Rio Missouri

"mizuri") es la rio la plu longa en America Norde. Comensante en la Montes Rocosa en Montana ueste, la Missouri ia flue a este e sude per 3,767 km ante entra la Rio Mississippi a norde de San Louis, Missouri. La rio drena un basin semiseca e no multe poplada de plu ca 1,300,000 km2, cual inclui partes de 10 statos de la SUA e du provinses de Canada. An si lo es videda como un enflue de la Mississippi, la Missouri supra la conflue es multe plu longa e porta un volum de acua comparable. Cuando combinada con la Rio Mississippi basa, lo formi la rio 4 en longia en la mundo.

Per plu ca 12,000 anios, popla ia depende de la Rio Missouri e sua enflues como un fonte de susta e transporta. Plu ca 10 grupos major de americanes orijinal ia popla la basin, con la plu de los como un stilo de vive nomada e dependente de la manadas enorme de bisones cual abita la Planos Grande. La europeanes prima ia encontra la rio en la sentenio 17 tarda, e la rejion ia pasada tra la manos espaniol e franses ante deveni parte de la SUA par la Compra Louisiana.

La Rio Missouri ia es un de la vias xef per la estende a ueste de la SUA en la sentenio 19. La crese de la comersia en pelos ia formi multe de la fonda de la estende cuando la trapores ia esplora la rejion e abri cursos. Colonistes ia vade a ueste en folas comensante en la desenio de 1830, prima par vagones covreda, e alora par la cuantia cresente de barcones de vapor sur la rio. La colonistes ia prende la teras orijinal de la americanes orijinal es la basin, cual ia resulta en la la geras la plu longa e violente entre los en la istoria american.

En la sentenio 20, la basin de la Rio Missouri ia es developada multe per iriga, controla de deluvias, e la jenera de potia idroeletrical. 15 pararios para la rio major, con sentos plu a la enflues. Flues serpentin ia es cortida e la rio escavada per bon naviga, reduinte sua longia par sirca 320 km de predevelopa. An si la vale de la Missouri basa es aora bon poplada e un rejion de cultiva e industria multe produosa, la developa ia dana la cuantias de animales, spesial la pexes, e la cualia de la acua.