Offere
Offere (Nederlands Afferden) is e dörp in de Nederlands-Limburgse gemeinte Baerge, tösse Heie en Ni-j-Berge in, aon de Maos, mèt (2006) 2256 inwoeners.
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Offers, es te dit dialek sjpriks.
Besjèrmheilege is de H. Maria.
In 't dörp steit 'n modern dörpskèrk (gebouwd in 1958 es vervanging vaan de in d'n oorlog verweusde aw kèrk) mèt 'n twelfde-iewse Romaansen torie. Ouch de Mariakapèl, die eigelek oet twie kapelle besteit (ein zeventiende-iewse en ein oet 1909) is bezeensweerdeg. De umgeving vaan Offere is bosriek en heet ouch väöl heigebeed. Hei vint me 't rewien vaan kestieël Bleienbik.
Offere weurt veur 't iers geneump in 1176, in 'n bepaoling vaan d'n aartsbisjop vaan Kölle. Bepaold weurt tot Afferde sjatpliechteg is aon Sante (Xanten). Me heet de naom wèlle verklaore es Aa-voorde, "doortrèkbaar plaots in 'ne waterloup" (de naom zouw daan pleonastisch zien). Offere waor in de Middeliewe twiehiereg oonder de hiere vaan Offere en Bleienbik. Sins de Spaonse Successieoorlog waor Offere in Pruse hen. In 1794 woort Offere door de Franse bezat, die in 1800 de groete gemeinte Baerge opriechde, boe Offere in kaom te ligke. Die gemeinte is nao 1815 blieve bestoon.
Zuug ouch
Externe link
 | |
|---|---|
| Dörper en gehuchte: Baerge · Ald-Berge · Äöje · De Loj · Ni-j-Berge · Offere · Siêbegewâld · Wel | |
This article uses material from the Wikipedia Limburgs article Offere, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.