ຮູບເງົາ ບາຣ໌ບີ້

ບາຣ໌ບີ້
ໂປສເຕີຮູບເງົາ
ກຳກັບ	ເກຣຕ້າ ເກີຣ໌ວິກ
ຂຽນບົດ	ເກຣຕ້າ ເກີຣ໌ວິກ ໂນອາ ບອມແບກ
ສ້າງຈາກ	ບາຣ໌ບີ້ ໂດຍ ແມດເທລ
ອຳນວຍການສ້າງ	ເດວິດ ເຮແມນ ມາໂກຕ໌ ຣັອບບີ ທອມ ແອັກເກີລີ ຣັອບບີ ແບຣນເນີ
ນັກສະແດງນຳ	ມາໂກຕ໌ ຣັອບບີ ໄຣອັນ ກອສລິງ
ກຳກັບພາບ	ໂຣດຣິໂກ ປຣິເອໂຕ
ຕັດຕໍ່	ນິກ ຮອຍ
ດົນຕີປະກອບ	ອາແລັກຊັອງເດີຣ໌ ແດັສປລາ
ບໍລິສັດຜູ້ສ້າງ	ເຮເດ ຟີມ ລັກກີ ຊິບ ເອນເຕີເທນເມນ ແມດເທລ ຟີມສ໌
ຈຳໜ່າຍ/ເຜີຍແຜ່	ວໍເນີ ບຣາເທີສ໌ ພິກເຈີສ໌
ວັນສາຍ	21 ກໍລະກົດ ຄ.ສ. 2023 (2023-07-21) (ສະຫະລັດອາເມຣິກາ) 27 ກໍລະກົດ ຄ.ສ. 2023 (2023-07-27) (ລາວ)
ຄວາມຍາວ	114 ນາທີ
ປະເທດ	ສະຫະລັດອາເມຣິກາ
ພາສາ	ອັງກິດ
ທຶນສ້າງ	128–145 ລ້ານໂດລາສະຫະລັດ
ລາຍໄດ້	1.428 ຕື້ໂດລາສະຫະລັດ

ຮູບເງົາເລື່ອງນີ້ໄດ້ຮັບການປະກາດຕົວໃນເດືອນກັນຍາປີ 2009 ໂດຍຢູນິເວີແຊລ ພິກເຈີສ໌ ໂດຍມີລໍເຣນສ໌ ມາກ ອຳນວຍການສ້າງ ແຕ່ການພັດທະນາເລີ່ມຂຶ້ນໃນເດືອນກັນຍາປີ 2014 ເມື່ອໂຊນີ ພິກເຈີສ໌ໄດ້ຮັບລິຂະສີດ ຫຼັງຈາກການປ່ຽນຜູ້ຂຽນບົດ ແລະ ຜູ້ກຳກັບຫຼາຍຄັ້ງ ແລະ ການຄັດເລືອກນັກສະແດງຍິງສອງຄົນທີ່ແຕກຕ່າງກັນເພື່ອຮັບບົດນຳ ໂຊນີສູນເສຍລິຂະສິດ ແລະ ຕໍ່ມາກໍໂອນລິຂະສິດໃຫ້ກັບວໍເນີ ບຣາເທີສ໌ ພິກເຈີສ໌ໃນເດືອນຕຸລາປີ 2018 ໂດຍມີຣັອບບີຢູ່ລະຫວ່າງການເຈລະຈາເພື່ອສະແດງ ຣັອບບີໄດ້ຮັບການຄັດເລືອກໃນປີ 2019 ແລະ ຮັບໜ້າທີ່ເປັນຜູ້ອຳນວຍການສ້າງ (ພາຍໃຕ້ຊື່ບໍລິສັດລັກກີ ຊິບ ເອນເຕີເທນເມນ) ໂດຍໄດ້ຮັບເຄຣດິດໃນການຜະລິດຮ່ວມກັບເຮເດ ຟີມສ໌ ແລະ ແມດເທລ ຟີມສ໌ ເກີວິກໄດ້ຮັບການຢືນຢັນໃຫ້ເປັນຜູ້ກຳກັບ ແລະ ຜູ້ຂຽນບົດຮ່ວມກັບບອມແບກໃນປີ 2021 ກອສລິງ ແລະ ທີມນັກສະແດງທີ່ເຫຼືອມີການປະກາດໃນຊ່ວງຕົ້ນປີ 2022 ການຖ່າຍທຳສ່ວນໃຫຍ່ເກີດຂຶ້ນທີ່ວໍເນີ ບຣາເທີສ໌ ສະຕູດິໂອສ໌, ລີບສ໌ເດັນ ໃນປະເທດອັງກິດຕັ້ງແຕ່ເດືອນມີນາເຖິງກໍລະກົດປີ 2022

