'N'îzoa ò 'n'enclave lengoìstica a l'è 'n teritöio dónde a magiorànsa da popolaçión storicaménte rescidénte inta zöna a parla 'na léngoa divèrsa da quélla difûza inte regioîn giögràfiche d’in gîo.
Quésta scitoaçión a l'è generalménte dovûa a 'na prezénsa teritoriâle storicaménte docomentâ de çèrtidùn minorànse lengoìstiche òpû, in ténpi ciù recénti, a 'na migraçión de grùppi lengoìstichi ciù ò mêno vàsti inta zöna.
ZE | Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno |
O l'è ànche poscìbile che, inte 'n çèrto teritöio, a prezénsa do grùppo lengoìstico de minorànsa a ségge storicaménte asæ ciù antîga de quélla de magiorànsa, cómme inti câxi de invaxoîn, conquìste ò òcupaçioîn dovûe a conflìtti de vàrio génere. Co-o tèrmine penîzoe lengoìstiche se indicàn pe cóntra di teritöi vixìn abitæ da-a mæxima naçión, colegæ a-o continuum lengoìstico prinçipâ ma pe-a ciù pàrte circondæ da âtre léngoe.
O tèrmine îzoa lengoìstica (in tedésco Sprachinsel) o l'è stæto coniòu pe-a prìmma vòtta into 1847 pe descrîve 'na popolaçión slâva ch'a se trovâva inta Prùscia Òrientâle vixìn a-a çitæ Königsberg (d'ancheu Kaliningrad), inte 'n'àrea dónca de léngoa tedésca.
This article uses material from the Wikipedia Lìgure article Îzoa lengoìstica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.