Niccolò Fraschini: Politegh italian
El Niccolò Fraschini (Pavia, 15 de sginer 1986) a l'è un politegh italian.
 | Quest articol chì l'è scrivud in lombard, con la Noeuva Ortografia Lombarda |
Biografia
In Forza Italia del 2002, l'è lauread baceler in scienz politegh a l'Università de Pavia in del 2008, in del 2011 el se laurea magistral a Bologna in Relazzion Internazzionai.
Del 2009 al 2014 l'è consilier comunal a Pavia e in di elezzion municipai del 2014 l'è candidad sindegh cont una lista civega sostegnuda di Radicai de Pavia e di alter sociazzion del mond liberal local, ma l'è minga elegiud.
In del 2016 l'è member de la campagna eletorala del Corrado Passera per Milan e poeu, quand che 'l s'è retirad per sostegnìll, per el Stefano Parisi.
El torna in del consili comunal paves in del 2018, cont una lista civega de center-destra a sostegn del sindegh elesgiud Fabrizio Fracassi, del che el s'è mostrad propi critegh in di ultim temp del mandad.
Controversie
In del fevrer 2020, in di prim dì de l'epidemia de COVID-19, el comenta contra de quei che hann tacad la Lombardia per vesser el center de la pandemia al moment e l'ha did che i lombard i acetaran no i lezzion di napolitan, per luu sgent che la viv in mez al ruf, franzes, per luu sgent senza el bidè, e romen, la che capital la gh'havaria i fiolit in di fogne e che prima o poeu i roeull i tornarà quei de prima.
In del november 2020, durant del segond lockdown lombard, l'ha did che "per salvà poch de vegg sem dree a ruvinà la vita ai sgiovin" e l'ha innegiad a la selezzion natural e al Charles Darwin, inscì de scatenà 'na mota de polemega che l'ha menad ai so dimission de president de comission.
In del marz 2022 el torna in sui giornai per havé did, dopo de l'invasion russa de l'Ucraina, che se la ghe fuss stada 'n invasion e besogna renonzià a 'na cità per salvàss l'è ben scernì Napoli.
Idee politegh
El Fraschini a l'è un liberal de center-destra vesin ai posizzion de autogoverno de la Lombardia: l'è a favor di libertà civil compagn di union civil e del testament biologich e l'è anca a favor de l'Europa, cont una vision thatcheriana de la midema.
Riferiment
This article uses material from the Wikipedia Lumbaart article Niccolò Fraschini, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.