Vide ance la article jeneral de interlingua
La vocales en interlingua es pronunsiada como en espaniol o elefen. La consonantes es pronunsiada, per la plu parte, como en engles o elefen.
Interlingua reteni multe de la spele de parolas de latina, plu prosima a la formas en engles e franses ca los en la otra linguas romanica. Per esemplo, el reteni q ([k]), y ([i]), ch ([k]), ph ([f]), rh ([r]), e th ([t]). El reteni ance la usa comun de consonantes duple. Plu, el permete varias como ch per [ʃ], s entre vocales como [z], c ante e/i como [ts], g ante e/i como [ʒ], qu ante e/i como [k], etc.
Asentua no es indicada, an en esetas, ma el segue, per la plu parte, un sistem de regulas simil a el de elefen.
Interlingua ave ance un spele "collateral" (coladal), cual simpli la complicas a supra a un sistem plu como lo de elefen. Esta spele coladal ave la mesma prestijia, ma en realia lo no es multe usada par aderores. La detalias:
La plural es -s pos un vocal, -es pos un consonante, ma -hes pos c final:
Interlingua no ave seso gramatica. Alga parolas distingui fema de mas par cambia -o a -a, o par ajunta -essa. Otras ave du formas diferente. Ma la plu de parolas no distingui:
Ajetivos no cambia per acorda con nomes. Los pote presede o segue la nom, esetante numeros, cual presede sempre la nom. Jeneral, ajetivos corta presede e ajetivos longa segue.
Per compara, usa plus o minus e le plus o le minus:
On pote usa la sufisa -issime per la superlativa asoluta:
La ajetivas bon, mal, magne (grande), e parve (peti) ave formas nonormal elejable:
bon → plus bon → le plus bon | o | bon → melior → optime | ||
mal → plus mal → le plus mal | o | mal → pejor → pessime | ||
magne → plus magne → le plus magne | o | magne → major → maxime | ||
parve → plus parve → le plus parve | o | parve → minor → minime |
On ave du spesies de averbos: forma prima e forma du. Averbos de forma prima es un clasa cluida de parolas gramatica, como quasi (cuasi), jam (ja), e totevia (an tal). Averbos de forma du es es un clasa abrida derivada de ajetivos par ajunta la sufisa -mente (o -amente pos c final):
Alga averbos comun ave formas corta elejable cual fini con -o:
Como ajetivos, averbos usa plus, minus, le plus, e le minus:
La averbos de bon e mal ave formas nonormal elejable:
bonmente → plus bonmente → le plus bonmente | o | ben → plus ben → le plus ben | o | ben → melio → optimo | ||||
malmente → plus malmente→ le plus malmente | o | mal → plus mal → le plus mal | o | mal → pejo → pessimo |
singular | plural | ||||||||||
person | seso | sujeto | con preposa | ojeto | refletante | posese | sujeto | con preposa | ojeto | refletante | posese |
1 | – | io | me | mi, mie | nos | nostre | |||||
2 | – | tu | te | tu, tue | vos | vostre | |||||
3 | mas | ille | le | se | su, sue | illes | les | se | lor, lore | ||
fema | illa | la | illas | las | |||||||
cosa | illo | lo | illos | los |
Compara esta con la pronomes personal de elefen:
singular | plural | ||||||
person | seso | sujeto e ojeto | refletante | posese | sujeto e ojeto | refletante | posese |
1 | – | me | mea | nos | nosa | ||
2 | – | tu | tua | vos | vosa | ||
3 | mas e fema | el | se | sua | los | se | sua |
cosa | lo |
On pote usa la forma ojetal per la ojeta direta e la ojeta nondireta. O, on pote usa la preposada a ante la pronom per la ojeta nondireta:
La pronomes refletante es usada cuando la sujeto de la verbo es la mesma como la ojeto (direta o nondireta). Como en la linguas romanica, la refletante es usada multe plu ca en elefen o engles:
Regardante la formas de posese, la formas plu longa es usada en construis como le auto es le mie - la auto es de me. Ma on pote usa el ance como ajetivos plu forte ce la formas corta:
Multe parlores usa vos en loca de tu per cortesia en situas formal:
Usa illes per grupos de persones con ambos omes e femes. Illas pote es usada per grupos de sola femes.
Il es un pronom nonpersonal per usa en construis como il pluve (pluve). Il pote ance es usada como un locateninte cuando la sujeto vera es un proposa cual aveni plu tarde en la frase.
