Niggio Rósso

O l'é 'na béstia da rapìnn-a. O l'é ascì conosciûo co-o nomme de Nìggio Reâ.

ZE	Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno

Niggio Reâ ( Milvus Milvus - Linnaeus 1758 ), Famiggia Accipitridae, Genere Milvuso. O Nìggio Reâ (ò Rósso), pe-a taggia e l'avertûa alâre, o sùpera o Nìggio Scûo co-o quæ de spésso o se confónde. E seu ciùmme són ben ben ciù ciæe, e o se distìngoe pe-a carateristica côa de cô ch'o tîa a-o rósso, profondamente fórcûa. O se distìngoe ascì pe-a maccia de cô gianchinàstro in sciô lato inferiô de remiganti primaie. O l'é 'n öxello da-a côa asæ larga, ch'a permétte a-o niggio de planâ ciù façilménte. O dimorfismo sesoâle o l'é inexistente. O l'é 'n öxello da rapìnn-a diùrno, lóngo 60-65 cìtti, avertûa alâre 165-175 cìtti, péizo 1-1,300 chìlli (o segóndo nùmero o se riferîsce a-a fémina ch'a l'é ciù gròssa); masccio e femina àn o mæximo colôre. In xêuo o se reconósce sùbito pe-a côa bòrca, e âe lónghe e streite con dôe macce de cô gianco in scê remiganti primaie che contràstan co-a pónta de cô neigro de l'âa, pêto e pansa de cô brùn-rósso scûo a sotî rigatûe de neigro, testa, còllo e gôa de cô gianco-çénie, êuggi de cô vèrde infosæ (a proteçión), becco giano a-a bâze, grîxo in pónta céga a lensìn, a parte de sôvia a l'é de cô maròn-fulvo. O l'é un di ciù belli tra i öxelli da rapìnn-a d'Eoröpa, pe-e lónghe âe e a côa a bandêta; o l'à in xêuo agile, velôce légero.

Eoröpa Centrâle e Òcidentâle, in particolâ Germània, Spàgna, Frànsa e Italia, dôve e côbie se riprodùan regolarménte, grùppi minòi in Nord-Àfrica. L'areale de nidificaçión o l'é delimitòu a Nord da-a Svéçia Meridionâle, a Est da Ucràina e Rùscia Sud-Òcidentâle. O seu habitat én spàççi avérti, coltivæ a pascolo, pöco antropizæ, dónde o càccia xoàndo in çercio ò a bassa quota. De spesso se sénte o seu scigôo, o se nùtre de levri, conìggi, roditôi, öxelli ciù picìn, ma anche de carògne. In Itàlia o l'é sedentâio, migratô e svernànte parçiale, nidìfica in Sardénia, Sicìlia, Apenìn Meridionâle e in Baxilicâ, con aoménti de côbie nidificànti. Aoménta anche o nùmero di svernànti da-o Centro e Nord-Eoröpa, in particolâ da Germània, Repùblica Cêca, Polònia e Sveçia (se pàrla de in çentenà ò ciù). Riproduçión tra Màrso e Arvî, 2-3 êuve, incobaçión 31-32 giórni; làscian o nîo tra Zùgno e-a meitæ de Lùggio.

O niggio rósso o l´é un di doî niggi prezenti in Eöropa. L'âtro o l'é o Nìggio Scûo do Belon:

Tout ainsi que les François cognoissent deux especes de Milans, l´un nommé le Milan Royal, l´autre le Milan noir: Semblablement, Aristote en a escrit deux especes, au sisxieme chapitre du sisxieme livre de la nature des animaux

 

inti ùrtimi anni o l´é arivòu inte zöne prearpinn-e

O no l´é goæi comùn inta Ligûria:

Raro nel distretto di Arenzano e Cogoleto Genova; scarso in quello di Spezia

Ma ben ben di outoì n´àn parlòu, e àn dêuviòu dötréi scinònimi scentìfici existenti (prezénpio Falco milvus Linnaeus).

Falco milvus. Falco a coda biforcata. Di passaggio. Il vecchio è raro, fu trovato nel 1811; i giovani son più comuni

O Casaccia o l´à ciamòu Milan :

MILAN s. m. Nibbio, Forbicione. T. Ornit. Falco milvus. Uccello del genere de‘ Falchi, famiglia de’ Milvi che ha il becco nero, la cera gialla, le penne della fronte, gelo gola bianche

O Paganini o-u ciama Niggio reâ:

NIGGIO REÀ: Nibbio, Forbicione Pis., [..] Milvus regalis Brisson

•   Wiki Commons a contêgne di files in sce Niggio rósso
•   Wikispecies a contêgne informaçioìn in sce Niggio rósso