Strumentos De Venta

Los pote es divideda par la modo de crea la vibras: flautas usa la vibra de la fende de soflas; oboes usa la vibra de un o du anxas fabricada de cana o metal; e la trompas usa la vibra de la labios de la juor.

La familia de la flauta pote es divideda entre los con un duto spesial nomida un bisel, como la flauta dulse; los cual es sonada traversal, como la flauta; los cual es sonada de un fini, como la xacuhatxi:

Con bisel:

• sibila
• sibileta
• flauta dulse
• ocarina
• organo (musica)

Traversal:

• flauta
• picolo
• fife

A fini:

• ne
• xacuhatxi
• flauta de Pan

La familia de la oboe pote es divideda entre alga tipos de anxas: tipo un usa un sola anxa, como la clarineta; tipo du usa du anxas, como la oboe; tipo tre usa anxas libre, como la armonica.

Con un anxa:

• clarineta
• sasofon
• xalumo

Con du anxas:

• oboe
• corno engles
• bason
• xaram
• cromorno
• cornamusa

Con anxas libre:

• armonica
• acordion
• armonio

Strumentos en la familia de la trompa pote ance es divideda, en esta caso en cuatro tipos: Un tipo usa sola la varia de presa, como la corneto natural. Un otra tipo usa un tubo liscable, como la trombon. E la tipo final es los con valvas operada par la ditos de la juor, cual direta la aira a tubos cual estende la longia, como la trompa e trompeta. Un tipo plu usa la covre e abri de foras, como un flauta, la modo de la serpente.

La tipo simple:

• corno (musica)
• corneto natural
• trompa natural

La tipo liscante:

• trombon
• sacabuxa

Con valvas:

• trompeta
• trompa
• baritono
• eufonia
• tuba

Con foras:

• corneta
• serpente (musica)