯫ ꯀꯨꯝꯖꯥ ꯲꯰꯰꯲ ꯗ ꯑꯂꯦꯛꯖꯦꯟꯗꯔ ꯁꯣꯀꯨꯔꯣꯚꯅ ꯍꯔꯃꯤꯇꯦꯖ ꯃ꯭ꯌꯨꯖꯤꯌꯝꯒꯤ ꯃꯔꯝꯗ ꯃꯄꯨꯡ ꯐꯥꯅ ꯎꯠꯄ ꯔꯁꯤꯌꯥꯟ ꯑꯥꯔꯠ ꯀꯧꯕ ꯐꯤꯂꯝ ꯑꯃ ꯄꯨꯊꯣꯛꯈꯤ꯫ ꯇꯦꯂꯤꯚꯤꯖꯟ ꯁꯦꯔꯤꯌꯦꯜ ꯀꯌꯥꯁꯨ ꯄꯨꯊꯣꯛꯈ꯭ꯔꯦ ꯫ ꯇꯣꯉꯥꯟ ꯇꯣꯉꯥꯟꯕ ꯄꯣꯠꯂꯝ ꯃꯤꯂꯤꯌꯅ ꯑꯍꯨꯝ ꯍꯦꯟꯅ ꯂꯩꯕ ꯔꯤꯁꯤꯌꯥꯒꯤ ꯍꯔꯃꯤꯇꯦꯖ ꯃ꯭ꯌꯨꯖꯤꯌꯝ ꯑꯁꯤ ꯃꯥꯂꯦꯝꯒꯤ ꯑꯣꯏꯅ ꯑꯥꯔꯠꯀ ꯃꯔꯤ ꯂꯩꯅꯕ ꯄꯣꯠꯂꯝ ꯈ꯭ꯋꯥꯏꯗꯒꯤ ꯌꯥꯝꯅ ꯂꯩꯕ ꯃ꯭ꯌꯨꯖꯤꯌꯝꯅꯤ ꯫
ꯋꯤꯀꯤꯃꯦꯗꯤꯌꯥ ꯀꯃꯣꯟꯁꯀꯥ ꯃꯔꯤꯂꯩꯅꯕ ꯃꯦꯗꯤꯌꯥ Hermitage Museum ꯇ ꯌꯥꯎꯔꯦ ꯫ |
This article uses material from the Wikipedia ꯃꯤꯇꯩꯂꯣꯟ article ꯔꯁꯤꯌꯥꯒꯤ ꯍꯔꯃꯤꯇꯦꯖ ꯃ꯭ꯌꯨꯖꯤꯌꯝ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ꯃꯅꯨꯡꯒꯤ ꯑꯌꯥꯎꯕꯁꯤ CC BY-SA 4.0ꯒꯤ ꯃꯈꯥꯗ ꯐꯪꯍꯟꯕꯅꯤ, ꯑꯇꯣꯞꯄ ꯃꯤꯑꯣꯏꯁꯤꯡꯅ ꯏꯁꯤꯟꯗ꯭ꯔꯤꯈꯩ ꯫ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ꯃꯤꯇꯩꯂꯣꯟ (DUHOCTRUNGQUOC.VN) is an independent company and has no affiliation with Wiki Foundation.