Rumah Tjong A Fie

Rumah Tjong A Fie
張阿輝 故居
Fasade rumah
Informasi umum
Gaya arsitektur	Arsitektur Peranakan
Kota	Medan Sumatera Utara
Nagara	Indonesia
Salasai	1900
Cagar budaya Indonesia Rumah Tjong A Fie
Paringkek	Nasional
Kategori	Bangunan
No. registrasi nasional	CB.81
Lokasi	Kota Medan, Sumatera Utara
Taun panatapan	21 Desember 2015
Pamiliak	Kaluarga Tjong A Fie
Pangalola	Kaluarga Tjong A Fie
Koordinat geografi	3°35′08″N 98°40′50″E / 3.5855204°N 98.6804873°E / 3.5855204; 98.6804873
Namo sasuai jo Sistem Registrasi Nasional Cagar Budaya

Rumah Tjong A Fie (Hanzi tradisional: 張耀軒 故居; Hanzi sadarhano: 张耀轩 故居; Pinyin: Zhāng Yàoxuān Gùjū) adolah rumah duo lantai di Jalan Ahmad Yani di Kesawan, Medan, Sumatera Utara, nan dibangun oleh Tjong A Fie (1860–1921), padagang Hakka nan mampunyoi banyak tanah pakabunan di Medan. Namun, sajak tahun 2009 sabagian rumah iko dibukak untuak dikunjuangan sacaro umum. Rumah iko salasai dibangun tahun 1900 dan dirancang jo gaya arsitektur Tionghoa, Eropa, Malayu dan art-deco dan manjadi objek wisata basijarah di Medan. Di rumah iko, pangunjuang buliah mangatahui sijarah kahiduikan Tjong A Fie lewek foto-foto, lukihan sarato parabotan rumah nan digunokan oleh kaluargonyo sarato mampalajari budayo Malayu-Tionghoa. Tjong A Fie bakarabek jo Cheong Fatt Tze yang mambangun Cheong Fatt Tze Mansion di Penang, Malaysia. Sakileh ado kamiripan antaro Rumah Tjong A Fie dan Cheong Fatt Tze Mansion. Museum iko alah masuak ka dalam salah satu cagar budayo yang dilinduangi oleh Kementerian Pandidikan dan Kabudayoan Republik Indonesia. Oleh karano itu, banyak sumber informasi sijarah dan budayo kapandudukan masyarakaik Tiongkok di Medan, Sumatera Utara.

Tjong A Fie adolah Majoor der Chineezen atau Wali Kota patamo untuak komunitas Cino di Kota Medan. Tjong A Fie marupokan saurang pangusaho, bankir dan kapitan nan barasal dari Hakka, Tiongkok. Tjong A Fie bajayo mambangun usaho gadang dalam bidang pakabunan di Sumatera, Indonesia. Tjong A Fie mambangun usaho besar yang mampunyoi labiah dari 10.000 urang anak buah dan karano kajayoannyo tu Tjong A Fie sangaik dakek jo para kaum tapandang di Medan, di antaronyo adolah Sultan Deli, Ma'moen Al Rasyid sarato pajabaik-pajabaik kolonial Balanda. Sabagai pamimpin masyarakaik Tionghoa, Tjong A Fie sangaik dihormaikan dan disaganan. Usaho Tjong A Fie maliputi pakabunan, pabrik minyak kalapo sawik, pabrik gulo, bank dan parusahaaon kereta api.

Rumah iko dibangun sajak 1895, Rumah dengan lueh 8.000 meter iko mampunyoi duo lantai dan 35 biliak. Rumah iko mampunyoi duo patuang basi Foo Lions nan dibuek sacaro unik dan didekorasi sacaro artistik sabagai panjago gerbang utamo. Rumah dengan lantai nan tabuek dari ubin Venesia iko mampunyoi parabotan lampu nan rancak, iko marupokan kombinasi duo budayao yoitu Cinao dan Eropa. Tadapek ruangan gadang salah satunyo biliak lalok mandiang Tjong A Fie nan manunjuakkan tampek lalok mahoni, pakaian sutra dan artefak di zaman dulu. Di lua biliak tasabuik, pangunjuang akan menyobokkan ruang makan kaluargo, dapua nan ukurannyo gadang cukuik dengan alu dan batu mortar kuno, sadangkan di lantai duo tadapek kuil Kwan Ti Kong dan Ballroom.

• 
  Garbang muko
• 
  Tampak lua.
• 
  Rumah Tjong A Fie tahun 1930

• Official Website
• Tjong A Fie Mansion Archived 2010-12-28 di Wayback Machine.