Lege De Verner
La lege de Verner, descovreda par Karl Verner en 1875, descrive un cambia de sonas istorial en la lingua protogermanica.
Cuando la lege de Grimm ia es descovreda, un noncoere ia es notada. Per esemplo, protoindoeuropean (PIE) *bʰréh₂tēr (frate) deveni *brōθēr, como espetada. Ma la parola PIE *ph₂tḗr (padre) deveni protogermanica *faðēr, e no *faθēr como la lege de Grimm ta predise!
Karl Verner es la linguiste prima ci nota la razona per esta esetas: La fricantes vosida aveni cuando los segue un silaba nonasentuada en PIE (en un silaba noncomensante). La razona ia es ascondeda car protogermanica ia developa, plu tarde, la regula de pone la asentua a la prima silaba.
El ia nota plu ca cambias simil aveni per s, cual deveni z pos un silaba nonasentuada. Lo ia es ascondeda (o confusa) par la fato ce, estra en germanica este, la z ia deveni r!
La consonantes en leteras spesa es la esetas cual aveni como Verner sujesteda:
| PIE | *p | *t | *k | *kʷ | *s | |||||
|---|---|---|---|---|---|---|---|---|---|---|
| Grimm | *ɸ | *θ | *x | *xʷ | ||||||
| Verner | *ɸ | *β | *θ | *ð | *x | *ɣ | *xʷ | *ɣʷ | *s | *z |
This article uses material from the Wikipedia Lingua franca nova article Lege de Verner, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.