8 Пеледыш

Идалык пытыме марте 206 кече кодеш.

•   Россий — Социал пашаеҥын кечыже палемдалтеш. Россий Федераций президентын кӱштыкше почеш пайремлат. Лач 8 июнь 1701 ийыште Петр Первый кугыжа илыш кыл аралыме кугыжаныш системе-влак кӱштыкым луктын.
•   Теҥыз кече.

Пеледыш тылзын кандашымше кечынже Георгий, Егор, Юрий, Елена, Иван, Макар, Максим – влакын лӱм кечышт.

Тугак ончо: Категорий:Пеледыш тылзын 8 кечысе событий-влак

• 1909 ий — Российште икымше серийный автомобильым лукмо.
• 1946 ий — журналист-влакын калык-влак кокласе ушемым почмо.
• 1948 ий — Совет элыште саркурал плутонийым ыштыше икымше реакторым пашаш колтымо.

Тугак ончо: Категорий:Пеледыш тылзын 8 кечынже шочшо-влак

• 1949 — Николай Васильевич Токтаулов, сӱретче. Шернур район Товарнур ялыште шочын. Тудо мыланна ятыр натюрморт, пейзаж да портретын авторжо семын палыме. Пашаже-влак гоч сӱретче марий койышым да шӱлышым тӱрыснек почын пуа. «Ял пайрем», «Сӱан годым» да моло сылне сӱрет-влакын авторжо.
• 1950 — Анатолий Спиридонов, руш серызе, кусарыше, СССР Серызе-влак ушемын йыжъеҥже (1991), Марий Эл Республикысе тӱвыран сулло пашаеҥже (2005), Марий Эл Республикысе С.Г. Чавайн лӱмеш Кугыжаныш премийын лауреатше (2001), Марий Эл Республикысе Олык Ипай лӱмеш Кугыжаныш самырыктукым премийын лауреатше (1992).
• 1967 — Анатолий Андреевич Соловьёв, туныктыш да шанче пашаеҥ, историй шанче кандидат. Шкеже Шернур район Кочанур ял гыч. Ынде ятыр ий тудо Марий кугыжаныш университетыште пашам ышта: историй предметым вӱда.
• 1974 — Светлана Альбертовна Яндукова, марий мурызо, семлызе, туныктышо, Марий Эл Республикысе Олык Ипай лӱмеш Кугыжаныш самырыктукым премийын лауреатше (2006).

Тугак ончо: Категорий:Пеледыш тылзын 8 кечынже колышо-влак

• 1994 — Ошэл Васлий, марий серызе, почеламутчо.
• 2004 — Зинаида Каткова, марий серызе, журналист, СССР Серызе-влак ушемын йыжеҥже (1971), Марий АССР-ын Калык серызыже (1992), Марий АССР-ысе тӱвыран сулло пашаеҥже (1982).

• Марий пайрем календарь почеш 8 Пеледышыште Пактай пазар кече палемдалтеш.

	8 пеледыш Викиклатыште?