Эрдэнэцагаан нь Сүхбаатар аймгийн сум юм.
Эрдэнэцагаан сум ᠡᠷᠳᠡᠨᠡᠴᠭᠠᠨᠰᠤᠮᠤ | |
---|---|
Улс | Монгол |
Аймаг | Сүхбаатар |
Байгуулагдсан | 1924 он |
Газар нутаг | |
• Нийт | 82,009 км2 (31,664 миль2) |
• Ус | 22,5 км2 (87 миль2) 0.27% |
Хүн ам (2022) | |
• Нийт | ▲ 6,974 |
• Тооцоо (2012) | 6,512 |
Цагийн бүс | UTC+8 (UTC + 8) |
1924 оны 4 дүгээр сард Улсын бага хурлын шийдвэрээр Эрдэнэцагаан уулын хошуу нэртэйгээр анх байгуулагджээ. Аймгийнхаа хамгийн зүүн өмнөд хязгаарт, 17,3 мянган х.д. км газар нутагтай.
Газар нутаг нь тал хээрийн бүст багтана. Дархан цаазат Лхачинвандад уул, Зотол хаан, Уртын цагаан овоо, Норов уул, Бяруутын баян цагаан, Чандмань уул зэрэг уулстай. Хөндлөн Хайлааст, Хэцүүгийн ам, Яам хад, Баян хайлс, Мойлтын өндөр зэрэг үзэсгэлэнт газар олонтой. Хонгор, Жаргалант, Хад, Могойн гол, Усан хөл, Чоно гол зэрэг 20 гаруй булаг, горхитой. Рашаан Цайдам, Далай булаг зэрэг рашаан устай.
Хонгорын голын алт, Чоноголын гянт болд, Нүхтийн молибден,Баянцогтын нүүрсний орд газартай. Сумын төв нь Чоно гол. Баруун-Уртаас 217 км, Улаанбаатараас 777 км зайтай. 4639 хүн амтай. Халх, хуучид, үзэмчин, дарьгангачууд амьдардаг.
Хүрэн, цайвар хөрстэй. Тал хээрийн өвс ургамлаас гадна сөд өвс, царван, бонго зэрэг эмийн ургамал ургадаг. Буга, бор гөрөөс, цагаан зээр, тарвага, үнэг, чоно, мануул байхаас гадна цөөн тооны илбэнх, хар сүүлт, шилүүс байдаг.
137,6 мянган малтай. Илүү нугаламт үзэмчин үүлдрийн хонь өсгөн үржүүлдэг. Тоо толгой нь жар гаруй мянгад хүрээд байна.
Төвлөрсөн төсвийн хөрөнгө оруулалтаар 15 ортой эмнэлгийн барилга барьж байна. Сумын төвд хилийн цэргийн хороо байрладаг. Өвөрмонголын Шилийн гол аймгийн зүүн үзэмчин хошуутай харьцдаг Бичигтийн хилийн боомтой. Хөдөлмөрийн баатар уурхайчин Л.Сундай, эрдэмтэн Г.Пагва, Ц.Өлзийхутаг, Н.Маньбазар, Ц.Сүхбаатар, Ж.Ваанчиг нар тус сумаас төрөн гарчээ.
This article uses material from the Wikipedia Монгол article Эрдэнэцагаан сум, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.