Reykjavik
| Quel articul chì l'è scrivüü in Lumbard, cun l'urtugrafia insübrica ünificada. |
La citaa de Reykjavik l'è la capital e la citaa püssee pupulada de l'Islànda; la sa tröva in sü la Baja de Faxaflòi, in del südovest de l'isula. In de l'ann 2005, la gh'era 114.800 abitant, anca se cunt la sò area metrupulitana la riva a quasi 190.000.
Ul sò nòmm al vör dì Baja de la fümera, vist la presenza de surgent còolt in de l'area inturna.
La citaa l'è stada prubabilment fundada da Ingólfur Arnarson inturnu a l'ann 845 e praticameent fin al sécul XVIII l'era staa un paesinn de pescaduur e cuntaditt. Inturna al 1750 a scumencia un cicinin de svilüpp indüstrial (indüstria furestal, pesca, minier de zulf, custrüzziun de nav).
In del 1845 l'è staa spustaa ul parlament islandes, l' Althingi, cha fin da l'ann 930 al surgeva a Thingvellir.
In dii ann '20 e '30 la citaa la s'è svilüpada cumé center de pesca; in de la segunda guèra mundiaal l'è stada ucüpada in d'una quaj ura da i aleaa, ca gh'hann pö fundaa dü aeruprt.
Ul gròss de la sò pupulazziun de adess a l'è rivaa in di ann dopu la guèra, quand la citaa l'è diventada meta de un muntun de giuvin imigrant di campagn de tüta l'Islànda, svujaa da l'emigrazziun pruvucada da la mecanizazziun (e cunsegueent disücupazziun) de l'agricultüra.
In di ultim trent ann l'è cressüda l'impurtanza internazziunaal de la citaa.
This article uses material from the Wikipedia Lumbaart article Reykjavik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.