Volkerus Kauder (natus 3 Septembris 1949 oppido Hoffenheim (Badenia) vir publicus Germaniae et sodalis Christianae Democraticae Unionis Germaniae (CDU) est.
Kauder anno 1968 testimonium maturitatis adeptus militavit et deinde Friburgi iurisprudentiae studebat. Anno 1975 primam, anno 1977 secundam probationem accepit. Deinde in administratione terrae Badeniae-Virtembergiae operam dedit et annis 1980 - 1990 praeses vicarius administrationis pagi Tuttlingen fuit.
Kauder uxorem duxit. Et frater eius Siegfriedus Kauder ut Volkerus legatus Dietae Foederalis Germaniae erat, annis enim 2002 - 2013.
Annis 1966 - 1984 Kauder sodalis Unionis Iuvenilis fuit. Ab anno 1975 et officia diversa in factione CDU Badeniae administravit et annis 1991 - 1995 secretarius generalis factionis duce Ervino Teufel fuit. Iam ab anno 1990 Kauder legatus Dietae Foederalis est et anno 2005 etiam praeses legatorum suae factionis electus est et adhuc manet. Anno 2004/2005 secretarius generalis totius factionis erat. Anno 2013 iterum legatus ad parlamentum Germanicum creatus et die 23 Septembris iterum praeses legatorum CDU/CSU fractionis electus est. Et anno 2017 iterum legatus ad Dietam Foederalem atque deinde praeses fractionis electus est. Sed die 25 Septembris 2018 electione nova legatorum contra Ralphum Brinkhaus perdidit, qui novus praeses fractionis nunc est. Legati consilia cancellariae Angelae Merkel et eius adlati Volkeri Kauder contenti non esse visi sunt.
Vicimedia Communia plura habent quae ad Volkerum Kauder spectant. |
This article uses material from the Wikipedia Latina article Volkerus Kauder, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.