Revolui Siensal
La Revolui siensal ia es un serie de aveni cual ia marca la emerji de siensa moderna en la eda moderna, cuando developas en matematica, fisica, astronomia, biolojia (incluinte anatomia umana) e cimica ia cambia la vide de sosia sur natur.
La Revolui siensal ia aveni en Europa a la fini de la Renase e ia continua tra la sentenio 18 tarda, influente la promove sosial inteletal conoseda como Lumina. En cuando sua datas es debateda, la publica en 1543 de Nicolas Copernico De revolutionibus orbium coelestium es frecuente sitada como marcante la comensa de la Revolui siensal.
La conseta de un revolui siensal aveninte sur un periodo estendeda ia emerji en la sentenio 18 con la labora de Jean Sylvain Bailly, ci ia vide un prosede en du pasos de destrui la vea e institui la nova. La comensa de la Revolui siensal, la Renase siensal, ia foca en la recovre de la conose de la anticas; e es jeneral considerada como fininte en 1632 con la publica de la Dialogos pertinente a la du siensas nova de Galileo Galilei. La completa de la Revolui siensal es atribuida a la "sintese grande" de la Prinsipes de Isaac Newton (1687). La obra ia formula la leges de move e gravita universal donce completinte la sintese de un cosmolojia nova. A la fini de la sentenio 18, la Revolui siensal ia sede a la "Eda de refleta".
Referes
Bibliografia
- Hannam, James (2011). The Genesis of Science. ISBN 1-59698-155-5.
This article uses material from the Wikipedia Lingua franca nova article Revolui siensal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.