Baia Chesapeake
La Baia Chesapeake (engles: Chesapeake Bay, pronunsiada Txésapik Bei) es un estuario en la statos Maryland e Virginia en la SUA.
Lo es situada en la rejion media-atlantica e es separada de la Mar Atlantica par la Penisola Delmarva, con sua boca situada a la sude entre Capo Henry e Capo Charles. La baia es multe importante pe la ecolojia e economia de la du statos e otras. Plu ca 150 rios major sorti a la baia, con un basin de 166,534 km2, cual covre partes de ses statos (New York, Pennsylvania, Delaware, Maryland, Virginia, e Virginia Ueste) e Washington, DC (la capital de la SUA).
La baia es sirca 320 km longa de la sorti de la Rio Susquehanna a sua sorti a la Mar Atlantica. Lo ave un surfas de 11,601 km2, con un profundia promedia de 6.4 metres, e un profundia masima de 53 metres.
La baia es abitada par un varia multe grande de pex e avias. La nom es de un parola algoncian Chesepiooc, cual ia refere a un vileta "a la acua grande", situada asta la abri de la baia a la Mar Atlantica, o a la popla de acel vileta.
This article uses material from the Wikipedia Lingua franca nova article Baia Chesapeake, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.