Hartini
Siti Hartini otabâ lebbi èkennal kalabân nyama Hartini (20 Sèptèmber 1924-12 maret 2002) iyâ arèya binè ka empa’na prèsiden Soèkarno.
 | |
Biografi (id)  | |
|---|---|
| Èlahèraghi | 20 Sèptèmber 1924  Kabhupatèn Ponorogo |
| Kematian (id) | 12 Maret 2002 (77 tahun (id) ) Daerah Khusus Ibukota Jakarta |
| Tempat pemakaman (id) | |
| Data pribadi (id) | |
| Pendidikan | Institut Teknologi Bandung (id) |
| Keluarga (id) | |
| Pasangan nikah (id) | Soekarno (1953–) |
| Anak (id) | Taufan Sukarnoputra (id) Bayu Sukarnoputra (id) |
Carèta oḍi'
Bâkto kènè'
Hartini lahèr è tangghâl 20 Sèptèmber 1924 è Jakarta mènangka ana’ kaḍuwâ’ ḍâri lèma’ satarètanan ḍâri pasangan Osan Murawi bân Mairah. Eppa’na Osan iyâ arèyâ pongghâbâ bâgiyân paalasan sè rotèn lè-ngallè kotta. Hartini matammat SD è Malang bân dhibi’na èkala’ ana’ sareng bhâlâ Oesman è Bandung. Hartini aderderaghi pèndhidhighan è Nijverheidsschool (sakola kabhângkatân potter) Banḍung. Hartini matammat SMP bân SMU è Banḍung. Hartini ḍâ-ngoḍâ èkennal raddhin, bân Hartini ngoḍâ anèkae Soewondo bân nettep è Salatiga. Dhibi’na randhâ è omor 28 taon kalabân lèma’ oreng ana’. Taon 1952 è Salatiga, Hartini akennalan kalabân Soèkarno sè dhâpora terkas tarèsna ḍâ’ pesamoan ḍâ’-aḍâ’ân. Saat rowa Soekarno, ḍâlem parjhâlânan lajhu Yogyakarta ghâbây aresmiaghi Masjiḍ Syuhâḍâ.
Binè kaempa’na Soèkarno
Sataon pas, Hartini bân Soèkarno atemu saat parèsmian teater tabukka’ Ramayana è candhi Prambânan. Alèbâti sorang kanca, Soèkarno angèrèmaghi sakonco’ sorat ḍâ’ Hartini kalabân nyama samara Srihana. Ḍuwâ’ arè saampon Guruh Soekarno Putra lahèr, tangghâl 15 Jânuari 1953, Soèkarno mènta èdhi Fatmawati ghâbây anèkae Hartini. Fatmawati ngèdhini, tapè pas asebbâbaghi protès ḍâri brâmpan organisasi binè’ sè è katowaè permaisuri sè ta’ enḍe’ Poligami. Soèkarno bân Hartini ahèrra anèka è maligi Cipanas, 7 Juli 1953. Taon 1964 Hartini ngallè ka sala settong Paviliun è maligi Bogor. Hartini toro’ angèrèngi acarakanaghârâân Soèkarno è maligi Bogor, antara laèn anemmoè Ho Chi Minh, Norodom Sihanouk, Akihito bân Michiko.
È masa taon 1950-an, saat nasionalismè bân paobâân cè’ kowatte abârnae cètra dhibi’na Soèkarno, ghâbây peran Hartini è miligi Bogor cè’ rajâna bân dhibi’na dhâddhi tong-sèttongnga binè sè palèng abit bisa atemu kalabân Soèkarno. Maskè sapanèka semma’, Soèkarno ghi’ anèkae Ratna Sari Dewi (1961), Haryati (Mei 1963) bân Yurike Sanger (Agustus 1964). Nèng sajhârâ nyatet, Hartini ella ngissèè saparo kaoḍi’ânna Soèkarno. Dhibi’na lambhâng binè’ Jhâbâ sè sacca, narèma, bân ampeng bhâktè mongghu ghuru lakè’.
Kaoḍi'ân Dhibi'
Ana'-ana'
Hartini anèkae kalabân Soewondo Soeryosoedarmo (8 Agustus 1916- 5 Dèsèmber 1972) saat omorra ghi’ ngoḍâ. Kabbi andi’ 5 oreng ana’ yakni:
· Siti Suwandari Soewondo
· Herwindo Soewondo (w. 23 Juni 2017), sè toman anèkae artis Rima Melati (I. 22 Agustus 1938) è taon 1969.
· Tri Harwanto Soewondo, anèkae kalabân Ardiani Harwanto.
· Sri Wulandari Soewondo
· Riswulan Soewondo
Saampon atellak kalabân Soewondo, Hartini anḍi’ ana’ 2 ḍâri Soekarno, yakni:
· Taufan Soekarnoputra (27 Maret 1955 – 17 Jânuari 1986), anèkae kalabân Iryani Levana Banubrata (I. 5 Jânuari 1958)
· Bayu Soekarnoputra (I. 1958)
Kamatèan
Hartini mate è Jâkarta 12 Maret 2002 bân èkobhuraghi è taman Kobhurân Umum Karèt Bivak. Hartini adhingghâlaghi 6 ana’ yakni Bayu Soèkarnoputra bân almarhum Taufan Soèkarnoputra (aeppa’ Bung Karno) sarta Siti Suwabdari, Herwindo, Tri Harwanto, bân Sri Wulandari (aeppa’ Soeswondo).
Sombher
This article uses material from the Wikipedia Madhurâ article Hartini, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kontèn tasaḍiyâ è CC BY-SA 4.0 kajhâbhâ bâḍâ katrangan laèn. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Madhurâ (DUHOCTRUNGQUOC.VN) is an independent company and has no affiliation with Wiki Foundation.