Mili Schmalzl | |
---|---|
Auter inuem | Mili dl Ladinia |
Nasciù/da | Urtijëi ai 13 nuvëmber 1912 |
Mort/a | Urtijëi ai 20 auril 2006 (cun 93 ani) |
Cunesciù/da per | Pitures de scola moderna, nsenianta. |
Articul per Ladin Gherdëina |
Mili Schmalzl (*13 nuvëmber 1912 a Urtijëi;† 20 auril 2006 a Urtijëi) fova na artista y maestra de depënjer.
Mili fova na fia de Maria Stuflesser de Petlin y Josef Schmalzl moler y ferlëigher dl hotel Ladinia a Urtijëi. Ëila ova scumencià a depënjer statues tla berstot de Cristian Delago dl Tuene, l uem de si anda Josefine Schmalzl. Ala scola d‘ert univa l'ëiles nia gën mandedes. L vën dit che ëila à depënt l gran San Durich de Ludwig Moroder tla dlieja de San Durich a Urtijëi canche la mparova pra Cristl Delago dl Tuene.
Ti ani 1930 à Mili Schmalzl fat la Scola d’Ert “Beato Angelico” a Milan, ulache la à abù truepes cuntac cun artisc modernes. De reviërs da Milan ala sëurantëut la berstot de si pere. La ie pona jita a Stuttgart ala Academia d’ert y tl 1943 ti ie unì pità la stiera de nsenianta de "depënjer y decorazion“ tla scola d'ert de Urtijëi ulache la à nsenà per 33 ani fin al 1976.
La Schmalzl à dat a truepes artisc dl Südtirol de gran mpulsc. Danter si sculeies fova Carlo Mussner, Aldo Canins, Albert Mellauner.
Mili a fat pea a truepa mostres culetives y persuneles y à giatà uneranzes a Minca, a Firënza y a Bruxelles.
L Land Tirol à unerà Mili cun la bedaia y la crëusc al merit. Mili Schmalzl ie stata ativa tla grupes de artisć Ruscél y "Südtiroler Künstlerbund".
L ann 1938 ala tëut pert cun Raimund Mureda a na mostra a Roma ulache la à ncuntà Mussolini.
This article uses material from the Wikipedia Lingaz article Mili Schmalzl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingaz (DUHOCTRUNGQUOC.VN) is an independent company and has no affiliation with Wiki Foundation.