Un nodo limfal (o glande limfal) es un organo ovin o renin de la sistem limfal, e de la sistem de imunia, presente en la corpo intera.
Los es liada par la dutos limfal e es locas major de limfocites B e T, e otra selulas blanca de la sangue. Los es importante per la bon funsiona de la sistem de imunia, atante como filtres per particulas strana e selulas de canser. Nodos limfal no ave un funsiona per desveneni, cual es prima funsionas de la renes e figato.
Un la sistem de limfa, la nodo limfal es un organo limfal suordinada. Lo es encluida en un capsula fibrosa e es composada de un cortex esterna e un medula interna.
Nodos limfal ave ance un sinifia clinical. Los deveni inflamada o grandida en maladias variosa, cual pote inclui infetas trivial de la garga a canseres cual menasa vive. La state de la nodos es multe importante en la gradi de canser, cual deside la trata coreta e determina la prognose. Cuando inflada, inflamada, o grandida, nodos limfal pote es dur, firma, o delicata.
This article uses material from the Wikipedia Lingua franca nova article Nodo limfal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.