t Harsenanhangsel of de hypofyse is n klier midden in de kop, onder de harsens, die alderbarstends veule hormonen aofgif.
t Harsenanhangsel speult n belangrieke rolle bie t regelen van n kwak hormonen, t wörden daorumme oek wel de dirigent eneumd van t hormoonstelsel. De klier is ongeveer zo groot as n kikkerarte (n sentimeter in deursnee) en lig in n holte in de schedelbaosis (t zogeneumde Turkse zaol of Sella Turcica in t Latien), achter de neusrogge. De achterkwab van t harsenanhangsel beheurt tot t diencephalon. Bie de anleg in de embryonale faose wörden de veurkwab van t harsenanhangsel evormp uut n stukjen epitheel van t monddak; t zogeneumde zakjen van Rathke.
t Harsenanhangsel is op-ebouwd uut dree delen:
De middenkwab is bie meensen haost niet anwezig. Bie sommige diersoorten is t wat groter. De middenkwab maakt α-MSH (melanosyt-stimulerend hormoon) uut de neurotransmitter adrenokortikotroop hormoon. In dit artikel geet t veural over de veur- en achterkwab.
De achterkwab van t harsenanhangsel steet mit lange axonen drekt in verbiending mit de hypothalamus. De veurkwab van t harsenanhangsel is via n poortaodersysteem verbunnen mit de hypothalamus. Die meet de hoeveulhejen an hormonen in t bloed en stuurt hormonen naor t harsenanhangsel as der meer of minder van n hormoon neudig is. Via de steel van t harsenanhangsel kömp onder aandere dopamine in t harsenanhangsel terechte dat de aofgifte van prolaktine remt.
In de veurkwab van t harsenanhangsel wörden veule hormonen emaakt die invloed hebben op aandere endokriene klieren. De veurkwab van t harsenanhangsel maakt:
De achterkwab van t harsenanhangsel is belangriek veur de waoter- en vochtregulering in t lief. t Is n opslagplekke veur twee hormonen die deur de hypothalamus an-emaakt wörden:
De meestveurkoemende andoening an t harsenanhangsel is n gezwel. Disse gezwellen bin altied goedaordig en bin roewweg onder te verdelen in de volgende soorten:
t Harsenanhangsel kan oek te min hormoon maken; dit hit hypopituïtarisme. t Tekort an hormonen kan an-evuld wörden mit (bio-identieke) hormonen of medisienen. n Slimme val kan oek de warking van t harsenanhangsel in t wiere schoppen.
In uutzonderingsgevallen kunnen ze derveur kiezen um t orgaan vort te haolen (hypofysektomie).
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |
This article uses material from the Wikipedia Nedersaksisch article Harsenanhangsel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.