Walt Whitman Rostow
De Walt Whitman Rostow, gebuer de 7.
Oktober">7. Oktober 1916 zu New York City a gestuerwen den 13. Februar 2003 zu Austin, Texas, war een US-amerikaneschen Historiker an Ekonomist. Hie gouf bekannt wéinst sengen Theorien iwwer de Wirtschaftswuesstum, déi hien op der Grondlag vun den Aarbechte vum Colin Clark verfäinert an ausgebaut huet. Senger Theorie no entwéckelt eng Ekonomie sech an Etappen, vun der Etapp vun der Ënnerëntwécklung bis hin zur Konsumgesellschaft, der Gesellschaft vum Massekonsum. Hie beschreift d'Konditiounen, déi erfëllt musse sinn, fir datt an engem Land d'Ekonomie den take off erreecht an duerchstart.
| Walt Whitman Rostow | |
|---|---|
.jpg) bei enger Sëtzung am Wäissen Haus (1968) | |
| Gebuer | 7. Oktober 1916 New York |
| Gestuerwen | 13. Februar 2003 Austin |
| Nationalitéit | USA |
| Educatioun | Yale Universitéit, Balliol College |
| Aktivitéit | Ekonomist, Universitéitsprofesser, Politiker, Schrëftsteller, Historiker, Politolog |
| Partei | Democratic Party |
| Member vun | American Academy of Arts and Sciences, American Philosophical Society |
 | |
Hie war och Beroder vum John F. Kennedy an dem Robert McNamara.
Säi Wierk
Hei e puer vu senge Publikatiounen:
- The Stages of Economic Growth: A non-communist manifesto, 1960.
- Politics and the Stages of Growth, 1971.
- How it All Began: Origins of the modern economy, 1975.
- The World Economy: History and prospect, 1978.
Seng Publikatioune sinn a vill Sproochen iwwersat ginn. Wichteg ass a franséischer Sprooch:
- W.W. Rostow: Les étapes de la croissance économique, Éditions du Seuil, Paräis, 1960
Um Spaweck
| Commons: Walt Whitman Rostow – Biller, Videoen oder Audiodateien |
This article uses material from the Wikipedia Lëtzebuergesch article Walt Whitman Rostow, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.