Mángwɛlɛ́ ma Bacillus Calmette-Guérin (BCG) na mwǎna wa yo.
Lokásá luye luzali kolobela likambo litali nkísi ya Bacillus Calmette-Guérin, mángwɛlɛ́ maye bapɛ́sɛkɛ mpó na kobátela mwǎna wa yɔ̌ na bokɔnɔ bwa Tibélekilosi (TB).
Mángwɛlɛ́ ma Bacillus Calmette-Guérin mazali na biloko biye bipɛ́sɛkɛ bokɔnɔ ya Tibélekikosi (TB) kasi maye basili kolongola bokási bwa yangó. Lokóla basili kolongola bokási bwa yangó, ekoki kosala lisusu mabé tɛ́ o nzóto ya moto, kasi ekosalisa nzóto ya mwǎna ekolisa komibátela ya yangó mɔ̌kɔ́ (immunite), mpé atâ sɔ́kí mwǎna akutani na TB, akozua yangó lisúsu tɛ́.
Na Ingɛlɛ́tɛlɛ, lokóla na mbóka isúsu, BCG (Bacillus Calmette-Guérin) epɛ́sɛmɛkɛ na bǎna baye bazali pɛnɛ na bato baye bakoki kozala na TB. Wana ezali mpó bǎna bâná bavándaka bisika bato mingi bakoki kozala na TB, ekoki kozala babóti tǒ bankɔ̂kɔ baye baúti bisíká biye bato mingi babɛ́lɛkɛ TB. Na mokúsé mbala mingi bǎna baye bavándaka na engúmba ya masikini. Mángwɛlɛ́ maye bapɛ́sɛkɛ ntángo mwǎna abótami kasi bakopɛsɛkɛ mpé lisusu ntángo inso yě asengeli na mangó.
Mbala mingi bakobeta mwǎna wa yɔ̂ ntonga ya BCG na lobɔ́kɔ la mwasi pɛnɛ na lipeka .
Ntángo ozui ntonga, mbala mɔ̌kɔ́ esíká énâ ekovimba. Wana elakisi éte babɛti ntonga ndénge esengeli. Nsima ya mpɔ́sɔ 2 kin'o 6 wuta kozua ntonga, elembo ekomɔ́nɔnɔ. Ekosua mpó na mikolo mwa mokɛ, kasi ebikaka nɔ́kí sɔ́kí okangi yangó tɛ́. Ekoki kotika elembo ekɛ. Ntángo esúsu mwǎna akozala na mpótá esíká eye bamobɛtɛ́ki ntonga. Sɔ́kí mpótá ezali kobimisa mái, kanga yangó na elamba ekauka tíí ekobanda kokauka. Kasi kokanga yangó na sparadrap tɛ́. Mpótá énâ ekoki kosala sánzá mpó ebanda kokauka Sɔ́kí epɛsi yɔ̂ mawa o motéma, tǒ omoni lokóla mpótá ezali koyâ monɛnɛ, kɛndɛ epái ya mónganga.
Lokóla mángwɛlɛ́ manso, ntángo esúsu ekosengele tɛ́ kopɛsɛ mwǎna mángwɛlɛ́ BCG. Ntína yango iye:
Mwǎna wa yo akoki kobanda nkísi ya kobatela yě na diphtherie, hemophilie, gilípi, meningite, pertuse, búkabúka, kintúntú, na bokɔnɔ bukotaka na mpótá tetanosi sɔ́kí azali na sánzá 2 ekopekisa tɛ́ éte azua BCG. Kasi zala káka na bokɛ́ngi éte nkisi isusu ínâ ibɛtɛmɛ na lobɔ́kɔ luye babɛtɛki yě mángwɛlɛ́ ma BCG tɛ́ kín'o nsima ya sánzá 3, sɔ́kí tɛ́, esíká énâ ekoki kovímba. Mpé koma nsango ya kozua mángwɛlɛ́ ma BCG mpé mángwɛlɛ́ masúsu na bukú ya mwǎna
Mbóka iye ikomami o nsé izalaka na bato mingi baye bazali kobɛlɛ TB. Sɔ́kí eyano ya yɔ̂ na mitúna na biso ezali 'eɛ́' tǒ 'íyo', sála nɔkí opɛsɛ mwǎna wa yô mángwɛlɛ́ ma BCG sɔ́kí amozui naíno tɛ́.
Aljeria Kamerun Sǎo Tomé na Principe Afganistani Al Mamlaká al-Maghribiya (Maroc) Kenya Sénégal Djibuti Angóla Komori Seyshel India Bê Afríka (Santrafríka) Kongó-Brazzaville SidafrÃka Omani Bénin Kongó-Kinsásá Sierra Leone Botswana Kotdivuar (Cote d'Ivoire) Somalie Burkina Faso Liberia Eswatini Burundi Libîya Tshad Ejipti Malawi Togo Ekwateli Mali Tunisia Elitré Moritani Uganda Etiopi Mozambiki Zambia Gabon Namibia Zimbabwe Gambia Niger Ghana Nizeria Gine Rwanda Gine-Bisau Gine-Ekwatoliáli (Mambénga) San Salvador
Mpó ozua nsango isúsu na lolénge la komibátela, mpé kobátela bandeko na baninga ba yô bazwá TB tɛ́, okoki kokɛndɛ tǒ kobênga:
This article uses material from the Wikipedia Lingala article Bacillus Calmette-Guérin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingala (DUHOCTRUNGQUOC.VN) is an independent company and has no affiliation with Wiki Foundation.