विराट कोहली: इन्डियन क्रिकेट खेलाड़ी

विराट कोहली
Virat Kohli

कोहली प्रो कबड्डी लीगक उद्घाटन समारोहमे, जुन २०१६
व्यक्तिगत जानकारी
जन्म	(१९८८-११-०५) ५ नवम्बर १९८८ (उमर ३५) दिल्ली, भारत
अन्य नाम	चीकू
उचाई	५ फिट ९ इन्च (१.७५ मी)
बल्लेबाजी शैली	दहिना हाथ सँ
गेन्दबाजी शैली	दहिना हाथक मध्यम तेज गति
काज	ब्याट्सम्यान
सम्बन्ध	अनुष्का शर्मा (पत्नी)
अन्तर्राष्ट्रिय जानकारी
राष्ट्रिय पक्ष	भारत
टेस्ट पदार्पण (टोपी १६९)	२० जुन २०११ v वेस्ट इन्डिज
अन्तिम टेस्ट	२४ जनवरी २०११ v दक्षिण अफ्रिका
ओडिआई पदार्पण (टोपी १७५)	१८ अगस्त २००८ v श्रीलंका
अन्तिम ओडिआई	१६ फरबरी २०१८ v दक्षिण अफ्रिका
ओडिआई पोसाक क्रम	१८
टि२०आई पदार्पण (टोपी ३१)	१२ जुन २०१० v जिम्बाब्वे
अन्तिम टि२०आई	७ नवम्बर २०१७ v न्युजिल्यान्ड
टि२०आई पोसाक क्रम	१८
गृह टिम जानकारी
वर्ष	टिम
२००६–वर्तमान	दिल्ली
२००८–वर्तमान	रोयल च्यालेन्जर्स बेङ्गलोर (पोशाक क्रम १८)
खेल जीवनी तथ्याङ्क
प्रतियोगिता टेस्ट वनडे टि20आई एफसी म्याच ६६ २०८ ५७ ९८ रन स्कोर ५,५५४ ९,५८८ १,९८३ ७,८०३ बल्लेबाजी औषत ५३.४० ५८.१० ५०.८४ ५३.८१ १००/५० २१/१६ ३५/४६ ०/१८ २८/२४ उत्कृष्ट स्कोर २४३ १८३ ९०* २४३ कूल बल १६३ ६४१ १४६ ६३१ विकेट ० ४ ४ ३ गेन्दबाजी औषत – १६६.२५ ४९.५० ११०.०० एक पारीमे ५ विकेट ० ० ० ० एक म्याचमे १० विकेट ० n/a n/a ० उत्कृष्ट गेन्दबाजी – १/१५ १/१३ १/४२ क्याच/स्टम्प ६३/– १००/– २७/– ९४/–
स्रोत: इएसपिएन क्रिकइन्फो, २४ फरबरी २०१८

दिल्लीमे जनमल आ बढल कोहली सन् २००६ मे प्रथम-श्रेणी क्रिकेटमे पदार्पण करै सँ पहिने दिल्ली क्रिकेट टिमक प्रतिनिधित्व करि विविध उमर-समूहक क्रिकेटमे अपन भागिदारी जनाए चुकल छल । मलेसियामे आयोजन भेल २००८ आइसिसी अन्डर-१९ क्रिकेट विश्वकपमे भारत अन्डर-१९ राष्ट्रिय क्रिकेट टिमक कप्तानी करैत अपन समूहकें विजयी बनेनाए छल । विश्वकपक किछ महिना बाद ओ श्रीलंका राष्ट्रिय क्रिकेट टिमक विरुद्ध १९ वर्षक उमरमे एकदिवसीय अन्तर्राष्ट्रिय खेलमे पदार्पण केनए छल । वर्तमान समयमे वनडे क्रिकेटमे सभ सँ बेसी शतक लगेनिहार क्रिकेटरसभक श्रेणीमे विराट कोहली दोसर क्रममे अछि । विराट कोहली अन्तर्राष्ट्रिय क्रिकेटमे सभ सँ तीव्र १५,००० रन बनाबैवला ब्याट्सम्यान छी । ओ क्रिकेटक सम्पूर्ण स्वरूपक कूल ३३३ म्याचमे ई कारनामा करि हाशिम अमलाद्वारा स्थापित कीर्तिमान तोड़लक ।

विराट कोहलीक जन्म दिल्लीमे एक पञ्जाबी परिवारमे ५ नवम्बर १९८८ कें भेल छल । हुनकर पिता प्रेम कोहली एक ओकिल आ माता सरोज कोहली एक गृहिणी छी । हुनकर एक भाए विकास आ एक पैग बहीन भावना अछि । हुनकर परिवारक अनुसार कोहली तीन वर्षक उमरमे क्रिकेट ब्याट हाथमे लऽ अपन पिताक बलिङ करवाक लेल कहैत छल ।

कोहली उत्तम नगरमे पैग भेल आ अपन विद्यालय शिक्षा विशाल भारती सार्वजनिक विद्यालय सँ पुरा केलक । सन् १९९८ मे पश्चिम दिल्ली क्रिकेट एकेडमीक स्थापना भेलाक बाद ९ वर्षक कोहली ओकर हिस्सा बनि गेल । विराट जका होनहार क्रिकेट खेलाडी गल्ली क्रिकेट खेल अपन समय बर्बाद करि रहल अछि हुनका व्यावसायिक क्लबमे क्रिकेटक कला सिखवाक पड़ोसीसभक सलाह अनुसार कोहलीक पिता हुनका ओ क्रिकेट एकेडमी लऽ गेल छल । राजकुमार शर्माक प्रशिक्षणमे कोहली एकेडमीमे खेल सिखैत छल आ ओहि समय ओ वसुन्धरा इनक्लेभमे सुमीत डोग्रा एकेडमी सँ म्याच सेहो खेलैत छल । प्रशिक्षक शर्मा ओ दिन याद करैत कहैत छथि जे कोहली एक क्षमतावान आ बहुत मिहिनेती खेलाडीक सङ्ग सङ्ग कोनो क्रममे ब्याटिङ करि सकैत अछि । खेलक सङ्ग सङ्ग ओ पढ़ाईमे सेहो अव्वल विद्यार्थी छल ।सन् २०१५ धरि कोहलीक परिवार मीरा बागमे रहैत छल आ बादमे ओसभ गुरुग्राममे बसोबास आरम्भ केलक ।

