La Federa de San Kitts e Nevis, ance conoseda como la Federa de San Cristoforo e Nevis, es un pais de du isolas en la Indias Ueste, en la Mar Caribe.
| |||
Imno: O Land of Beauty! | |||
Situada en la Isolas Suventa de la Antiles Minor, lo es la stato autonom la plu peti en la Emisfera Ueste, e en area e en popla. La pais es un membro de la Comunia de Nasiones, con Rea Elizabeth 2 como xef de stato.
La site capital es Basseterre sur San Kitts, la isola plu grande. La otra isola, Nevis, es locada a sirca 3 km a sude-este de San Kitts, a la otra lado de un canal basa nomida "La Stretas".
La depende brites Anguila ia es istorial ance un parte de esta uni, cual ia es alora conoseda como San Cristoforo-Nevis-Anguila. A la norde-norde-ueset es la isolas de San Eustacio, e Saba (Nederland), San Barthélemy, San Martin e Anguila. A la este e norde-este es Antigua e Barbuda, e a la sude-este es la isolas Redonda (peti e nonabitada) e Montserrat (cual ave un volcan ativa a presente).
San Kitts e Nevis ia es entre la isolas prima en la Caribe cual europeanes ia coloni. San Kitts ia es la loca de la colonias prima brites e franses en la Caribe, e per esta razona on ia refere a lo como "la Colonia Madrin de la Indias Ueste".
La area es sirca 261 cilometres cuadrida. La popla, en la anio 2007, ia conteni sirca 39,349 persones. La lingua major es engles.
Antilies | model | ||
Paises autonom | Aiti | Antigua e Barbuda | Bahamas | Barbados | Cuba | Dominica | Grenada | Guadelupe | Jamaica | Martinic | Porto Rica | Republica Dominican | San Kitts e Nevis | San Lusia | Trinidad e Tobago | ||
Dependes | Anguila | Antiles Nederlandes | Aruba | Bermuda | Isola Navasa | Isolas Caiman | Isolas Virjin | Montserat | Turcs e Caicos |
This article uses material from the Wikipedia Lingua franca nova article San Kitts e Nevis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.