El servizzi ferroviari metropolitan de Bologna (SFM) a l'è ona red de servizzi ferroviari a caratter suburban a freguenza alta cont orari cadenzaa longh ona quaj linia ferroviaria che vann vers e vann a travers la cittaa de Bologna.
Servizzi feroviari metropolitan de Bologna | |
---|---|
La stazion de Portomaggiore | |
Tipolojia | Servizzi ferroviari metropolitan |
Stats | Itàlia |
Territore | Emilia-Romagna |
Part de | trasporti a Bologna |
Linie | 8 |
Operador | Trenitalia Tper |
N. stazion e fermade | 82 |
Lungeza | 350 km |
Passajer | 48 142 per dé 17 571 830 l'ann |
istruzion |
La red, che a l'è componnuda da 8 lign gestii de Trenitalia Tper, la offriss on conligament intra la cittaa de Bologna cont i center de la sò provincia e i center di provinz de Modena e Ferrara.
La red suburbana a l'è componnuda de vòtt lign:
Linia | Percors | Longhezza | Stazion | Gestor |
---|---|---|---|---|
S1 | S1A Porretta Terme - Bològna Centrala | 59 km | 17 | Trenitalia Tper |
S1B Bològna Centrala - San Benedetto Sambro-Castiglione Pepoli | 41 km | 10 | Trenitalia Tper | |
S2 | S2A Vignola - Bològna Centrala | 34 km | 18 | Trenitalia Tper |
S2B Bològna Centrala - Portomaggiore | 47 km | 17 | Trenitalia Tper | |
S3 | S3 Poggio Rusco - Bològna Centrala | 59 km | 9 | Trenitalia Tper |
S4 | S4A Ferrara - Bològna Centrala | 47 km | 10 | Trenitalia Tper |
S4B Bològna Centrala - Imola | 35 km | 7 | Trenitalia Tper | |
S5 | S5 Modena - Bològna Centrala | 37 km | 5 | Trenitalia Tper |
La linia S1 la conliga Porretta Terme (ramm A) a San Benedetto Sambro-Castiglione Pepoli, cont el noeud principàl de Bologna Centrala.
L'è doperada la ferrovia Porrettana, parzialmente a dobbi binari, e la Direttissima Bologna-Fiorenza, intregament a binari dobbi. Tucc e dò i lign a hinn elettrificaa.
El servizzi el moeuv 4'000 personn al dì in sul ramm B.
La linia S2 la conliga Vignola (ramm A) a Portomaggiore (ramm B) con passagg per Bologna e la percorr di binari dedicaa senza interferì cont i alter servizzi.
La dopera di innest in su la ferrovia Porrettana tolt de 'na veggia tramvia. La linia, a binari unich elettrificaa, a l'è gestida de FER e la moeuv 6'500 personn in sul ramm A e 8'000 in sul ramm B.
La linia S3 la conliga Bologna a Poggio Rusco in 50 menut in su la ferrovia Bologna-Verona, intregament elettrificada e a dobbi binari.
El servizzi el moeuv circa 11'000 personn al dì.
La linia S4 la conliga Ferrara (ramm A) a Imola (ramm B) passand per Bologna in 80 menut. La dopera per el ramm A la ferrovia Bologna-Venezia e per el B la ferrovia Adriatica.
El servizzi el moeuv 11'000 personn in sul ramm A e 6'700 in sul ramm B.
La linia S5 la conliga Bologna a Modena in mezz'ora cont la ferrovia Milan-Bologna, intregament elettrificada e a binari dobbi. El moeuv circa 6'000 personn al dì.
This article uses material from the Wikipedia Lumbaart article Servizzi feroviari metropolitan de Bologna, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.