On es la pronom usada cuando la identia de la sujeto no es clar. La forma per ojetos es uno:
pronomes de mostra | ||||
rol | numero | seso | prosima | distante |
ajetivo | – | – | iste | ille |
pronom | singular | mas | iste | (ille) |
fema | ista | (illa) | ||
cosa | isto | (illo) | ||
plural | mas | istes | (illes) | |
fema | istas | (illas) | ||
cosa | istos | (illos) |
La formas major es la ajetivo iste e la pronome iste, ista, e isto, cual pote es pluralida. Cuando la sujeto de un frase ave du presedentes posable, iste refere a la presedente du.
La ajetivo de distantia es ille. La pronomes es la mesma como la pronomes personal.
La pronomes de relata per persones e animales es qui (sujeto e pos preposadas) e que (ojeto):
La pronom de relata per cosas es que per tota usas:
Il ha duo sortas de inventiones: illos que on discoperi e illos que discoperi uno - Nos ave du spesies de inventas: los cual nos descovre e los cual descovre nos
Cuje - "de ci" o "de cual" - es usada per persones e cosas:
Tota de los a supra pote es sustituida par le qual o le quales:
La pronomes de relata es ance usada como pronomes de demanda.
La formas plu comun de verbos es estas (nota ce la esetas es en leteras apoiada):
fini | -ar | -er | -ir | |
infinitivo | -r | parlar | vider | audir |
presente | - | parla | vide | audi |
pasada | -va | parlava | videva | audiva |
futur | -ra | parlara | videra | audira |
ipotesal | -rea | parlarea | viderea | audirea |
partisipio ativa | -(e)nte | parlante | vidente | audiente |
partisipio pasiva | -te | parlate | vidite | audite |
La verbos no varia per persones e pluralia, estra per varias elejable per esser. La tempos normal es usada per la sujuntiva e la comanda. Esse, habe, e vade ave formas corta per la presente: es, ha, e va.
Infinitivos es usada per ambos la infinitivo e la jerundio, e pote es pluralida si nesesada:
On ave tre tempos simple - pasada, presente, e futur. Los es usada per ambos la perfeta (completida) e la nonperfeta, e per ambos la perfetiva e la nonperfetiva (continuante):
La partisipios en interlingua es noncoerente: verbos en -ir usa -iente per la partisipio ativa, e verbos en -er usa -ite per la partisipio pasiva. Otra verbos usa -nte e -te:
En loca de la tempos simple, on pote usa formas composada. Per la pasada, on pota usa ha e otra formas de habe, con la partisipio pasada:
Per la futur, usa va e otra formas de vade, con la infinitivo:
Usada rara, velle con la infinitivo es la ipotesal composada:
La pasiva es formada par usa es o otra formas de esser con la partisipio pasiva:
La pasiva en la pasada perfeta es creada par usa habeva essite con la partisipio pasiva:
Asi es esemplos de formas variosa de comandas:
Sia es la forma de demanda e la sujuntiva de esser:
Car la verbo esser es nonormal en multe linguas european, interlingua permete la usa de varias:
Alga persones usa ance esta formas de esser en la tempo presente:
Car interlingua es un lingua "neolatina", el reteni alga de la radises duple de latina ce survive en la linguas romanica e engles. Per esemplo:
Multe parlores de interlingua prefere la usa de la forma plu reconosable en vocabula internasional, e lasa la otra cade.
La ordina normal de parolas en interlingua es sujeto-verbo-ojeto, ma on pote usa otra ordinas si la sinifia es clar:
Ma pronomes tende segue la ordina de la linguas romanica - sujeto-ojeto-verbo - esetante per infinitivos e comandas, cual ave la ojeto pos la verbo:
Si du pronomes - un la ojeto direta e un la ojeto nondireta - aveni con la mesma verbo, la ojeto nondireta vade prima:
On pote formi demandas en multe modos:
1. Par pone la verbo ante la sujeto:
2. Par usa un parola de demanda en loca de la sujeto:
3. Par ajunta la paroleta esque (o, plu rara, an) a la comensa de la frase:
4. Par cambia la tono de la frase, o par ajunta un sinia de demanda, sin cambia la ordina normal:
This article uses material from the Wikipedia Lingua franca nova article Interlingua (gramatica), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.