Vogelhut
Dit artikel is gesjreve (of begós) in 't Venloos.
Laes hie wie v'r mit de versjillende saorte Limburgs ómgaon.
Vogelhut is ein wièk in de Limburgse stad Venlo. 't Leejt op de steilrand van de Maosterrasse en 't haet 4.500 inwoëners. Mier es de hèlf van de bewoëners van Vogelhut wuuent in sociale huurwuueninge en zoën 12 tót 15% haet neet-Westerse, allochtone aafkóms, waovan 'n aanzeenlik deil Marrokane en Turke. Ouk 't gemiddelde inkoëme is lieëger es in de res van Venlo. In 2005 haet de gemiddelde inwoëner van Vogelhut 'n inkoëme van €11.200, taenge €12.000 det gemiddeld is veur de gemeinte. Umdet 't aantal allochtone touwnaemt, kin dit negatieve gevólge höbbe veur de laefbaarheid en veiligheid in de buurt. Um die reie haet de gemeinte 't wièkcentrum heróntwikkeld en ein nuuj park aangeleg.
Oersprunkelik waas de bedoeling um óp de plèk van de wièk 'n hoeëgwaardiger wièk te boewe. Door ruumtegebrek en wuueningenoëd van vlak nao d'n Twieëde Waereldaorlog, woorte einvaudige hoezer geboewd mit steun van de staot, net wie in wièke wie Genuuë. De wièk haet aevels ein hecht vereinigingslaeve en steit ouk bekind es sociale wièk. Heej ligke ouk de vootbalvelder van de Venlose Boys en de VV VOS. Ouk haet de vootbalklub VVV-Venlo heej zien trainingsveld. Ouk haet Vogelhut ein vastelaovesvereiniging en 't gemingde koeër Bergklokken en Vaderhike.
 | |
|---|---|
| Stad: Venlo | |
| Dörper: Árse · Blierik · Houblierik · Belvend · D'n Bokent · Lóm · Sjteil · Tegele · Velde · 't Ven | |
| Buurtschappe, gehuchte en wieke: Annakamp · Boleberg · Bong · Brandemeule · Geloë · Geloërveld · Genuuë · Greunveld · Groeët Boller · Hagerbroek · Hagerhaof · Hanik · Hasselt · De Hasselderhei · Hazekamp (Tuindörp (Blierik)) · Hoeëgekamp · Klingerberg · De Krosselt · Leemhors · Lingsfort · De Maagdenberg · Maasveld · Maaswaerd · Meulebös · Meuleveld · Op de Hei · Schandele · Sinselveld · Sint-Josephparochie · Stalberg · De Ticheleri · Underste en Bäöveste Meule · Vaegtes · Vastenaovendkamp · De Veerpaerdjes · Veld · Venlo-Centrum · Vilgert · Vogelhut · De Voort · 't Vorst · De Vossener · Wielderhaof | |
This article uses material from the Wikipedia Limburgs article Vogelhut, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.