ບາຣ໌ບີ້ ມີກຳນົດສາຍໃນສະຫະລັດອາເມຣິກາວັນທີ 21 ກໍລະກົດ 2023 ໂດຍ ວໍເນີ ບຣາເທີສ໌ ພິກເຈີສ໌ ໃນ ປະເທດລາວ ວັນທີ 27 ກໍລະກົດ 2023 ຮູບເງົາໄດ້ຮັບຄຳວິຈານໃນແງ່ບວກ​ຢ່າງ​ລົ້ນ​ເຫຼືອ ໂດຍສະເພາະຢ່າງຍິ່ງງານສ້າງການຜະລິດ ການກຳກັບຂອງເກີຣ໌ວິກ ເພງປະກອບ ແລະ ການສະແດງຂອງນັກສະແດງ (ໂດຍສະເພາະຂອງຣັອບບີ , ກອສລິງ ແລະ ເຟີເຣຣາ)

 

 

ມາໂກຕ໌ ຣັອບບີ (ຊ້າຍ) ແລະ ໄຣອັນ ກອສລິງ (ຂວາ) ຮັບບົດເປັນບາຣ໌ບີ້ ແລະ ເຄນຕາມລຳດັບ

• ມາຣ໌ໂກ ຣັອບບີ ຮັບບົດ ບາຣ໌ບີ້ ຖືກເອີ້ນໃນໜັງວ່າ ບາຣ໌ບີ້ ຕົ້ນແບບ ໃນຕອນຈົບນາງເປັນມະນຸດ ແລະ ມີຊື່ວ່າ ບາຣ໌ບາຣາ ໂຣເບີດ
• ໄຣອັນ ກອສລິງ ຮັບບົດ ເຄນ ຕຸກກະຕາຊາຍຜູ້ທີ່ຮັກບາຣ໌ບີ້ຂ້າງດຽວ ແລະ ພ້ອມຈະພິສູດຕົນເອງໃຫ້ບາຣ໌ບີ້ໄດ້ເຫັນ
• ອາເມຣິກາ ເຟີເຣຣາ ຮັບບົດ ກລໍເລຍ ພະນັກງານບໍລິສັດແມດເທລ ຜູ້ທີ່ໄດ້ພົບບາຣ໌ບີ້ໃນໂລກຈິງ ແລະ ມີການເຊື່ອມໂຍງກັບນາງ
• ເຣຍ ເພີຣ໌ລແມນ ຮັບບົດ ຣູດ ແຮນເລີ ແມ່ເຖົ້າຜູ້ປຽບສະເໝືອນພຣະເຈົ້າຜູ້ສ້າງບາຣ໌ບີ້ ດັດແປງຈາກບຸກຄົນຈິງທີ່ປະດິດຕຸກກະຕາບາຣ໌ບີ້ໃນປີ 1959 ແລະ ເປັນປະທານຜູ້ຮ່ວມກໍ່ຕັ້ງບໍລິສັດແມດເທລ
• ວິລ ເຟີເຣລ ຮັບບົດ ປະທານບໍລິຫານບໍລິສັດແມດເທລ
• ອາຣີອານາ ກຣີນແບລດທ໌ ຮັບບົດ ຊາຊາ ລູກສາວຂອງກລໍເຣຍໄວ 14 ປີ ຜູ້ເຊິ່ງເຕີບໂຕ ແລະ ແຍກກັບແມ່ຂອງນາງ
  • Genvieve Toussaint ຮັບບົດ ຊາຊາ ໄວ 6 ປີ
• ບາຣ໌ບີ້ໃນຮູບແບບຕ່າງໆ ຮັບບົດໂດຍ:
  • ເຄດ ແມັກຄິນນອນ ຮັບບົດບາຣ໌ບີ້ພ້ຽນref>Kroll, Justin (February 16, 2022). "Barbie: Kate McKinnon Latest To Join Margot Robbie In Warner Bros, Mattel And LuckChap Film". Deadline Hollywood. Archived from the original on February 16, 2022. Retrieved 16 February 2022.
  • ອີຊາ ແຮ ຮັບບົດ ບາຣ໌ບີ້ປະທານາທິບໍດີ
  • ຮາຣີ ເນຟ ຮັບບົດ ບາຣ໌ບີ້ໝໍ
  • ອາເລັກຊານດຣາ ຊິບປ໌ ຮັບບົດ ບາຣ໌ບີ້ນັກຂຽນ
  • ເອັມມາ ແມັກຄີ ຮັບບົດ ບາຣ໌ບີ້ນັກຟີຊິກ
  • ຊາຣອນ ຣູນີ ຮັບບົດ ບາຣ໌ທະນາຍຄວາມ
  • ດົວ ລີປາ ຮັບບົດ ບາຣ໌ບີ້ນາງເງືອກ
  • ນິໂຄລາ ຄອກແລນ ຮັບບົດ ບາຣ໌ບີ້ນັກການທູດ
  • ອະນາ ຄຣູຊ ເຄຍ໌ນ ຮັບບົດບາຣ໌ບີ້ຜູ້ພິພາກສາ
  • ຣິທູ ອາເຣຍ ຮັບບົດ ບາຣ໌ບີ້ນັກຂ່າວ
• ເຄນໃນຮູບແບບຕ່າງໆ ຮັບບົດໂດຍ:
  • ຄິງສະລີ ເບນ-ອາດີຣ໌ ຮັບບົດ ເຄນເບີໜຶ່ງ ໝູ່ຂອງເຄນ
  • ຊືມູ່ ຫຼີວ ຮັບບົດ ເຄນເບີສອງ ຫຼື ເຄນອັນທະພານ
  • ສະກັອດ ອີແວນ ຮັບບົດ ເຄນເບີສາມ
  • ຊູຕີ ແກດວາ ຮົບບົດ ເຄນເບີສີ່ຂອງບາຣ໌ບີ້ນັກຟີຊິກ
  • ຈອນ ຊີນາ ຮັບບົດ ເຄນນາຍເງືອກຂອງບາຣ໌ບີ້ນາງເງືອກ
• ຄອນເນີ ສະວິນເດລສ໌ ຮັບບົດ ແອຣອນ ດິນກິນສ໌ ເດັກເຝິກງານຂອງບໍລິສັດແມດເທລ
• ໄມເຄິລ ເຊຣາ ຮັບບົດ ອັລລັນ ຕຸກກະຕາທີ່ບໍ່ໄດ້ຮັບຄວາມສົນໃຈຈາກເຫຼົ່າເຄນ ພຽງເພາະລາວບໍ່ແມ່ນເຄນ
• ເຈມີ ເດເມດຣູອູ ຮັບບົດ ໜຶ່ງໃນຜູ້ບໍລິຫານບໍລິສັດແມດເທລ
• ເອເມີຣັລ ເຟນເນລ ຮັບບົດ ມິດຈ໌
• ແອນ ຣອດທ໌ ຮັບບົດ ແມ່ເຖົ້າຜູ້ໄດ້ພົບກັບບາຣ໌ບີ້ທີ່ໂຮງຮຽນຂອງຊາຊາ
• Deb Hiett ຮັບບົດ ແພດຍິງທີ່ໄດ້ພົບກັບເຄນທີ່ໂຮງໝໍ

