Treno Colleon
El Colleon (classifegad ATR.803) a l'è un autotreno a trazzion eletriga con generator e baterie desvilupad de Stadler Rail per Trenord.
 | Quest articol chì l'è scrivud in lombard, con la Noeuva Ortografia Lombarda |
Storia
L'è stad comissionad di Ferrovie Nord Milan in del november 2018, cont un numer de 30 convoeuj, con opzzion per toeunn fina 50. El gh'ha su ERTMS grazzia a un finanziament a fond perdud de l'Union europea e l'è previst che sien consegnad tucc per fina 2021.
In del november 2019 l'è stad presentad al publegh el "mock up" a la fera de Rò e l'è stad confermad che anca l'Ente Autonomo Volturno l'ha crompad cinch convoeuj compagn per la soa red.
Descrizzion
A l'è fondad in su piataforma FLIRT e l'è fad su de 3 casse passeger a pian singol e tacade insema de carrej Jackobs: el treno el po vesser alimentad de 'n generator o di baterie, che inn in su 'na cassa pussee, in d'una strutura doperabel anca per di treni cont el pantograf compagn del BTR.813.
Bon de rivà fina a 140 km/h, el podarà fà fina a 9 km cont i baterie, degià che inn no pensade per fà di longh period ma domà per doperà no el generator in stazzion e per permeter de havégh un caregh per ass pussee bass, inscì de vesser compatibel con la red lombarda.
Riferiment
Vos corelad
- Stadler WINK
- Hitachi Blues
This article uses material from the Wikipedia Lumbaart article Colleon (treno), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.