कोहली पहिल बेर अक्टुबर २००२ मे दिल्ली अन्डर-१५ टिमक लेल २००२-०३ मे पाली उम्रिगर ट्रफीमे खेलने छल । ओ ३४.४० कऽ औसत सँ १७२ रनक सङ्ग ओहि प्रतियोगितामे अपन टिमक लेल अग्रणी रन बनेनिहार खेलाडी छल । ओ २००३-०४ पाली उम्रिगर ट्रफीक लेल अपन टिमक कप्तान बनल आ प्रतियोगिता अवधिमे दुई शतक आ दुई अर्धशतक सहित ७८ कऽ औसत सँ ५ पारीमे ३९० रन बनेलक । सन् २००४ कऽ उत्तरार्धमे, विराटकें २००३-०४ मे विजय मर्चेन्ट ट्रफीक लेल दिल्ली अन्डर-१७ टिममे चयन कएल गेल । ओ चारि म्याचमे ११७.५० कऽ औसत सँ दुई शतक आ २५१* कऽ शीर्ष स्कोरक सङ्ग ४७० रन बनेलक । दिल्ली अन्डर-१७ टिम २००४-०५ कऽ विजय मर्चेन्ट ट्रफी जीतलक जहिमे कोहली दुई शतक सहित ८४.११ कऽ औसत सँ ७ म्याचमे ७५७ रनक सङ्ग प्रतियोगिताक उच्चतम रन-स्कोरर छल । सन् २००६ फरबरीमे, ओ दिल्ली क्रिकेट टिमक लेल सर्भिस क्रिकेट टिमक विरुद्ध सूची ए क्रिकेटक पदार्पण केलक मुदा बल्लेबाजी नै कऽ सकल ।

सन् २००६ जुलाईमे कोहलीकें इङ्ल्यान्ड दौराक लेल भारत अन्डर-१९ राष्ट्रिय क्रिकेट टिममे चयन कएल गेल । ओ तीन म्याचक टेस्ट श्रृङ्खलामे इङ्ल्यान्ड अन्डर-१९ राष्ट्रिय क्रिकेट टिमक विरुद्ध ४९ आ तीन म्याचक एकदिवसीय श्रृङ्खलामे १०५ कऽ औसत सँ रन बनेलक । मेजबान भारत अन्डर-१९ टिम दुनू श्रृङ्खलामे विजयी रहल । दौराक समापनक बाद, भारत अन्डर-१९ टिमक प्रशिक्षक लालचन्द राजपूत कोहली सँ प्रभावित भऽ कहने छल— कोहली गति आ स्पिन दुनूक विरुद्ध तगड़ा कौशल देखेलक । सितम्बरमे, भारत अन्डर-१९ टिम पाकिस्तानक दौरा केलक । ओतय कोहली पाकिस्तान अन्डर-१९ कऽ विरुद्ध टेस्ट श्रृङ्खलामे ५८ आ एकदिवसीय श्रृङ्खलामे ४१.६६ कऽ औसत सँ रन बनेलक ।

कोहली सन् २००६ दिसम्बरमे १८ वर्षक उमरमे तमिलनाडु क्रिकेट टिमक विरुद्ध दिल्लीक लेल अपन प्रथम श्रेणी क्रिकेटक शुरुआत केलक आ अपन पहिल पारीमे १० रन बनेलक । दिसम्बरमे ओ चर्चामे आएल जखन ओ अपन पिताक मौतक एक दिन बाद कर्नाटक क्रिकेट टिमक विरुद्ध अपन टिमसँ खेलैक निर्णय करि ९० रन बनेलक । आउट भेलाक तुरन्त बाद ओ सीधे अन्तिम संस्कारक लेल चलि गेल । दिल्ली टिमक कप्तान मिथुन मनहास कहलक— ई टिमक लेल बहुत पैग प्रतिबद्धताक एक अधिनियम छी आ हुनकर पारी टिमक लेल बहुत महत्वपूर्ण साबित भेल । प्रशिक्षक चेतन चौहान कोहलीद्वारा दर्शाएल गेल रङ्गरूप आ दृढ़ सङ्कल्पक सराहना केलक । हुनकर माताक अनुसार ओहि दिनक बाद विराट परिवर्तित भऽ गेल आ एके रातिमे ओ एक बहुत अधिक परिपक्व व्यक्ति बनि गेल । एकर बाद ओ सभ म्याचकें गम्भीरता सँ लेलक । ओहि सत्रमे ओ ३६.७१ कऽ औसत सँ ६ म्याचमे कूल २५७ रन बनेलक ।

सन् २००७ अप्रैलमे, ओ अपन ट्वान्टी २० क्रिकेटक शुरुआत केलक आ अन्तर-राज्य टि२० च्याम्पियनसिपमे अपन टिमक लेल ३५.८० कऽ औसत सँ १७९ रनकें सङ्ग उच्चतम रन-स्कोररक रूपमे प्रतियोगिता समाप्त केलक ।