ຮ່ວມດ້ວຍ ໄຣອັນ ພຽຍສ໌ ວິນລຽສ ໃນບົດ ສາມີຂອງກລໍເລຍ ພໍ່ຂອງຊາຊາ ແລະ ມາຣິສາ ອາເບລລາ ໃນບົດທີ່ຍັງບໍ່ເປີດເຜີຍ

ໝາຍເຫດ

• "Barbie World" ປະກອບດ້ວຍແຊັບເບີ້ລຂອງ "Barbie Girl", ປະພັນໂດຍ Søren Rasted, Claus Norreen, René Dif ແລະ Lene Nystrøm, ຂັບຮ້ອງໂດຍ Aqua.
• "Speed Drive" ປະກອບດ້ວຍການຮຽບຮຽງໂດຍຂອງ "Mickey", ປະພັນໂດຍ Michael Chapman ແລະ Nicholas Chinn, ແລະ ຂັບຮ້ອງໂດຍ Toni Basil; ແລະ ປະກອບດ້ວຍການຮຽບຮຽງຂອງ"Cobrastyle",ປະພັນໂດຍ Klas Åhlund, Joakim Åhlund, Patrick Arve, Ewart Brown, Fabian Torsson, Troy Rami, Paul Rota, David Parker ແລະ Sylvia Robinson ແລະ ຂັບຮ້ອງໂດຍ Robyn; ທີ່ເປັນຕົ້ນສະບັບໂຄບເວີ "Cobrastyle", ຂັບຮ້ອງໂດຍ Teddybears ຮ່ວມກັບ Mad Cobra.
• "Barbie Dreams" ປະກອບດ້ວຍການຮຽບຮຽງຂອງ "Together Again", ປະພັນໂດຍ Janet Jackson, James Harris III, Terry Lewis ແລະ René Elizondo Jr. ແລະ ຂັບຮ້ອງໂດຍ Janet Jackson .