Pindad Aps-3 Anoa
Angko' Personèl Seddhâng-3 otabâ sè è singkat kalabân APS-3 Anoa bân dâlem oca' ènggris è sebbhut Medium Personnel arèya sala settong kendaraan militèr lapès bâjhâ ghâbâyân PT Pindad (persèro), Inḍonèsia.
Kendaraan rèya è ghunaaghi kaangghuy ngangko' personèl otabâ è kenal kalabân nyama panser otabâ pa ngangko' personèl lapès bâjhâ (oca' ènggris: Armoured personnel carrier otabâ APC). Nyama "Anoa" dhibi' è kala' dâri nyama hèwân Anoa, arèya hèwân sa jennis kerbhuy sè aropaaghi hèwân asli dâri Sulawèsi. Purwarupa dâ' adâ'an è sebbâraki da' publik è bâkto Olang taon ka-61 TNI è tangghâl 5 Oktober 2006 è markas rajâna TNI, Cilangkap.
Sajhârâ
Pindad APS-3 è sebbhâraki sacara resmi dâ' publik neng Indo Defence & Aerospace è tangghâl 19 sampè' 22 Nopèmber taon 2008 samarèna è sebbâraki dâ' parade militèr TNI è tangghâl 5 Oktober 2008. Neng tangghâl 30 Agustus taon 2008, 10 APS-3 marè è produksi bân tarèkana bhâkal è produksi sabânnya' 150 kaangghuy TNI angkatan dhârât kaangghuy panugasân Anoa è taon 2009. 20 panser rèya è serra tarèma dâ' pamarènta Inḍonèsia lèbât kamentriân pertahanan, bâgiyân dâri kasepakatan dâri 150 ka 40 unit bhâi polana krisis èkonomi. 40 panser kasebbhut ahèra è kèrèm kalabân komitmen PT Pindad kaangghuy apenuhi pessânan total sakabbhina bânyya'an 154 Panser. 33 è bâghi ka kamentriân pertahanan è tangghâl 13 Januari 2010. Pindad marè narèma sontèkan dhâna ènjhâman dâri bank mandiri, bank BNI 46 bân bank BRI dhâddhi bâgiyân dâri bâjârân kaangghuy manufaktur panser-panser kasebbhut.
Pengembangan
Spèsifikasi Anoa V2. Sajhârâ paningkatan panser Pindad rèya è molaè neng taon 2003 dhâddhi hasèl dâri ningkata intervènsi militèr è provinsi Acèh. Selang operasi militèr è Acèh, TNI angkatan dhârât minta kendaraan angko' Personèl sè cè' ngabhuruna kangghuy transportasi pasokan.
Pindad narèma paminta'an rèya taon 2004, kalabân APR-1V (angko' Personèl dhâmmang) bâdâ kendaraan a lapès bhâjhâh sè padâ bân truk Isuzu. Tapè, order samarèna kangghuy 26 kendaraan rèya e bhâttalaki polana Tsunami 2004.
Pindad nerosaki paningkatan APS kalabân bhântowan dâri BPPT. Purwarupa samarèna arèya Pindad APS-1sè è rancang 6x6 sè è dhásarè dâri truk perkasa hasèl dâri PT Texmaco. Sanajjân ta' è pèlè kaangghuy è produksi, pengalaman sè è kaollè dâri paningkatan APS-1 ma yâkin tentara nasional Inḍonèsia kangghuy aberri' lampu bhiru dâ' pindad kangghuy aghâbây paneros dâri ranpur panser, Pindad APS-2 kalabân ongkos produksi sa bânyya'an 600 juta ropèya perbuwâ.
Sombher
.
This article uses material from the Wikipedia Madhurâ article Pindad APS-3 Anoa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kontèn tasaḍiyâ è CC BY-SA 4.0 kajhâbhâ bâḍâ katrangan laèn. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Madhurâ (DUHOCTRUNGQUOC.VN) is an independent company and has no affiliation with Wiki Foundation.