रघुराम राजन
रघुराम राजन (पूरा नाम: रघुराम गोविन्द राजन, तमिल:ரகுராம் கோவிந்த ராஜன் जन्म: 3 फरबरी 1963) भारतीय रिजर्व बैंकक २३अम गभर्नर छलाह। सन २०१३ मे ४ सितम्बर कें दुव्वुरी सुब्बारावक सेवानिवृत्तिक पश्चात रघुराम ई पदभार ग्रहण केने छलाह। अहि पद सँ पहिने ओ प्रधानमन्त्री, मनमोहन सिंहक प्रमुख आर्थिक सल्लाहकार आ शिकागो विश्वविद्यालयक बुथ स्कुल अफ बिजनेसमे एरिक जे ग्लिचर फाइनान्सक गणमान्य सर्विस प्रोफेसर छलाह। सन् २००३ सँ सन् २००६ धरि ओ अन्तर्राष्ट्रिय मुद्रा कोषक प्रमुख अर्थशास्त्री आ अनुसन्धान निर्देशक आ भारत मे वित्तीय सुधारक लेल योजना आयोग द्वारा नियुक्त समितिक नेतृत्व सेहो केलनि ।
रघुराम राजन Raghuram Rajan | |
|---|---|
 वर्ल्ड इकोनोमिक आउटलुक कन्फ्रेन्समे रघुराम राजन | |
| भारतीय रिजर्व बैंकक २३म गवर्नर | |
| कार्यकाल सन् २०१३-२०१६ | |
| पूर्वाधिकारी | डि सुब्बाराव |
| उतराधिकारी | उर्जित पटेल |
| अन्तर्राष्ट्रीय मुद्राकोषक मुख्य अर्थशास्त्री | |
| कार्यकाल सन् २००३-२००६ | |
| पूर्वाधिकारी | केनेथ रोगाफ |
| उतराधिकारी | साइमन जनसन (अर्थशास्त्री) |
| व्यैक्तिक विवरण | |
| जन्म | फरबरी ३, १९६३ भोपाल, भारत |
| राष्ट्रियता | भारतीय |
| मातृ शिक्षा प्रतिष्ठान | मेसाचुसेट्स इन्स्टिच्युट अफ टेक्नोलोजी (पीएचडी) इन्डियन इन्स्टिच्युट अफ मेनेजमेन्ट अहमदाबाद (एमबिए) इन्डियन इन्स्टिच्युट अफ टेक्नोलोजी दिल्ली(बीटेक) |
| हस्ताक्षर |  |
राजन मेसाचुसेट्स इन्स्टिच्युट अफ टेक्नोलोजीक अर्थशास्त्र विभाग आ स्लोन स्कुल अफ मेनेजमेन्ट; नार्थ-वेस्टर्न विश्वविद्यालयक क्यालौग स्कुल अफ मेनेजमेन्ट आ स्टाकहोम स्कुल अफ इकोनोमिक्स मे अतिथि प्रोफेसर सेहो रहल छलाह । ओ भारतीय वित्त मन्त्रालय, विश्व बैंक, फेडरल रिजर्व बोर्ड आ' स्वीडिश संसदीय आयोगक सल्लाहकारक रूपमे सेहो काज केने छथि । सन् २०११ मे ओ अमेरिकी फाइनान्स ऐसोशिएसनक अध्यक्ष छलाह तथा वर्तमान मे अमेरिकन एकेडेमी अफ आर्ट्स एन्ड साइन्सेजक सदस्य छथि ।
प्रारम्भिक जीवन
रघुराम राजनक जन्म भारतक भोपाल शहरमे ३ फरवरी १९६३ के भेल छल । सन् १९८५ मे ओ भारतीय प्रौद्योगिकी संस्थान, दिल्ली सँ इलेक्ट्रिकल इन्जिनियरिंग मे स्नातक डिग्री हासिल केलनि । इन्डियन इन्स्टिच्युट अफ मेनेजमेन्ट, अहमदाबाद सँ ओ सन् १९८७ मे एमबीए केने छलाह । मेसाच्युट्स इन्स्टिच्युट अफ टेक्नोलोजी सँ ओ सन् १९९१ मे अर्थशास्त्र विषयमे पीएचडी केलनि ।
करियर
स्नातक स्तर धरि पढ़ाईक बाद राजन शिकागो विश्वविद्यालयक ग्रेजुएट स्कुल अफ बिजनेस मे शामिल भऽ गेलाह । सितम्बर २००३ सँ जनवरी २००७ धरि ओ अन्तर्राष्ट्रीय मुद्रा कोष मे आर्थिक सल्लाहकार आ अनुसन्धान निर्देशक (मुख्य अर्थशास्त्री) रहलाह । जनवरी २००३ मे अमेरिकन फाइनान्स एसोसिएशन द्वारा देल जायवला फिशर ब्ल्याक पुरस्कारक प्रथम प्राप्तकर्ता छलाह । ई सम्मान ४० सँ कम उमरक अर्थशास्त्री सभ कें वित्तीय सिद्धान्त आ अभ्यास मे योगदानक लेल प्रदान कएल जाइत अछि।
सन्दर्भ सामग्रीसभ
| राजनैतिक कार्यलय | ||
|---|---|---|
| पूर्वाधिकारीक नाम केनेथ रोगाफ | अन्तर्राष्ट्रिय मुद्राकोषक मुख्य अर्थशास्त्री २००३-२००६ | उत्तराधिकारीक नाम साइमन जनसन (अर्थशास्त्री) |
This article uses material from the Wikipedia मैथिली article रघुराम राजन, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0 कऽ अन्तर्गत विषय सूची उपलब्ध अछि । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मैथिली (DUHOCTRUNGQUOC.VN) is an independent company and has no affiliation with Wiki Foundation.