Пизелкс
Пизелкссь (якстерь пизелкссь) (лат.: Sorbus aucuparia) (руз.: рябина обыкновенная).
Модать лангса содаф 80 пизелксонь видта, синь эздост 34-сь касы кунардонь СССР-ть масторса. Васьфневи пизелкссь сембе вастова, сяда сидеста Россиять шимадомширень пялькссонза и Кавказса. Дальняй Востокса, Сибирьса васьфневихть сибирскяй, амурскяй, камчатскяй, тянь-шаньскяй пизелксне. Лац содаф равжа пизелкссь.
Пизелкссь аф оцю шуфта, кувалмоц пачкотькши 15 метратненди, шуроста 30 метратненди. Панжи пизелкссь панжиковста-ащемковста; панчфонза оцюфт, акшет, кочкафт кярьмазс. Пизелонза кенерькшнихть марьговста-таштамковста, аф прашендыхть тялонь якшамстовок.
Касы сидеста вирь тървава, лоткова, ляй ваксса. Пизелксь кельгсы шивалдть. Колма кизонза весть пизелксса эвондай сяда лама лия кизотнень коряс пизел.
Таньфонь коряс кенерьф пизелхне сяпизат, кельмоть мархта сяпиец юмай и арайхть ламбапт.
Пизелкссь кунардонь пингста содаф кода пъчкафтомань касыкс. Эсонза пяк лама эрь кодама витаминда..
Лятфтамат
This article uses material from the Wikipedia Мокшень (Mokshanj Kälj) article Пизелкс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Сёрматфсь ули кода мумс CC BY-SA 4.0-са, кда илякс апак аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Мокшень (Mokshanj Kälj) (DUHOCTRUNGQUOC.VN) is an independent company and has no affiliation with Wiki Foundation.