२०२० बेरुत विस्फोट

बेरुतमे विस्फोट होमएसँ पहिने लेबनानक अर्थव्यवस्था सङ्कटक स्थितिमे छल तँ सरकार कर्जामे डुबि चुकल छल। लेबनानक मुद्रा लेबनानी पाउन्डक स्थिति कमजोर भऽ चुकल छल तँ ओहि ठामक गरीबी दर ५०% सँ बेसी रहल छल। लेबनानक राजधानी शहर बेरुतमे रहल बेरुत बन्दरगाहकेँ देशक प्रमुख समुद्री प्रवेशद्वार आ दुर्लभ वस्तुसभ आयात करऽवला मुख्य नाकाक रूपमे रहल छल। लेबनान सरकारक स्वामित्वमे रहल ई बन्दरगाहमे चारि टा बेसिन आ बारह टा गोदाम शामिल छल।

स्थानीय समय अनुसार १८:०० बजे (युटिसी +०३:००) बेरुत बन्दरगाहमे रहल एकटा गोदाममे लागल आगि भुताबऽक लेल वारुणयन्त्रक अग्नी नियन्त्रक दलकेँ पठाएल गेल छल। ओहि बन्दरगाहमे भण्डार करि राखल अमोनियम नाइट्रेटक गोदाममे भेल पहिल विस्फोट आगिक धधराक निर्माण केनए छल ओकर कीछे समय बाद ओहि गोदाममे लगभग स्थानीय समय अनुसार १८:०८ बजे भेल दोसर विस्फोट शक्तिशाली छल। ई विस्फोट बेरुत सहरकेँ हिलाए देनए छल आ हावामे लाल रङ्गक मोट धुँवाक बादल बनाए देनए छल। दोसर विस्फोट २४० किलोमिटर (१५० माइल) दूर उत्तरी इजरायल आ साइप्रसधरि महसुस कएल गेल छल।

आन्तरिक प्रतिक्रिया

लेबनानी प्रधानमन्त्री हसन दियाब घटना भेलाक दोसर दिन सन् २०२० अगस्त ५ कऽ दिन देशमे राष्ट्रिय शोकक घोषणा केनए छल। लेबनान सरकारद्वारा दुई सप्ताहक लेल देशमे सङ्कटकालक घोषणा केनए छल। राष्ट्रपति अओउनद्वारा घटनाक कारण विस्थापित लोकसभकेँ सहयोग आ स्वास्थ मन्त्रालयद्वारा घाइल भेल लोकसभक उपचार खर्च सरकारद्वारा कएल जाएत घोषणा केनए छल।

विरोध

अगस्त ६ केँ राति स्थानीय लेबनानी जनताद्वारा सरकार विरोधी प्रदर्शन सुरु कएल गेल छल। हजारो प्रदर्शनकारीसभ लेबनानक संसद भवनसँ प्रदर्शन सुरु करि लेबनान सरकारी अधिकारीसभक राजिनमा माग केनए छल। प्रदर्शन उग्र भेलाक बाद सुरक्षाकर्मीद्वारा अश्रु ग्यास प्रयोग कएल गेल छल जहि सँ बहुतेक प्रदर्शनकारी तीतर बीतर आ घाइल भेल छल।

अन्तर्राष्ट्रिय प्रतिक्रिया

 

बहुत रास राष्ट्रसभक राष्ट्र प्रमुख आ संयुक्त राष्ट्र सङ्घक प्रतिनिधिसभ घटनाप्रति श्रद्धाञ्जली व्यक्त केनए छल।