Gasiang: Pamainan tradisional dari Sumatera Barat

Pamainan iko mamakai incek salak atau tutuik limun nan alah di buek lubang dan di ikek samo sa uteh tali dari banang. Dulunyo pamainan iko hanyo dimainan urang gadang sajo. Tapi kini sairiang bakambang zaman, pamainan iko banyak dikenal urang, tarutamo urang di Kanagarian Painan.

Dimaso kini, Gasiang dimainan urang untuak acaro adat, sabagai hiburan. Salain itu, Gasiang dimainan juo dek anak-anak sabagai pamainan di sore ari untuak miisi wakatu luang. paminan gasiang ko dapek dimainan dek banyak urang nan surang-surang punyo gasiang untuak di adu. Maksud dari pamainan iko untuak hiburan, olahraga dan sumangaik.

Caro dalam mambuek gasiang sangaik murah. Gasiang nan rancak dipiliah dari incek salak nan alah tuo, kamudian diagiah lubang untuak tampek mamasuak an tali. caro mamainan nyo murah, tapi pamainan iko cukuik manantang. urang nan mamainan gasiang ko harus pandai dalam ma atua capek lambeknyo ba puta gasiang. samakin lamo gasiang tu baputa , itu manjadi patando inyo manang. dek karano itu pamainan iko harus di jago atau di paliharo, supayo ganarasi mudo tau pamainan iko.