L'Hulk o l'é 'n supereröe di fumétti americhén publicæ da-a Marvel Comics.
ZE | Questa pàgina a l'é scrîta in léngoa zenéize |
O l'é stæto creòu da-o Stan Lee e da-o Jack Kirby fàndo a sò prìmma apariçión into prìmmo nùmero do fumétto The Incredible Hulk do màzzo do 1962. Inte sò conpàrse o personàggio, ch'o l'à 'n destùrbo disociatîvo de l'identitæ (DID), o l'é raprezentòu sorviatùtto da-i sò doî alter-ego Hulk, 'n umanòide da-a pélle vèrde, inpersonîo e travèrso, ch'o l'à 'na fòrsa sénsa lìmiti, e o dotô Robert Bruce Banner, in fìxico da-a figûa menûa, pöco socêvole e discrêta, che de sòlito no gh'àn de boìn rapòrti fra de lô.
Pî-a sò espoxiçión a di ràggi gàmma méntre o l'êa aprêuvo a sarvâ a vìtta do Rick Jones da-o sccéuppo de 'na bónba sperimentâle, o Banner o se peu trasformâ inte l'Hulk tùtte e vòtte ch'o patìsce do strèss emotîvo, cóntra a sò voentæ ascì. Sta trasformaçión chi de sòlito a pòrta a di scceupoìn de fótta distrutîvi ò a de lòtte che vàn a conplicâ a vìtta normâle do Banner. O livéllo de fòrsa de Hulk o l'é de sòlito raprezentòu de lóngo ciù èrto tànto ciù o personàggio o l'é aragiòu. Inta ciù pàrte di câxi raprezentòu cómme 'n personàggio furiôzo, gh'é de stöie dónde l'Hulk o pìggia de âtre fórme ascì, cómme prezénpio 'na fòrsa distrutîva sénsa de çervéllo (War), in goerezê aspèrto (World-Breaker), in protetô ch'o se detèsta (o Devil/Immortal), 'n âtro scensòu da-a tèsta fìnn-a (Doc Green) ò 'n gangster (Joe Fixit).
Contròllo de outoritæ | VIAF (EN) 314901422 · LCCN (EN) nb2015004304 · BNF (FR) cb145921900 (data) · WorldCat Identities (EN) nb2015-004304 |
---|
This article uses material from the Wikipedia Lìgure article Hulk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.