Dit artikel is gesjreve (of begós) in 't Veldes.
Laes hie wie v'r mit de versjillende saorte Limburgs ómgaon.
Hasselt is 'n buurtschap van 't kerkdörp Velde in de gemeinte Venlo. 't Laet ten noorde ván 't dörp, ingeklemp tösse de Maas en de Riekswaeg (N271). Aan d'n andere kant ván de revier laet 't kerkdörp Grevors. Ten noorde ván 't gehuch laet 'n groeëte naevegeul en ten oeëste daován de buurtschappe Bong, De Hasselderhei en Vilgert. Hasselt haet óngevier 270 inwoeëners.
Historisch gezeen is Hasselt eine van de vaer middelieëwse dörpskerne ván Velde. Waarschienlik waas dit gebeed al bewoeënd gewaes in de Steintied, want ten zuudoeëste ván 't gehuch woorte artefakte oet die periode gevónde. Vaerder woort aerdewerk oet d'n Iezertied en tefriet ('n saort neteurstein) oet d'n Brónstied gevónde. Me vermoed dát heej ok 'n Keltisch dörpke haet gestange.
In Hasselt steit museum De Hansenhof, wao me vuuel veurwerpe kint zeen die get te make höbbe mit 't dörpse laeve van vreuger.
In 't dörp woort kórt nao 1600 'n hoeëgwaterhoes gebouwd en daonaeve de Sint Annakapel (rónd 1700), die rónd 1870 gerenoveerd woort. Op 19 fibberwarie 1969 woort de kapel ingeschraeve in 't rieksmónnementeregister. 't Bouwwerk is opgetrokke in roeëdbroene brikke en haet 'n zadeldaak. In de nis steit 'n beeldje ván de hl. Anna mit de hl. Maria, eur dochter. Ónder de nis is 'n bord opgehange mit de volgenden teks: Bèj en offer heej / De godslamp brand det wet geej / daar ok veur ooch intenties heej.
De naam Hasselt waas veur 't iers gedocumenteerd in 1326. 't Geit truuk op 't Aldgermaanse *has(a)la mit *-uþi- as verkleiningssuffix. 't Beteikent plats wao hazelaers staon. De naam is neet uniek en kump bevurbeeld ok veur in Bels-Limburg (Hasselt) en Euveriessel.
Stad: Venlo | |
Dörper: Árse · Blierik · Houblierik · Belvend · D'n Bokent · Lóm · Sjteil · Tegele · Velde · 't Ven | |
Buurtschappe, gehuchte en wieke: Annakamp · Boleberg · Bong · Brandemeule · Geloë · Geloërveld · Genuuë · Greunveld · Groeët Boller · Hagerbroek · Hagerhaof · Hanik · Hasselt · De Hasselderhei · Hazekamp (Tuindörp (Blierik)) · Hoeëgekamp · Klingerberg · De Krosselt · Leemhors · Lingsfort · De Maagdenberg · Maasveld · Maaswaerd · Meulebös · Meuleveld · Op de Hei · Schandele · Sinselveld · Sint-Josephparochie · Stalberg · De Ticheleri · Underste en Bäöveste Meule · Vaegtes · Vastenaovendkamp · De Veerpaerdjes · Veld · Venlo-Centrum · Vilgert · Vogelhut · De Voort · 't Vorst · De Vossener · Wielderhaof |
This article uses material from the Wikipedia Limburgs article Hasselt (Velde), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.