Эрмітаж: мастацкі музэй у Санкт-Пецярбургу (Расея)
Эрмітаж (па-расейску: Эрмитаж) у Санкт-Пецярбургу — найбуйнейшы расейскі музэй мастацтва й культуры, адзін з найстаражытнейшых у сьвеце, які спачатку існаваў толькі як уласны збор Кацярыны ІІ, а цяпер зьмяшчае каля трох мільёнаў экспанатаў, якія адлюстроўваюць разьвіцьцё сусьветнага мастацтва зь першабытных часоў да канца XX стагодзьдзя.
| Музэй | |
Эрмітаж Эрмитаж | |
 Эрмітаж | |
| Краіна | Расея |
| Санкт-Пецярбурґ | Санкт-Пецярбург |
| Адрас | Палацавая набярэжная[d] (38, 34) |
| Каардынаты | 59°56′25″ пн. ш. 30°18′50″ у. д. / 59.94028° пн. ш. 30.31389° у. д. 30°18′50″ у. д. / 59.94028° пн. ш. 30.31389° у. д. |
| Аўтар праекту | Франчэска Растрэлі |
| Заснавальнік | Кацярына II |
| Дата заснаваньня | 1764 |
| Будаваньне | 1754—1762 гады |
| Статус | музэй |
| Сайт | Афіцыйны сайт |
Эрмітаж на мапе Расеі   Эрмітаж | |
 Эрмітаж на Вікісховішчы | |
У 1764 годзе Кацярына II набыла першыя зборы галяндзкага й флямандзкага жывапісу, таму гэты год лічыцца датай заснаваньня музэю. На сёньняшні дзень усе экспанаты зьмешчаны, галоўным чынам, у дзесяці будынках:
- Галоўны музэйны комплекс
- Зімні Палац Пятра І
- Стары Эрмітаж
- Новы Эрмітаж
- Малы Эрмітаж
- Эрмітажны тэатар
- Запасны дом
- Галоўны Штаб
- Палац Меншыкава
- Музэй фарфору
- Рэстаўрацыйны цэнтар «Старая деревня»
Эрмітаж знаходзіцца пад кіраўніцтвам М. Б. Піятроўскага. Існуюць філіялы музэю ў Казані й Амстэрдаме. Уваход вольны для дзяцей і студэнтаў, а кожны чацьвер — для ўсіх.
Зборы
Мастацтва й культура Заходняй Эўропы
Эрмітаж зьмяшчае шматлікія карціны прадстаўнікоў італьянскага і гішпанскага мастацтва, такіх як Паолё Вэранэзэ, Джарджонэ, Тыцыян, Рафаэль, Вэляскес, Тынтарэта, Мурыліё, Эль Грэка і Леанарда да Вінчы (Мадона Бэнуа, Мадона Літа). Таксама ў Эрмітажы зьмешчаны скульптуры, у тым ліку выславёнага Мікелянджэлё, маёліка й габэлены заходнеэўрапейскіх майстроў. У паўднёвай частцы Новага Эрмітажу месьцяцца зборы флямандзкага й галяндзкага жывапісу часоў барока, сярод іх палотны ван Дэйка, Рубэнса й Рэмбранта. На другім паверсе Зімняга Палацу зьмешчаны карціны заходнеэўрапейскіх прыхільнікаў нэаклясыцызму, імпрэсіянізму і постмадэрнізму, такіх як Клёда Манэ, Рэнуара, Ван Гога і Гагена, прадстаўнікоў сучаснага мастацтва, прыкладам, палотны Матыса, Дэрэна і іншых фавістаў, а таксама Пікаса і Кандзінскага.
Эрмітаж у мастацтве
- Фільм «Вайна і мір» (1967) паводле эпапеі Льва Талстога быў часткова зьняты ў Зімнім Палацы.
- У 2002 годзе Аляксандар Сакураў зьняў фільм «Рускі каўчэг», які знаёміць гледачоў з трохсотгадовай гісторыяй Зімняга палацу.
- У 2007 годзе быў створаны расейскі дакумэнтальны фільм «Прадаць Эрмітаж. Як сыходзілі шэдэўры»
Глядзіце таксама
Крыніцы
Вонкавыя спасылкі
Эрмітаж — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Эрмітаж, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.