Reykjavík è la capitali d'Islandia e chidda cchiù sittintriunali dû munnu (latitudini: 64° 08' N, assai vicinu ô cìrculu pulari àrticu a 66° 33' N).
Lu sô nomu ntâ lingua islandisi signìfica Baia dî Fumi, prubbabirmenti pî surgivi d'acqua ca vùgghinu.
Chî sô 115.000 abbitanti circa, è la citati islandisi cchiù granni e unni campa lu 40% dâ pupulazzioni di l'ìsula. S'attrova supra l'Ocèanu Atlànticu e 'n particulari ntô gulfu Faxaflói.
È sedi dû prisidenti dâ ripùbblica, dû parlamentu (Alþingshusið) e dû guvernu. Ci sunnu macari li ammasciati (Canada, Cina, Danimarca, Finlandia, Francia, Girmania, Giappuni, Nurveggia, Russia, Svezzia, Regnu Unitu e Stati Uniti) e àutri 53 cunsulati.
Ci sunnu assai musei e gallerìi d'arti ntâ citati di Reykjavík. La capitali è macari un museu a celu raputu di statui.
L'ariuportu ntirnazziunali Leifur Eiríksson s'attrova ntâ citati di Keflavík, a 46 chilòmitri dâ capitali, ntâ pinìsula di Reykjanes. Mentri cchiù vicinu c'è l'ariuportu nazziunali di Reykjavík.
Situ Officiali di l'Azzienda Turìstica dâ Citati di Reykjavík Situ di l'ariuportu ntirnazziunali Leifur Eiríksson di Reykjavík
This article uses material from the Wikipedia Sicilianu article Reykjavík, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.